Тәуелсіздіктің 25 жылдығына арналған тәрбие сағаты

Тақырыбы: Тәуелсіздіктің 25 жылдығы құтты болсын!

Мақсаты: Оқушылардың Отанға деген сүйіспеншілігін оята отырып, елжандылыққа тәрбиелеу. Патриоттық сезімін ояту. Оқушылар сахналық қойылым желісін түсіне отырып, тәуелсіздіктің шежіресімен танысады. Шығармашылық қабілеттері артады.

Күтілетін нәтиже:Бүгінгі ашық тәрбие сағатында тәуелсіздіктің шежіресін біледі. Шығармашылық қабілеттері артады.

1-жүргізуші: - Құрметті ұстаздар, ата-аналар, және қонақтар! Бүгінгі біздің ашық тәрбие сағатымызға хош келдіңіздер!

2-жүргізуші: Бүгін біз еліміздің сан мың жылдар бойы армандаған, ғасырлар бойы найзаның ұшымен, ерлеріміздің ерен ісімен, желтоқсан оқиғасымен келген, тарихымызда алтын әріптермен жазылып қалатын тәуелсіздіктің 25 жылдық мерекесін атап өтеміз.

Қазақстан Республикасының Әнұраны

1-жүргізуші:

Тәуелсіздік -11 әріп құралған,

Сан ғасырлар бар қазаққа боп арман,

Талай дара, даналардың көз жасы.

Қаныменен атты таң боп бізге алдан.

Он бір әріп не мағына береді,

Ал талдайық, жеткенінше қызыл тіл.

1 – оқушы: Т – білдіреді теңдікті,

2 –оқушы: Ә – әдептілік елдікті,

3 –оқушы: У – уайымсыз уақытты,

4 –оқушы: Е – егемен елдікті,

5 –оқушы: Л – дейді лағып, лепірді,

6 –оқушы: С – сенімділік секілді ең,

7 –оқушы: І – ілтипат пен ізет қой,

8 –оқушы: З – зиялылық, тілек қой,

9 –оқушы: Д – шақырады достыққа,

10-оқушы: І – ілкімді боп сақтықта,

11 –оқушы: К – дейді күн боп көктегі,

Көз алартпа көршілерге, қол сұқпа.

Хормен: Тәуелсіздік – құтты болсын!

Болмасам да сол кезде мен сеземін

Жүректе намыс оты сөнбегенін,

Ызғарына аяздың төзгендерін,

Бұл күннің оңайлықпен келмегенін.

Жүректе намыс оты лапылдаған,

Күш-жігері жастардың сарқылмаған.

Отан үшін олар шығып алаңға

Қарсы ағып өзендей тасқындаған.

Құтты болсын тәуелсіздік мерекесі,

Мықты болсын елімнің керегесі.

Татту-тәтті боп халқымыз әрқашан,

Кетпесін туған жердің берекесі.

Тәуелсіздік үшін тігіп бастарын

Желтоқсанда шықты алаңға жастарың

Әр ұрпақтың құрбандары жетерлік

Дербестікке кім сұрамақ басқа құн?

Армандарды жақындатып тым алыс,

Біздің жаққа жеткен екен жылы ағыс.

Егемендік - ел бақыты, ертеңі,

О, халайық! Құтты болсын қуаныш!

Тәуелсіз Қазақстан – елім менің,

Асыл елім жан - жүректі ұғысқан.

Ата бабам аңсап өткен бақытым,

Айналайын, Қазақстан - Гүлстан!

Кең байтақ, көз жетпейтін жерім менің

Таулы орман, жасыл жайлау көлім менің

Бүгінде бар әлемге даңқың жетті

Тәуелсіз Қазақстан елім менің!

2-жүргізуші:

Бар үмітін көкейінде сақтаған,

Елімменен қуанамын, мақтанам.

Қиындықпен жеткен талай жеңіске,

Тәуелсіздік шежіресін ақтарам

1-оқушы:

1991 жылғы желтоқсанның бірінде Нұрсұлтан Әбішұлы Назарбаев президент болып сайланды. Тұңғыш президентті Тәуелсіз Қазақстанның күрделі де түбегейлі істері күтіп тұрды.

2-оқушы:

1991 жылы қазан айының бас кезінде қазақ халқының батыр ұлы Тоқтар Әубәкіров ғарышқа сапар шегіп, жерге аман-есен оралды.

3-оқушы:

1991 жылы 16 желтоқсан –«Қазақстан Республикасы тәуелсіздігі туралы» заң қабылданған күн.

4-оқушы:

1992 жылы 2 наурыз – Қазақстан Республикасының Біріккен Ұлттар Ұйымына мүше болған күн. Міне, осы бір қасиетті күннен бастап біздің елімізді әлем тани бастады.

5-оқушы:

Қазақстан туымен тұғырлы, Елтаңбасымен еңселі, Әнұранымен айбатты,шекарасы, теңгесімен, тілі, дінімен басқа елдермен терезесі тең, керегесі кең ел.

6- оқушы:

1996 жыл 30- тамыз-Қазақстан Республикасының Конституциясы қабылданған күн.

7- оқушы:

1997 жыл 11-қазан- Назарбаевтың Қазақстан халқына жолдауы. «Елімізді 2030 жылы барысқа айналдыратын күш, бүгінгі мектеп партасында отырған оқушылар мен жастар» деп біздерге мол сенім білдірді. Бұл сенімді ақтау- біздің басты міндетіміз.

1-жүргізуші: Мың бұралған биші қыздарымыздың биін тамашалаңыздар.

2-жүргізуші:

Ерте, ерте, ертеде барлық аңдар жиналып, жиналыс ашып, өзара кеңесіпті. Олар «Тәуелсіздіктің 25 жылдық таңын кім бірінші көреді екен?» деп сөз таластырыпты. Тәуелсіздіктің 25 жылдық таңы елге ерекше жақсылық алып келеді, ол таңның алғашқы шапағын көрген хайуанаттар жыл басы болады деген сенім болса керек-ті. Содан хайуанаттар жиналып өзара талас тудырып, пікірлерін ортаға салыпты.

1.Қой: Достар, тыңдаңдар! Мә-мә-мә. Жыл басы мен болатын уақыт жеткен болар, себебі Тәуелсіздік алған 1991 жыл –қой жылы екен. Яғни менің жылым тарихта алтын әріппен жазылды. Өзімнің де адамға тигізер пайдам көп. Қазақ халқының сабырлы мінезін де маған теңейді. Тіпті өз шаруасын білетін момын шаруаны да «Қой аузынан шөп алмас» деп жататыны бар. Мә-мә-мә.

Қараңдаршы қандаймын

Аппақ болған таңдайым

Жыл басына лайық

Жарқырап тұп маңдайым

2.Мешін: Қой, сен қателесесің. Бұл Тәуелсіздіктің 25 жылдық таңын мен көруге тиіспін. 1992 жылы менің жылымда да елеулі оқиғалар көп болды. Тәй-тәй басқан еліміздің рәміздері қабылданды,…