Тазалық – денсаулық кепілі тәрбие сағаты, 4-сынып

Сабақтың тақырыбы: Тазалық-денсаулық кепілі

Мақсаты: оқушылардың тазалық,саулық туралы ұғымдарын кеңейту,тазалықтың пайдасын ұқтыру. Салауатты өмір салтына сай оқушыларды болашақтың тірегі болатын, дені сау азамат етіп тәрбиелеу. Жинақылыққа, ұқыптылыққа, тазалыққа баулу.

Сабақтың барысы: І Ұйымдастыру кезеңі.

-Сәлеметсіздер ме,балалар. Бүгін бізге көп қонақтар келіп отыр,біз өз ойымызды ортаға салайық.

Ұйымдастыру кезеңі: ҚР Әнұранын орындау.

1.Психологиялық дайындық :

Білмегенді білейік,

Бірге ойнап жүрейік.

Әрқашан да амандық,

Баршаңызға тілейік.

2. Денсаулыққа байланысты мақал-мәтелдер айтқызу.

Сымбат: «Денсаулық-зор байлық»

Ермұхаммед: «Дені саудың-жаны сау»

Әсел: «Ауырып ем іздегенше,

Ауырмайтын жол ізде».

Мақсат:Бірінші байлық-денсаулық

Екінші байлық-ақ жаулық

Үшінші байлық-он саулық

Замира: «Тазалық-денсаулық негізі

Денсаулық-байлық негізі»

Жәнібек: «Шынықсаң-шымыр боларсың»

Бексұлтан: «Денсаулықтың кепілі тазалық»

Мейрамбек: «Аурудың жақсысы жоқ

Дәрінің тәттісі жоқ»

Әмірхан: Бас аманда мал тәтті,Бас ауырса, жан тәтті.

3. Видеоролик көрсету.

-Бүгінгі сабағымыз тазалық тақырыбына арналады. «Тазалық –денсаулық кепілі » атты ашық тәрбие сағатымызды бастаймыз.

-Тазалық туралы айтқанда,ойымызға не келеді?

4. –Бүгін біз «Кірқоймас» кітапшасымен танысамыз.

Есік қағылып,Кірқоймас көмекшілерімен кіреді.

5. Кірқоймас: Тазаланып тұру керек,

Ерте мен кеш жас бала.

Кір-кір болу елден ерек,

Мүлдем ұят,масқара!

Мыналар менің көмекшілерім. Аттарын атаңдаршы /сабын, тарақ, орамал/. Осы заттар сендерде бар ма? Менің тағы қандай көмекшілерім бар екенін білесіңдер ме?

6. Жұмбақ шешу.

Бұдан кір қорқады,

Судан бұл қорқады. /Сабын/

Дәмі де жоқ, түсі жоқ,

Пайдаланбас кісі жоқ. /Су/

Жуынып болғанында,

Жүреді қолдарында. /Орамал/

Қалтамда жатыр,тісі бар,

Тістемей-ақ істер ісі бар. /Тарақ/

Осы айтылған заттар не үшін керек?

- Сабын денеміздің кірін кетіріп,таза болу үшін керек.

- Су жуынып,аппақ,тап-таза болып жүру үшін керек.

- Орамал денемізді құрғату үшін керек.

- Тарақ шашымызды тарау үшін керек.

- Айна киіміңді,шашыңды ретке келтіру үшін керек.

Ал енді тазалықтың қастарын айтайық:

Бұл баланы кім дейді?

Алмат: Бәтеңкесін,пальтосын

Өзі кие білмейді,

Бұл баланы кім дейді? (Жалқау)

Мақсат: Көзінен жас кетпейді,

Балалардан шеттейді,

Бұл баланы кім дейді? (Жылауық)

Нұрсұлтан: Айтқанға ол көнбейді,

Қонаққа маза бермейді,

Бұл баланы кім дейді? (Тентек)

Диярбек: Шықпай жатып көшеге,

Үсті-басы кірлейді,

Бұл баланы кім дейді? (Салақ)

7. Осы кезде үсті басы кір,ұқыпсыз,салақ бала кіреді.

-Ха,ха-ха! Мынау келген кімдер?Сендер неге тап-таза болып отырсыңдар? Мен сендерді суға түспей кір болып жүруге, партаны сызуға,құстарды атуға үйретемін. Қайсысың менімен дос боласыңдар? Оқушылар жауабы.

-Жарайды, менімен дос болғыларың келмесе, күштеріңді сынап көрейін, кім менімен күш сынасады? Менің күшім сендерден көп?

-Ой-ой,қолымды ауырттың ғой.

8. Ойындар ойнау. «Күш сынасу», «Арқан тарту», «Аджимания» жасауды көрсету.

9. Кірқоймас: Ой,оңбаған, кір-кір неме,

Көрінбе,әрі,көзіме.

Тап қазанның түп күйесі,

Қарашы өзің-өзіңе.

Мойның мынау,толған батпақ,

Бұл не деген масқара!

Мұрның асты сатпақ-сатпақ,

Қолың көсеу,қап-қара!

10.Мұғалім: -Бұл бала туралы не айтамыз?

-Таза жүруді білмейтін бала туралы өлеңді кім айтады?

1.Анау бала, бетін қара,

Кір-қожалақ, қап-қара.

2.Тырнағы өскен,

Шашы көптен,

Алынбаған масқара!

3.Оның аты-Сабалақ,

Әдеті бар жаман-ақ.

Киімі кір қожалақ,

Көрген емес тазалап.

11.Мұғалім: Кітапты күтіп ұстау туралы көріністі тамашалайық.

12.Оқушы: Оқулықтар,неге осыншама түрлерің жаман,өздерің қашып келе жатқанға ұқсайсыңдар ғой?

Оқулық: Иә,ауырып тұрмыз,жараланбаған жеріміз жоқ. Әрең қашып құтылдық.

Оқушы: Иә,жағдайларың белгілі болып тұр. Сендер салақ,ұқыпсыз оқушыға тап болғансыңдар –ау шамасы, содан ол қалай болса солай ұстаған.