Теңіз мекендеушілері туралы ашық сабақ мектепке дейінгі балаларға

Білім беру саласы:Қатынас

ҰАОҚ:Сөйлеуді дамыту

Тақырып: «Теңізді мекендеушілері»

Мақсаты:

Үлгі бойынша бейнелік сипатты әңгіме құруға үйрету.Әңгімелеу барысында сын есімдер мен етістіктерді қолдана білуге үйрету.Тілдің қарқынын өзгерту біліктерін бекіту.

Әдіс-тәсілдері: Ойын,сұрақ-жауап,әңгімелеу,тосын сәт,сергіту,ӨТШТ ойыны,Тәжірбие жасау,мадақтау.

Құрал жабдықтар :Проектор,теңіз мекендеуші жайлы слайд,музыкалы сүйемелдеу:жаңбыр шуы,теңіз шуы, найзағай дауысы. ӨТШТ ойыны, «Теңіз мекендеушілердің кескінді суреттері. Тәжірибе жасауға арналған құрал-жабдықтар. Хат, аквариум, балықтар .

Іс- әрекет бөлімдері

Тәрбиешінің әрекеті

Балалардың іс- әрекеті

Ынталандыру

Сезімді ояту

Балалар,бүгін бізде ерекше оқу қызметі болмақ.Оқу қызметімізді әдемі сөздермен шаттық шеңбермен бастайық.

Достар бірге жүреміз,

Бірге ойнап күлеміз

Бірге балық аулаймыз

Міне біздер қандаймыз,

Өзен,көлге,теңізге

Саяхатқа шығамыз

Әрқашанда ,біргеміз

Бөлінбейді іргеміз!

Тосын сәт:

Музыка әуенімен Қарақшы Джек келеді.

Қарақшы :Амансыңдарма балалар , мені таныдыңдар ма ?Мен атақты қарақшы Джекпін.Мен өз кемемді және тобымнан айырылып қалдым.Маған сендердің көмектерің қажет, көмектесесіңдер ме? Маған алыс елден хабарландыру келді «Өз тобыңды жина да ,тапсырмаларды орындап өз теңізіңе орал.

Егер сендер батыл және ержүрек болсаңдар мен сендерді теңіз саяхатына шақырамын. Тапсырмаларды бірден орындап шығайық.

Тәрбиеші: Балалар тапсырмаларды орындауға дайынсыңдар ма?

Амандасады

Өлең жолдарын бірге қайталайды.

Иә ,барамыз

-Иә

Ұйымдастыру

ізденушілік

Тапсырмаларды орындамас бұрын ,кейбір нәрселерді есімізге түсіріп алайық.

Қазір біз ,әр түрлі дыбыстарды естиміз,ал сендер оларды табуларың керек.

Фонограмманың дыбыстары естіледі \Жаңбыр, күннің күркіреуі,теңіздің дыбысы\

Дұрыс бұл жаңбырдың дыбысы.

Қарақшы : Дұрыс бұл теңіздің дыбысы.

-Жарайсыңдар балалар, қараңдар мен не тауып алдым!

-Сандық, оның ішінде не бар екен?

-Хат бар екен

-Бұл хатта ,өте тату тұратын көпұлтты мемлекеттен туралы айтылған..

-Қай мемлекет екені білу үшін ,біз тапсырма орындаумыз керек.

Бірінші тапсырма. ( слайдқа назар аударады?)

Балалар, қараңдаршы бұл жерде Каспий теңізі бейнеленген. Ол үлкен,көгілдір.Суы толқынды. Толқынмен теңіз суы жағаға соғып тұр.Теңіз өзінің сұлулығымен адамдарды өзіне тартып тұрады. Қандай тамаша көрніс.

Балалар теңіз қандай екен?

-Ол тартымды ,өзіне тартып тұрады.

-Теңізге барғың келіп тұрады.

Жеке баламен жұмыс:

Балалар ,кім маған осы көрністі әңгімелеп береді.

Аруназ.

Теңіз өте әдемі.Ол адамдарды еріксіз өзіне тартады.Теңіз суы толқынды,көгілдір.Теңіз маған ұнады.

-Бүгін біз теңіз мекендеушілері туралы кеңінен әңгімелесеміз.Қызық нәрселер білеміз.

Теңіз мекендеушілері туралы тындайық.\Слайд\

Дельфин-ол теңіздің ең ақылды теңіз мекендеушісі.Ол балықтармен қоректенеді. Дельфиндер ,өте мейрімді, сондықтан әлсіз , жаралы жәндіктерге көмектеседі.Адамдарды , ажалдан құтқарған кездері де болды. Дельфиндер циркте өнер көрсетеді,олар оңай үйретілетін жануарлар.

-Делфин қандай ? (Ақылды)

Медуза\Слайд\

Медуза – ол домалақ , шар сияқты.Олар көбінесе улы болады, адам одан сақтану керек.Егер медузаны судан алып шығып ,тасқа қойса ,ол жоқ болып кетеді, яғни кеуіп қалады.

Өйткені ол тұтас судан тұрады.Ол ұсақ балық тармен қоректенеді.Егер медузаны түртіп қалсаң ол улы сұйық затты шығарады.Сосын ол өліп қалады.

Медузаның пішіні қандай? (Домалақ,шар тәрізді)

Теңіз жылқысы\Слайд\

Ол жағажайдан алыс мекендейді.

Ол жыртқыш балықтардан ,балдырлар арасында жасырылады,түсін өзгертеді.Содан оны жыртқыштар байқамай қалады.

Теңіз жылқысы қайда мекендейді? (Жағажайдан алыс жерде)

Теңіз жұлдызы \Слайд\

Теңіз жұлдызы гүлге ұқсайды.Теңіз жұлдызы сәулелерімен қозғалады,теңіздің түбі бойымен жүзіп өзіне өнім іздейді.

Оның көздері жоқ, аузы денесінің астында орналасқан.

Теңіз жұлдызы немен қозғалады?( Теңіз жұлдызы сәулелермен қозғалады)

Балалар,мен сендерді ойын ойнауға шақырамын .

ӨТШТ-ойын «Суретті құрастыр»

Суреттерді құрастырып ,біз алдымызда қандай бейне кездестіретінімізді білеміз.