Тік белдемше сызбасын құрастыру ашық сабағы

Бағдарламаның тақырыбы: Тік белдемше сызбасын құрастыру,

пішу және өңдеу

Сабақтың тақырыбы: Тік белдемшенің сызбасын құрастыру.

Сабақтың мақсаты:

білімділік: Тік белдемшені құрастыру, пішу барысында өндірістік

дағдыларын қалыптастыру.

дамытушылық: Теориялық білімдерін іс жүзінде пайдалана білуге, алған

білімдері арқылы өз бетінше жұмыс істеуге үйрету.

тәрбиелік: : Ұқыптылыққа, әсемдікке, төзімдікке, үнемділікке тәрбиелеу.

Сабақтың түрі: аралас

Қолданылатын технологиялар: ойын технологиясы

Пәнаралық қатынас: тарих, құрастыру.

Материалды – техникалық жабдықталуы: компьютер, интерактивті тақта, нұсқау карта, шеберхана жабдықтары, оқушылардың жеке құралдары.

Сабақтың барысы

І. Ұйымдастыру бөлімі – 5-6 мин

1. Оқушылармен амандасу.

2. Сабақта жоқ оқушыларды белгілеу.

3. Оқушылардың сабаққа дайындығын тексеру.

ІІ. Кіріспе бөлім

Оқушылардың зейінің жаңа сабаққа бейімдеу:

Жаңа тақырыпты бастамас бұрын өткен тақырыпты естерімізге түсіріп жіберейік.

1 тапсырма: Карточка – ойын «Лото»

Оқушыларға карточка беріледі дене өлшемдері. Ойын шарты: өлшем алу әдісінің толық жазылуына сай ұяшықты жабу.

2 тапсырма: Суретке карап өлшемдерді трек сызығын белгілеу

3- тапсырма: Суретке қарап қатені та бу

Сабақтың тақырыбы мен мақсатын хабарлау:

Тік белдемше сызбасын құрастыру барысында практикалық дағдыларын қалыптастырып, алған білімдері арқылы өз бетінше жұмыс істей алуға үйретіп, жұмыс барысында төзімділікке, шыдамдылыққа, ұқыптылыққа тәрбиелеу.

Жаңа тақырыпты баяндау

Қолдану әдісіне байланысты барлық киімдер белдік және иықтық болып жіктеледі.

Иықтық деп иыққа бекітілетін, ал белдік деп белге бекітілетін киімдерді айтады.

Белдік киімдердің негізгі тобын белдемшелер құрайды.

Белдемшелер – әйелдер гардеробының негізгі бөлігі. Белдемше пішіні заманына, мода бағытына байланысты өзгеруі мүмкін, бірақ үнемі сұранысқа ие. Белдемше костюмнің бөлігі ретінде және жеке бұйым болып та табылады немесе көйлектің бөлігі болуы мүмкін. Әдемілік, қарапайымдылық және қолайлылық – белдемшеге қойылатын талаптар осылар. Белдемше формасы ғасырлар бойы өзгеріп отырды.

Тарихи анықтама

Киімдердің ең көне элементтерінің бірі белдік болатын. Белдікке тартылған терілер, жапырақтар, маталар алғашқы белдемшенің түпнұсқалары еді.

Негізінен адамдар киімді әйел адамның, ер адамның киімі деп бөлуді білмеген. Ежелгі Греция мен ежелгі Римде белдемше ер адамның киімінің бірі болған. Оның ұзындығы лауазымына байланысты болып келген, яғни жастардың киіміне қарағанда елеулі азаматтардың киімі ұзынырақ екен. Белдемшенің ұзын-қысқасынан - әлеуметтік мәртебесін байқауға болады. Ал әйел адамда белдемше болмаған, олардың киімдері жамылғы, туника болып келген.

Тек ХV ғасырда готикалық белдемше кеудеше мен белдемшеге бөлінді.

ХVІ ғасырда Испанияда бай әйелдер көлемді, қабат-қабат бірнеше белдемшеден тұратын киімдерді кие бастады. Бұл белдемшенің бір кемшілігі салмағы ауыр болды, сондықтан белдіктерге бекітілген бірнеше металдардан жасалған құрсауды (обруч) ойлап тапты.

Италия мен Францияда белдемше жеңілдеу, аз қабаттан тұрды. Мықын тұстарына арнайы мақта жастықшаларын қойды.

ХІХ ғасырдың аяғында белдемше еркін, қолайлы, күнделікті өмірге ыңғайлы бел бұйымына айналды.

ХХ ғасырдың 60-шы жылдары британ Мэри Куант «мини» белдемшені сәнге кіргізді. Британ империясы Мэри Куанттың қысқа белдемшесін қабылдап орден берді және экспортқа шығаруға рұқсат берді. Бұдан кейін «макси» белдемше пайда болды, бұл үлгі сәнде көп тұрақтамады.

Қазіргі кезде ұзындығына байланысты белдемшелер «mini» (өте қысқа), «midi» (орташа), «maxi» (тым ұзын) деп бөлінеді

Конструкциясы бойынша белдемшелер:

Тік

Қиықты

Конус тәрізді

Тік белдемшелер силуэтіне байланысты: тік, етегі тарылған және кеңейтілген.

Тік белдемшелер: екі бөлшектен тұрады: алдыңғы және артқы бойлардан. Тік белдемше фигураны тығыз қынап тұрады, ол тілікті, қатпарлы, жиырылған, иінішті, қалталы т.с.с. болуы мүмкін. Тік белдемшені моделдеу арқылы сан алуан белдемше түрлерін шығаруға болады.

Тік белдемшені құрастыруға қажетті өлшемдер:

Ст – Жартылай бел айналымы.

Таспа бел сызығын айналдыра өтіп көлденең өлшенеді. Өлшемнің жартысы жазылады.

Сб – Жартылай мықын айналымы.

Мықынды айналдыра іштің шығынқы тұсын ескере отырып өлшенеді. Өлшемнің жартысы жазылады.

Диз - Бұйым ұзындығы.

Артқы бойдың бел сызығынан төмен қарай қажетті үзындыққа дейін түсіріледі. Өлшем белдемшенің ұзындығын анықтау ұшін қолданылады .

Тік белдемше құрастыру