Тіл мерекесіне арналған балабақша ертеңгілігінің сценарийі

Ана тілім – өз тілім!

Мақсаты: Балалардың елге,тілге деген сүйіспеншілігін арттырып,сыйластық сезімін сақтап,өз тіліне құрметпен қарауға тәрбиелеу.

Жүргізуші:

Қайырлы күн, құрметті қонақтар!. Сіздерді Қазақстан Республикасы халықтарының тілдері мерекесімен құттықтаймыз! Тәуелсіз еліміз үшін тіл мерекесінің маңызы жоғары. "Өзге тілдің бәрін біл, өз тіліңді құрметте" демекші, біздің ана тіліміз – атадан-балаға мирас боп жеткен асыл қазына. Қазақ тілін сүю, қадірлеу – ұлтымызға деген сүйіспеншілігіміз.

Салтанатты күн бүгін

Шырқалады әнұран

Көк аспандай туымда

Қалықтайды жас қыран.

Әнұран

Шұғыла:

Өсірген ой білімді

Сүйем туған тілімді

Мақсат етем әр сөздің

Мәнін терең білуді

Миринда:

Әркім тілін сүйеді

Қадірлейміз мұны біз

Қазақ тілі киелі

Мемлекеттік тіліміз

Мейрбек:

Ақ сүтінен жаралған

Ақ сүтінене нәр алған

Анаға бас иеміз

Туған елдің тілі деп

Туған жердің үні деп

Ана тілін сүйеміз

Көзайым:

Нұр шашады алтын күн

Отанымда мереке

Қона берсін еліме

Бақыт,шаттық,береке

Кәусар:

Сыйласаң өз ұлтыңды

Құрметтейсің тіліңді

Үнатсаң дәстүр салтыңды

Ұмытпайсың тіліңді

Жүргізуші:

Құлақтан кіріп, бойды алар

Әсем ән мен тәтті күй

Көңілге сырлы ой салар

Әнді сүйсең менше сүй-деп Абай атамыз айтқандай келесі кезекті әсем әнге берейік

Ән : «Ана тілін сүйеміз»

Айсана:

Ана тілің біліп қой,

Еркіндігің, теңдігің.

Ана тілің біліп қой,

Мақтанышы елімнің.

Иманғали:

Ана тілің арың бұл

Ұятың боп тұр бетте

Өзге тілдің бәрін біл,

Өз тіліңді құрметте.

Ерке:

Ана тілім менің

Әлдилеген әнім

Ана тілім – демім

Ана тілім – жаным.

Юсуф:

Тілім барда мақтанам

Тілім менің аппақ ән.

Бірлігімді бүгінгі

Ана тілім сақтаған.

Мақсат:

Ақыл-ойын дананың

Ана тілден аламын.

Ана тілі ардақты,

Ақ сүтіндей ананың.

Би: «Қазақ биі»

Лилиана:

Ана тілім –елдігім

Ана тілім-ерлігім.

Тілді биік құрметтеп

Тойлап жатыр ел бүгін

Аяжан:

Ана тілім-тірегім

Ана тілім – жүрегім.

Қасиетті елімнің

Теңі өзің деп білемін.

Ақбота:

Тәуелсіз Қазақстанның

Бал тілді бүлдіршінімін

Мерекесін тілімнің

Тойлаушының бірімін.

Алишер:

Мәртебесі тілімнің

Биік болсын халайық

Достығымыз жарасып

Қосылып ән салайық

Жүргізуші:

Тілмен ғана қызық менің тірлігім

Тату еткен ел мен елдің бірлігін.

Туған тілмен асқақ шығып ізгі үнім,

Туған тілде алып жүрміз біз білім – деп ақындарымыз жырлағандай,тілімізді

құрметтейік,қорғайық.Өз тілімізбен мақтанайық.Бүгінгі мерекелік шарамызға қатысқандарыңызға көп рахмет.Құттықтау сөз бөбекжай меңгерушісі Г.Бауыржанқызына беріледі.

Алақай! Алақай!Шаттанды балақай!Күз түсті, дән пісті.Айтамыз алғысты.

Қамба толды астыққаАлғыс саған алтын күз.Бір уыс дән шаштық та,Қап - қап қауын алдық біз.

Жетті желмен алтын күз,Жеміс жинау салтымыз.Жиып - теріп болған соң,Той жасайды халқымыз.

Көрініп елімеКүндері мереке.Келді ғой жерімеКүз дейтін мереке.

Берекесін сыйлауға,Өлкемізге күз келді.Жемістерін жинауға,Шақырады біздерді

Күзде дала жаурайды,Көкте бұлттар аунайды.Бұтағынан үзіліп,Жапырақтар саулайды.