Тіл мерекесіне арналған мерекелік іс-шара сценарийі

«Тіл мерекесі» мерекелік іс-шараның сценарийі.

Мақсаты: Ата-аналар мен балаларды әртүрлі іс-шараларға тарту. Тіл мерекесі күні туралытүсініктерін тереңдету. Балаларды ана тілінің қадір-қасиетін түсіне білуге шақыру. Ана тілін сүюге ардақтай білуге тәрбиелеу.

(Мерекеге сай безендірілген залға балалар музыка ырғағымен кіріп, жарты шеңберге тұрады.)

Жүргізуші: -Қайырлы күн, құрметті Ана тіліміздің мерекесіне жиналған қонақтар! Ана тілі - біздің туған анамыз!

Анамыздай сыйлап бағып қағамыз.

Ана тілін бағаласақ қалай біз,

Өзіміздің сондай болмақ бағамыз,-

-деп жырлаған Музафар Әлімбаев ағамыздай біздің де бар алға қойған мақсатымыз балалардың тілін дамытып, ана тіліне деген сүйіспеншілігін арттырып, ұлттық сезімі жоғары балаларды тәрбиелеу.

Тұңғыш Елбасымыз Н.Ә.Назарбаевтың «22-қыркүйек Тіл мерекесі күні болып атап өтілсін» деген бастауын қолдап, мерекеге жиналып отырсыздар. Бүгін біз балабақшамызда Тіл мерекесін атап өтеміз.

Жүргізуші: -Балалар, қазір жылдың қай мезгілі?

Балалар: Күз мезгілі.

Жүргізуші: - Күз мезгілі туралы қандай ән білесіңдер?

Балалар: «Күз жомарт».

Жүргізуші: -Дұрыс айтасыңдар, қане бәріміз қосылып әнімізді шырқайық.

Ән: «Күз жомарт

Жүргізуші: -Бүгін қандай мереке білесіңдер ме?

Балалар: Бүгін Тіл мерекесі!!!

Жүргізуші: Бүгінгі тіл мерекесінде ана тілімізде тіліміз туралы тақпақ айтып берейік.

1-бала: Қазақ тілі елімнің

Соғып түрған жүрегі.

Атамекен жерімнің

Алдаспаны тірегі.

2-бала:Сәлем бердім, саған елім,

Тал бесігім, туған жерім!

Сәлем бердім бәріңізге

«Қазақ тілі» дегендердің.

3-бала:Қазақстан халқының,

Қазақ тілі-тірегі.

Ана тілде айтылар,

Ән ұраны- жүрегі.

4-бала: Тәуелсіз Қазақстанның,

Бал тілді бүлдіршінімін.

Мерекесін тілімнің,

Тойлаушының бірімін.

5-бала: Мәртебесі тілімнің

Биік болсын халайық!

Достығымыз жарасып,

Қосылып ән салайық!

6-бала:Ана тілің арың бұл,

Ұятың боп тұр бетте.

Өзге тілдің бәрің біл,

Өз тіліңді құрметте.

Жүргізуші: -Бірге болсын ойымыз,

Құтты болсын тойымыз!

Бүлдіршіндер шаттана,

Ән айтады мақтана, -деп әнге кезек берейік.

Ән: «Ана тілім»

Жүргізуші: Балалар сендер тіл туралы қандай мақал мәтелдер білесіңдер? Қане, кім айтады?

1-бала: Сөз асылы мақал.

2-бала: Өнер алды қызыл тіл.

3-бала: Шешеңнің тілі артық.

4-бала: Жақсы сөз жарым ырыс.

5-бала: Тіл тас жарады,

Тас жармаса бас жарады.

6-бала: Тіл қылыштан да өткір.

7-бала: Сүйдірген де тіл, бездірген де тіл.

8-бала: Тіл буынсыз ой түпсіз.

9-бала: Ана тілі асыл мұра.

10-бала:Тіл халықтың жаны.

Ән: «Жаңбыр»

Жаңбыр себелеп жауған музыкасы естіледі...

Жүргізуші: Балалар жаңбыр жауғанда жаңбырдан қорғану үшін қолымызға не ұстаймыз?

Балалар: Қолшатыр...

Жүргізуші: Дұрыс айтасыңдар!

Балалар, орнымыздан тұрайық,

Жарты шеңбер құрайық!

Мерекеде шаттанып,

Ойын ойнап алайық!

Қазір біз сендермен «Күн мен жаңбыр» ойының ойнаймыз! Күн болғанда серуендейміз, «Екі бала серуенге барады» әнін айтамыз, жаңбыр жауғанда қолшатырдың астына тығыламыз.

Ойын: «Күн мен жаңбыр»

Жүргізуші: Тілсіз жұртым шөптей қурап азады-ау,

Туған тілді қорғап бақшы қазақ-ау.

Сарқылмайтын қуатпенен күш берген,

Туған тілдің қасиеті ғажап-ау!