Тіл – ұлттың жаны, 6-сыныпқа арналған мақала

Тіл -ұлттың жаны, түйсіктің іргетасы

Тіл ұлттың жаны. Ал ұлттың болашағы-ана тілі ,ол халықпен бірге өмір сүріп дамиды, әр ұлттың тілі-оның бақыты мен тірегі. Тіл тағдыры- ел тағдыры. Тілді халықтан бөліп ажыратып қарай алмаймыз. Әрбір халық өзінің тілімен, ұлттық тұрмыс салтымен, әдет-ғұрпымен құнды болмақ. Өйткені оның өзінің даму жолы, қалыптасқан ғасырлық тарихы бар. Осыншама қалыптасу сатыларын басынан кешіріп, бүгінгі күнге жеткен тіліміздің- мейлінше жетілген әрі көркем болмауы мүмкін емес.

Ежелден келе жатқан ата-бабамыздың тарихымен мол шежіресі ,түрлі әдеби мұралары бүгінгі ұрпаққа өзіміздің ана тіліміз арқылы жетіп отыр. Тіл тарихымен халқымыздың тарихы өте ұқсас. Біздің тіліміз - қазақ тарихында орын алған түрлі дағдарыстарды бастан кешірді ,тіпті бір кездерде жойылып кету қаупін де басынан өткерді. Ендігі жерде халық болып төл тіліміздің мәртебесін көтеруге белсене араласуымыз қажет деп санаймын.

Заман өзгерістеріне қарай тіл де түрлі өзгерістерге түсіп жатады , қолданысына қарай шыңдалып,жаңарып,көбейіп отырады. Бүгінгі таңда ана тіліміз орыс сөздерімен шұбарланып қолданылып жүргені рас,енді оған шет тілдерінің яғни ағылшын тілінің де тигізер әсері мол екенін жасырмаймыз. Өйткені жаңа технологиялардың енгізілуіне байланысты қолданысына қарай тіліміз түрлі салада жаңа сөздерімен толығып жатыр.Оның бәрі әрине төл сөздерімізге кері әсерін тигізетіні сөзсіз. Нәтижесінде осыдан 40 ж бұрынғы қолданыстағы қазақ сөздерімен қазіргі заман жастарының сөздерінің арасында үлкен айырмашылықтар барын байқауға болады. Міне оның бәрі тарихи өзгерістерден келіп туындаған. Бұл заңды да, өйткені қоғам күн сайын,жыл сайын дамып жаңарып,өзгеріп отырады. Осыған байланысты барлық саладағы акпараттар тіл арқылы алынып,тіл арқылы жан-жаққа таратылып отырады. Ал жаңа терминдерді қолдану жаңа сөздердің қолданысқа түсуін қажет етеді. Сондықтанда тіл - түйсіктің іргетасы деп бекер айтпаса керек. Бірақ қолданыстағы сөздер өзгергенімен ұлтымыз, тіліміз Қазақ болып қала береді. Заманның жаңаруынан тіліміз де ұлтымыз да зардап шекпеу керек.Тілімізді күшейту үшін ол жан-жақты қолданыста белсенді болуы тиіс.

Ажикенова Жазира

Алматы қаласы

№108 мектептің

қазақ тілі пәнінің мұғалімі