Тіл және сөйлеу туралы сабақ жоспары, 1 сынып

10. Сабақтың тақырыбы: Тіл және сөйлеу. Сөйлеу не үшін қажет? Сабақтың мақсаты: 1. Оқушыларды тіл қарым-қатынас құралы екндігін, сөйлеудің не үшін қажеттігін ұғындыруға мүмкіндік жасау. Өз ойларын айта білу дағдыларын қалыптастыру. 2. Оқушылардың сөйлеу тілін, байланыстырып сөйлеу тілін дамыту. 3. Адамдармен қарым-қатынас жасау құралы тіл екендігін басшылыққа ала отырып, бір-бірімен әңгімелесу кезінде сыпайы сөйлеуге, бірін-бірі тыңдауға тәрбиелеу. Көрнекілік: тақырыпқа сай суреттер, тірек сөздер. Сабақтың әдісі: сұрақ-жауап, тірек сызба. Сабақтың барысы:

I. Ұйымдастыру кезеңі. II. Үй тапсырмасын тексеру: Амандасудың түрлерін көрсету. Ата мен баланың, әже мен баланың амандасуын көрсету.

- Құрбыларыңмен қалай амандасар едіңдер? - Сонымен бірге қандай сыпайы сөздерді білесіңдер? III. Жаңа тақырып бойынша жүргізілетін жұмыс. Кітаппен жұмыс: 42-жаттығуда берілген сюжетті суреттердің мазжұны әңгімелесу арқылы ашылады. Әңгімелесу барысында әр суреттің мазмұны айқындалып, адамдардың бір-бірімен қарым - қатынасқа түсуі үшін сөйлесетіні, тілдесетіні туралы қорытынды жасайды. IV. Суретпен жұмыс: сурет бойынша сұрақ қойып, оған жауап алу. - Мұғалім не істейді? - Мұғалім түсіндіреді. - Дәрігер не істейді? - Дәрігер науқасты емдейді. - Әжесі не істеп тұр? - Әжесі немересін шақырып тұр. Сөйлеседі Хабар береді Тіл арқылы адамдар бір-бірімен араласу үшін Пікірлеседі Білмегенін сұрайды Кеңеседі Y. Сергіту сәті:

VI. Мәтінмен жұмыс. 44-жаттығу. Барлық оқушы іштей оқып болған соң, бір немесе екі оқушы дауыстап оқиды. Бұдан соң мәтін бойынша төмендегідей сұрақтар қойылады. -Адамдар сөйлесуді қашан бастаған? - Адамдар сөйлесуді өте ертеде бастаған. - Сөйлесу не үшін керек болды? - Бірін-бірі көмекке шақыру үшін ауыз екі сөйлеу керек болды? - Көмекке не үшін шақырды? - Бәрі бірлесіп істеген жұмыс оңай болды.