Тілге құрмет елге құрмет тақырыбындағы материал

«Тілге құрмет – елге құрмет»

Ана тілім - байлығым, ұлт жүрегі

Санаңдағы жайлы үн, ол қастерлі

Тоқтатса егер қағысын кенет, бірақ

Ұлт басына қара бұлт үйіріледі.

Тіл – әрбір тәуелсіз елдің абыройы, мақтанышы, қатынас құралы, баға жетпес қазынасы. Баға жетпейтіні соншалық оған ештеңе де тең келмейді. Бұл байлық атадан балаға беріліп, ғасырлар бойы сол ұлтпен бірге өмір сүрмек. Публицист, ақын, қоғам қайраткері,ұлағатты ұстаз Мағжан Жұмабаев: «Ұлтқа тілінен қымбат нәрсе болмақ емес, бір ұлттың тілінде сол ұлттың сыры, тарихы, тұрмыс-тіршілігі мен мінезі айқын көрініп тұрады», - деп, ана тілдің маңызын көрсетіп, құнының да қымбат екенін дәл айтып кеткен. Отанын сүйетін, саналы да сауатты ұрпақ тәрбиелегіміз келсе, тілімізді ерекше құрметтеуіміз шарт. Елін құрметтейтін әрбір жанұя мұндай ұрпақтарды өсіру үшін титтей де аянбауы тиіс. Тілге деген құрмет пен сүйіспеншілік – ана тілдің тұғырының биік, ғұмырының ұзағырақ болуына септігін тигізбек. Әрбір жан ана тілін сүюі, құрметтеп, көзінің қарашығындай қастерлеуі қажет. Қайсар мінезімен, Отанына деген махаббатымен талайды сүйсіндіріп, жастар үшін де, аға буын өкілі үшін де нағыз батырдың, ұшқыр ойлы қазақ ұлының үлгісі болған Б. Момышұлы ана тілі жайында «Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту» - деген болатын. Ал тарихымыз ұмытылса, ұлтымыз

Қазақ тілі – ана тіліміз болғандықтан, оның жағдайына бей-жай қарау, бұл бірінішден, өзіңді құрметтемеу, екіншіден, өз ұлтыңды, Отаныңды құрметтемеу. «Қазақстан Республикасының тіл туралы заңының» 4-бабына сәйкес, Қазақстан Республикасының мемлекеттік тілі – қазақ тілі. Ал, 21-бабына сәйкес, хабарландырулар, жарнама, прейскуранттар, баға көрсеткiштерi, ас мәзірлері, нұсқағыштар және басқа да көрнекi ақпарат мемлекеттік тілде, қажет болған кезде орыс тілінде және (немесе) басқа тiлдерде де орналастырылады. Ал іс жүзінде бұл заңдардың сақталуын көру қиын. Тәуелсіздіктің ақ таңы мен ашық аспан астында өз тілімізге жеткілікті құрмет көрсете алмауымыз менің өзегімді өртеп, көңілімді қынжылдатады. Себебі, ата-бабамыздың рухты да алғыр әрекеттері баршамызға мәлім емес пе?! Отарлық езгіге қарамастан ХХ ғасырдың басында қазақтар арасында петициялық…