Тіліміз байлығымыз тақырыбындағы мақала

Тіліміз-байлығымыз.

Тіл кез келген ұлттың белгісі болып саналатындықтан, тәуелсіздік алған еліміздің көкейкесті шешуші мәселесінің бірі ретінде алғашқы қадамын ана тілінің тұғырын нықтап, мемлекеттік мәселесін тиянақтауға кірісуден басталатыны белгілі. Шын азаттық алған ұлт ең алдымен ұлттық сананы оятып, халықтық болмысын танытатын, салт-дәстүрін толықтай қалпына келтіретін діні мен тілін жандандырып, көзқарасын тиянақтайтын ұлттық тілін дамытуды көздейді. Себебі анамыздың ақ сүтімен дарыған тіліміз – көркемсөздің құралы болуымен қоса, халқымыздың өз ерекшелігін, қасиетін, рухани байлығын танытатын асыл қазына.

Егемендікке ие болған еліміздің алдында тұрған үлкен міндеттердің ең маңыздысы – ұлтымыздың бет-бейнесі мен болмысын айқындайтын асыл қазыналарын сақтау екені белгілі. Ана тілі қазақтың халық болып қалыптасып, ұлт деңгейіне дейін үздіксіз дамуына ұйытқы болып келген өзара қауымдаса тіршілік етуіне қажетті тіл дейтініміз тегін емес. Тәуелсіз мемлекет үшін оның әнұраны, туы, елтаңбасымен қоса әсіресе ұлттық тілі болуы қажет. Отанымыздың өркениеті, дамыған елге айналуы үшін ана тіліміздің көркейіп, қолдану аясын кеңейтуге мүмкіндік тудыратын мемлекеттік тіл мәртебесіне ие болуының зор маңызы бар. Мемлекетік тіл Тәуелсіздігіміздің негізі болып табылады.

Мемлекттік тіл дегеніміз – көпұлтты, көптілді мемлекетте әдебиет пен баспасөзде, мәдениет пен өнерде, радио мен теледидарда, ғылым мен өндірісте, мектеп пен жоғары оқу орындарында, әскер бөлімдері мен сот істерін жүргізуде, ресми іс-қағаздарында, дипломатиялық қарым-қатынаста, құқық қорғау мен байланыс орындарында – күнделікті тұрмыс-тіршіліктің бәрінде қолданыста болып қызмет ететін, міндетті деп саналатын саяси-құқықтық негізі нығайтылған мәртебелі тіл.

Мемлекеттік тіл көпэтносты елде әр тілде сөйлейтін халықтарды біріктіретін, бір елде топтастыратын ұлтаралық ортақ тіл ретінде танылмақ. Ресми тіл – белгілі бір көп ұлтты мемлекеттегі заң, сот, оқу және кеңсе қызметінде қолданылатын негізгі тілдердің бірі. Мемлекеттік және ресми тілдердің айырмашылығы ретінде мыналарды атауға болады.

Мемлекеттік тіл конституция бойынша, мемлекеттің қамқорлығында болып, оны меңгеру – сол елде тұрып жатқан әр азаматтың борышы саналады.

Мемлекеттік тіл мектепке дейінгі оқу – тәрбие мекемесінен бастап орта, арнаулы және жоғары білім беретін оқу орындарында, елдің қоғамдық – әлеуметтік, саяси, экономикалық т.б.аяларында…