Тірі және өлі табиғат ашық сабағы мектепке дейінгі

Ұйымдастырылған оқу іс әрекетінің технологиялық картасыБілімдік аймағы: Әлеуметтік орта,Таным,Бөлімі: Экология, көркем әдебиет, математика

Тақырыбы: «Тірі және өлі табиғат»

Мақсаты: Балалардың «Өлі және тірі табиғат» тақырыбында білімдерін тереңдету, қоршаған орта жайлы танымдық әрекет шындау. Балалардың ақыл - ойын, түсінігін, білімін, табиғат туралы білімін, қызығушылығын зейінін дамыту. Балаларды адамгершілікке, өз ойын толық жеткізе білуге, табиғатты аялай білуге, табиғат байлығын қорғауға, қамқорлықпен қарауға тәрбиелеу. Сандарды санау, салыстыру, геометриялық пішіндер туралы білімдерін бекіту, ойлау қабілеттерін, қиялын, есте сақтап түсіну, сұрақтарға толық жауап беру дағдысын қалыптастыру. Балалардың білімге деген қызығушылығын арттыру, бірлікке, татулыққа тәрбиелеу. Баланың тілін, сөздік қорын,ойлау қабілетін, сөйлеу мәнерін қалыптастыруда ертегі желісіне сүйене отырып,сұраққа жауап беруге қызығушылықтарын арттыру, достыққа тәрбиелеу.

Сөздік жұмысы: өлі және тірі табиғатҚостілдік компонент: табиғат – природа, тірі табиғат - живая природаКеректі құралдар: суреттер, схемалар, ұлғайтқыш, тәжірибеге арналған ыдыстар.

Белсенді орталықтары: Көркем әдебиет,есеп,ғылымӘдіс-тәсілдері: сұраққа жауап беру,ойын,түсіндіру,берілген тапсырманы шешу, мақтау, мадақтау

Іс-әрекет бөлімдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Балалар қараңдаршы, бізге қонақтар келіпті, қане алдымен сәлемдесіп алайық.

Балалар шаттық шеңбер құрып амандасады

Бәріміз енді тұрайық,

Үлкен шеңбер құрайық

Жақсы – жақсы сөздерді,

Қонақтарға сыйлайық!

Табиғат біздің анамыз,

Табиғатқа баламыз.

Иіліп сәлем береміз,

Біз әдепті баламыз.

Тәрбиеші: Жарайсыңдар балалар, менің қолымнан не көріп тұрсыңдар?

Балалар : Жүрек

Тәрбиеші: Қане, балалар жүрегімізден шығарып жылы сөздер айтайықшы.

Балалар: Аспанымыз ашық болсын

Күніміз жарқын болсын

Еліміз тыныш болсын

Ауырмайық, денсаулық болсын

Нанымыз көп болсын

Ата- анамыз аман болсын

Бейбітшілік болсын

Балабақша гүлдене берсін!

Апайлар аман болсын

Қане балалар, осы айтқан жылы лебіздерімізді апайларға сыйлайықшы.

Балалар сендер бір-біріңнің қолдарыңнан ұстап тұрғанда нені сезесіңдер? Жақсы балалар бүгінгі күнімізді мейіріммен, қуанышпен бастайық

- Балалар қазір жылдың қандай мезгілі?

- Күздің қандай айы?

- Балалар күз мезгілінде табиғатта қандай өзгерістер болады?

- Жылулықты, мейірімділікті, достықты.

Күз мезгілі

Қараша айы

- Күз мезгілінде күн суыта бастайды, кейде жаңбыр жауады, жел соғады, жер балшық болады, құстар жылы жаққа ұшып кетеді.

Жарайсыңдар балалар, олай болса күз мезгілі туралы кім тақпақ айтып береді?

Болат Іңкәр: Қуандырып біздерді,кел жемісті алтын күз.Өлкемізге күз келді, кемелденсін халқымыз.

Жеміс мол теретін, күз дос екен бізбененБәрін тауып беретін, жомарт екен күз деген.

Жантемір:

Көктемде егін егетін, күзде жиып беретінБіздің дала бай дала, астық толы айнала.

Іздену ұйымдастырушы

Өте жақсы, ал есімізге түсірейікші алдыңғы оқу іс-әрекетімізде біз не туралы әңгімеледік.

Дұрыс айтасыңдар.Табиғат бізге бай жерді, ағаштарды ,гүлдерді, жан-жануарларды сыйға берді. Ал ендеше айтыңыздаршы табиғат нешеге бөлінеді?

Бүгінгі біздің оқу іс-әрекетіміздің тақырыбы «Тірі және өлі табиғат» деп аталады.

Ғажайып сәт

Осы кезде есік қағылып ақ көгершін ұшып келеді.

Ақ көгершін: Сәлеметсіз бе балалар?

Мені табиғат-ана жіберді. Балалар мен балапандарыма асығып бара жатырмын сау болыңыздар!

Рахмет ақ көгершін, балалар сендерге табиғат – ананың жіберген хатын оқып берейін.