Төрлет Наурызым тәрбие сағаты мектепке дейінгі балаларға

Қарағанды облысы Қарқаралы ауданы Тегісшілдік ауылы ЖББ №6 орта мектеп КММ жанындағы «Күншуақ» шағын орталығы

Төрлет, Наурызым!

Тәрбиешілер: Нурмаганбетова М.Х.

Айтжанова Ж.Т.

2019 жыл

Мақсаты: Балаларға ұлыстың ұлы күні наурыз мерекесін тойлау. Ұлттық салт-дәстүр, әдет-ғұрып жайында қарапайым түсінік беру. Ата-бабаларымыздың кейінгі ұрпаққа мирас еткен асыл мұрасын қадірлеп, қастерлеуге, қасиетін түсінуге баулу. Ұлттық дәстүрдің ерекшеліктерімен таныстыру. Қазақ халқының салт-дәстүрлерін балалардың бойына сіңіру. Балаларды ұлттық салт-дәстүрді, мұраларды танып-білуге, сыйлап, түсінуге үйрету. Балалардың ой-қиялының, шығармашылық белсенділігінің және бейнелі ойларының дамуына ықпал ету.

Музыка залына екі бала кіреді.

Сардар: Ассалаумағалейкум

Ұлыс оң болсын

Ақ мол болсын!

Мейрамбек: Уағалейкумассалам!

Ұлыс оң болсын,

Пәле –жала жерге енсін.

Маруан: Уа жараңдар, жараңдар,

Көңілі бар алаңдар.

Атаң менен анаң бар,

Үлкен –кіші ағаң бар,

Наурыз тойы басталды.

Бәрің бері қараңдар!

Жүргізуші: Наурыз тойы, көңіл тойы, көктем тойы,

Жақсылық болса дейтін өмір бойы.

Биылда былтырғыдай ақ көбейсін,

Елдегі бақыт байлық бақ көбейсін.

Наурыз құтты болсын ағаларға,

Наурыз құтты болсын аналарға.

Жыл сайын тойлайтын мәңгі бақи,

Наурыз құтты болсын баршамызға!

Міне, көптен күткен Ұлыстың ұлы күні тыныштық пен бейбіт күннің есігін ашып, Наурыз жаңа жыл келіп жетті. Осындай керемет күні ауыл тұрғындарының бастарын қосып тойлағалы едік. Өздері кешіккелі жатыр.

(Музыка әуенімен балалар билеп кіріп отырады)

Жүргізуші: Амансыздарма Тоқтар ауылының тұрғындары! Басқан қадамдарыңыз оң болсын. Бүгінгі біздің «Төрлет Наурызым» атты ертеңгілімізге қош келдіңіздер.

Азат: О, жараңдар, жараңдар,

Бермен қарай қараңдар,

Наурыз тойы басталды.

Үлкен –кіші, кәріңді,

Құттықтаймын бәріңді.

Айым: Уа жараңдар, жараңдар,

Көңілі бар алаңдар.

Атаң менен анаң бар,

Үлкен –кіші ағаң бар,

Наурыз тойы басталды.

Наурыз тойы –елдің тойы,

Көктем тойы –төлдің тойы.

Ән айтайын күні бойы,

Жақсы көрем Наурыз тойын.

-Балалар, мынау сандықты тарсылдатып тұрған кім екен? Ой Алдар көсе сәлеметсізбе!

Алдар көсе: Сәлеметсіздерме! Наурыз құтты болсын!

Жүргізуші: Сандықтың ішіне қалай тап болдыңыз? Әлде байды алдаймын деп өзіңіз алданып қалдыңызба?

Алдар көсе: Жоқ, жоқ сендерді таң қалдырайын дегенім ғой.

Жүргізуші: Алдар көсе бүгін Наурыз мерекесін тойлап жатырмыз. Біздің мерекемізге ауыл тұрғындары келіп отыр, сізде төрлетіңіз мерекені тойлайық.

Алдар көсе балалардың мерекеге арналған тақпақтары бар екен.

Алдар көсе: мен балалардың қалай тақпақ айтқанын көргім келеді.

Сезім: Дастарханда дәніміз,

Жайдарымыз бәріміз.

Жарасу бар, жаулық жоқ,

Қандай жақсы Наурызым!

Көкке бояп өңірді,

Көктем келді көңілді.

Бау –бақшада, орманда,

Құстар әні төгілді.

Мейірлан: Тамаша, тамаша,

Наурыз келді жараса.

Бұл наурыз, бұл наурыз,

Қуаныш баршаға.

Абылай: Малдар төлдеп, қой қоздап,

Сүттен бұлақ ағызған.

Жаңа жылдың сипаты.

Басталыпты Наурыздан.

Аңсаған:

Ән: «Наурыз –жыл басы»

Алдар көсе: Ей балалар, балалар,

Енді маған қараңдар.

Наурызды тойлайық,

Қызық ойын ойнайық.

- Қане ауыл тұрғындарының жігіттерінің күштерін сынап көрейік.

Ойын: «Арқан тарту»

Алдар көсе: Рахмет! Ауылдың жігіттерінің күштері мықты екен. Енді мен барып басқа ауыл тұрғындарын құттықтауға барайын. Қош сау болыңыздар.

Жүргізуші: Ертеңгілігімізді тақпақтармен жалғастырайық.

Әлібек: Күн мен түн теңелді.

Жер шуаққа кенелді.