Төрлет, құтты Жаңа жыл мерекелік шарасының материалы

«Төрлет, құтты жаңа жыл!»

Фанфар

жүргізуші: Барлық жандар бір арнаға қосқан үн,

Бақытты боп бастады жыл дастанын.

Қуанышпен келді той деп жаңа жыл,

Құтты болсын, жаңа бақыт, достарым!

Құрметті қонақтар, ата-аналар, балалар, ұстаздар! Жаңа жыл мерекесіне арналған «Төрлет, құтты жаңа жыл!» атты ертеңгілігімізді бастауға рұқсат етіңіздер!

(музыка жүреді)

2-жүргізуші: Құрметті көрермен, жүрекке жылылық ұялатар алғашқы Жаңа жылдық құттықтау сөзді ақыл ойы жетілген саналы ұрпақты, сезімі сергек арманшыл дана ұрпақты тәрбиелеп жатқан білім ұясының білікті басшысына береміз.

(балабақша басшысы сөз сөйлейді)

2-жүргізуші: Құтты болсын, ағайын!

Жаңа жылың тағы да.

Қол соғып қарсы алайық,

Шақырайық ортаға.

Ертеңгілікті бастасын,

Балабақша тобы да!

Ортаға «Ақниет», «Балдырған» топтарының тәрбиеленушілерін шақырайық.

(балалар залға қол ұстасып кіреді, балаларды сайқымазақ бастап жүреді)

1-жүргізуші: Қош келдіңдер, балалар! Көңіл-күйлерің қалай? Жаңа жылды қарсы алуға дайынсыңдар ма?

Балалар: Жақсы! Иә!

1-жүргізуші: Ендеше, жаңа жылды бізбен жыл бойы бірге болған, бар қызықты бірге өткізіп, бірге қуанып, бірге ренжіген жылқы жылымен бірге қарсы алайық. Солай емес пе, жылқы?

2-жүргізуші : Дәл солай!

Сәлеметсіздер ме, балалар!

Байқаймын мен, байқаймын,

Тұрсыңдар сендер таң қалып,

Таң қалмаңдар, билеңдер,

Бір жыл бойы сендермен,

Өлең айтып, ән салып.

Би биледік шаттанып.

Ендеше, бәріміз бірге шырша жырын айтайық.

(шырша жыры айтылады)

1 – жүргізуші: Жарайсыңдар, балалар! Бүгінгі біздің жаңа жылдық мерекемізде барлық орман тұрғындары бір шешімге келіп, достаспақшы екен. Яғни,бізге аңдар қонаққа келеді деген сөз.

(осы кезде шыршаның артынан қоян секіріп шығады)

Қоян (Аружан): Ау жараңдар, ал қараңдар

Жауып тұр қар себелеп.

Көкке толды, жерге қонды,

Сансыз аппақ көбелек.

Тым алыстан, Марстан,

Келіп Аяз атамыз,

Жылды тойлап,

Билеп, ойнап,

Көп қызыққа батамыз!

(қоян өнерін көрсетеді. Содан кейін аю шығады)

Қоян: Амансың ба, аю паң!

Аю (Меруерт): Жаңа жылдың алдында,

Тойды еске алдым да,

Ұйқымды ашып, сергідім,

Ұйықтамаймын мен бүгін!

Жылды қарсы алайық,

Би билеп, ән салайық.

Жаңа жылдың тойында,

«Жан салайық» ойынға!

(екеуі қол ұстасып, билеп жүреді, сол кезде қуана қутыңдап түлкі келеді)

Түлкі (Раушан): Қоянжанға бір сәлем,

Аю паңға мың сәлем!

Достарым, жыл келді,

Сыйлығын ол береді.

Жұмбақ шешкіш түлкінің,

Өнерін жұрт көреді,

Тауып өз сыңарымды,

Тайсалмай биге түсіп,

Тарқатам құмарымды.

Аю, қоян: Рахмет, түлкіжан,

Жүрген жерің күлкілі ән!

(Аю, қоян, түлкі билей жөнеледі)

2-жүргізуші : Жарайсыңдар! Ендеше биімізді әрі қарай Ақмаржанның әнімен жалғайық.

( Ақмаржанның орындауында ән)

1 – жүргізуші: Ендеше, өнершіл аңдар! «Аяз аталар мен ақшақарлар» биін тамашалайық!

(«Аяз ата мен ақшақар» биі)

(биден кейін қоян ата –аналармен ойын ұйымдастырады)

1 – жүргізуші: Балалар, мен сендерге жұмбақ жасырайын. Соны шешесіңдер ме?

Балалар: Иә!

Жұмбақ: Ақсақалды шал жылына,

Бір ақ рет келіп кетеді.

Қызы менен ұлына,

Сыйлық алып келеді. (Аяз Ата)

Ендеше, жаңа жылдық мерекемізге Аяз атаны шақырайық.

Балалар: Аяз ата! Аяз ата! Аяз ата!

(Аяз атаның орнына мыстан кемпір ұшып кіреді де, шыршаны бір айналып барып, қонақтардың алдына келіп тұра қалады)

Мыстан (Майра): Пай-пай! Мен қайда келдім өзі. Мына шыршаның кереметін-ай! Үйге алып кетсем бе екен?

(Осы кезде мыстан төменге еңкейіп, шыршаньң түбірімен жұлып алғысы келеді)

2-жүргізуші : Мыстан кемпір! Біз «Жаңа жыл» мейрамын тойлап жатырмыз,тимеңіз біздің шыршамызға!

(Мыстан сөзге мән бермей, жұлып ала алмасын білгесін кетумен болады.шыршадағы жылтыраған кілтті алып кетеді. Кетіп бара жатып қалтасынан жылтыр нәрсе түсіп қалады)

1 – жүргізуші: Балалар, кәне, мейрамымызды әрі қарай жалғастырайық. Ортаға «Ақниет» тобының биші қыздарын шақырайық.

(ортада «Ақниет» тобы көңілді би )

(әннен кейін есіктің сыртынан дауыстар естіліп, іле-шала залға Аяз ата мен ақшақар кіреді. Аяз ата Ақшақарды қолынан тартып жетелейді)

Ақшақар: Ата жіберіңізші мені ! Кірмеймін мұнда,үйге кетемін. Аяз Ата: Айналайыным-ау, не болып қалған саған, ауырып қалған жоқсың ба өзі? Ақшақар: Жоқ,жоқ. Ауырып тұрған жоқпын. Ешқайда да барғым келмейді, үйге қайтамын. Аяз Ата: Қызым-ау, не айтып тұрсың! Қарашы,біз тойға келдік! Кәне,балалармен амандасайьқ. Аяулы аналарға,ардақты ұл-қыздарға Бүлдіршін балаларға бip сәлем! Қандай жарқын жүздерін, Қандай әсем жырларың Асаулармен алысқап, Асау желмен жарысқан Аталарың сендерге Шаршап келді алыстан /Балалармен амандасады/ Аяз Ата: Рахмет,рахмет балаларым! Кәнекей қызым! Қонақтардан, ұят болады, басынды көтер. / Ақшақар басын көтермей тұрады./