Төрлет жаңа жыл ашық сабағы мектепке дейінгі

Мақсаты: Балалардың жаңа жыл мерекесі туралы түсініктерін қалыптастыру.Мерекелік көңіл-күй ортасын ұйымдастыру. Достық қарым - қатынас ояту, бірлескен ойындар ойнату , хормен және жеке ән айту шеберліктерін арттыру. Би қимылдарын қызығушылықпен,ырғақты сақтай орындауға төселдіру.Қатысушылар: жүргізуші, Аязата, Ақшақар, Сиқыршы, Ит, Доңыз, балалар, ата - аналар.

Музыка әуенімен балалардың кіруі:

Жүргізуші: Құрметті ата-аналар, қонақтар, балалар жаңа жыл құтты болсын. Жаңа жыл барлықтарыңызға бақыт әкелсін.

- Балалар қазір жылдың қай мезгілі? - Қыс мезгілінде ауа-райы қандай болады? - Балалар қыс мезгілінде қандай ойындар ойнаймыз? - Қыста қандай мереке болады? /балалар жауаптары/

Музыка әуенімен сиқыршы кіреді:

Сиқыршы: Мында не болып жатыр? Қандай әдемі балалар?! Қандай әдемі шырша?!Балалар , неге жиналып отырсыңдар? Ендеше, Жаңа жыл мерекесін жақсы өткізіңдер! /таяғымен сермейді/

Жүргізуші: Әкелді жыл ырыс-құт, Әлемде той тыныштық Ән салайық жаңаша Жаңа жылым тамаша - дей келе кезекті балалардың тақпақтарына береміз.

1. Қуандырып бізді, Сабина

Жаңа жыл келді.

Өсетін болдық

Бір жасқа енді.

2. Әдемілеп біз ілген, Алихан

Ойыншықтар тізілген.

Қандай әсем шыршамыз

Ән шырқайық баршамыз.

3. Тамаша-тамаша, Айару

Шыршамыз тұр жараса

Басында әсем жұлдызы

Көз тоймайды қараса.

4. Ақ қар жапты даланы Айсұлтан Ақ жамылды айнала Жарқыратып шамдарын, Шырша келді ортаға

5. Ақ қырауға малынған, Е.Жанайым Сақалы да, мұрты да. Аяз ата сағынған Сәлем берді жұртына.

6. Бақша іші мереке, Наби Ойын күлкі асқақ ән. Жақсы әпкелер жаңа кеп, Мерекені бастаған.

7. Жаңа жылым мол болсын, Қ.Жанайым Басқан қадам оң болсын. Төрле-төрле жаңа жыл Бізге құтты жыл болсын.

8. Жаңа жылда, балалар, Н.Санжар Тек қуаныш көріңдер. Ауырмаңдар ешқашан, Мықты болу өзіңнен.

9. Тілеймін мен бар әлемге Жасмин Дос көп болсын жаңа-жыл Ата-әже, әке - шеше Құтты болсын Жаңа жыл

Жүргізуші: Балалар, қонақтарымызға әсем әнімізді орындап берейік.

Ән: « Шырша »

Осы кезде шыршаның артынан Ит жүгіріп шығады. Ол Аяз атадан хат оқиды.

Ит: Сәлеметсіздерме балалар! Жаңа жылдарыңмен! Қандай шырша!? Әдемі безендіріп қойыпсындар!? Балалар, Аяз ата сендерге хат жолдады, қане оқып берейін.

- Асығамын деп жүріп

Сыйлықтарды шашып алдым.

Бұтаққа мен қабымды

Іліп алып, тесіп алдым.

Сыйлықтарды жинағанша

Сендерге мен немеремді

Жіберемін асыға

Қорғап сендер Ақшақарды

Жүріңдерші өтінемін.

Балалар, немеремді жіберемін дейді, өзі сыйлықтарды жинап жатыр екен.

(Осы кезде Ақшақар болып киінген Мыстан кемпір кіреді).музыка ойналады.

Мыстан кемпір: Міне менде келіп қалдым.

Жүргізуші: Сен кімсің?

Мыстан кемпір: Қалай кім? –Мен Ақшақармын.

Ит: А-а Аяз атаның немересі боласың ба?

Мыстан кемпір: Әрине мен. Мені қарсы алыңдар.

Жүргізуші: Сен Ақшақар болсаң, Аяз ата қайда?

Мыстан кемпір: Сендерге асығамын деп, санамақтарды шашып алды.

Ит: Қандай санамақтар?

Мыстан кемпір: Қаптың түбі тесіліп, санамақтар шашылып...

Жүргізуші: Ешқандай да сен Ақшақар емессің, біз сені шақырған жоқпыз.

Мыстан кемпір: Аяз ата сендерге мені қорғасын деді ғой.

Ит: Балалар мүмкін ол шынымен Ақшақар шығар.

Балалар: Жоқ.

Жүргізуші: Сонда кім болғаны?

Балалар: Мыстан кемпір.

Мыстан кемпір: А-а ойланып мені кім екенімді таптыңдар ма. Ақшақар менде, жібермеймін мен оны.

Жүргізуші : Қане босат сен Ақшақарды.

Мыстан кемпір: Мен Ақшақарға пештегі отымды жаққызамын.

Ит: Балалар, енді не істейміз? Ол еріп кетеді ғой. Не керегін сен айтшы, бірақ Ақшақарды босат.

Мыстан кемпір: Мен енді ешкімді алдамаймын, мерекеге қатысайыншы.

Жүргізуші : Балалар, онда мерекеге Мыстан кемпірді қалдырамыз ба? (балалардың жауабы)

Жүргізуші: Жарайды біз келісеміз, қала ғой.

Мыстан кемпір: Мен балалардың тілектерін орындатқым келеді. Ол үшін мен көмекшім Сиқыршыны шақырамын. (Мыстан кемпір Сиқыршыны шақырады).

Сиқыршы: Мен сендердің тілектеріңді орындаушымын. Іштеріңнен тілек тілеңдер. /музыка ойналады, балалар тілек айтады/

Жүргізуші: Балалар, кане тілек ойлайық ішіміізден, мысалы қуыршақ немесе машина.

Жүргізуші: Мыстан кемпір сен онда біздің балалардың биін тамашала.

Би: "Аққалалар"

Ит: Мыстан кемпір, біздің балалардың өнері ұнады ма? Онда біздің Ақшақарымызды алып келіңіз.

Би: "Буги-буги"

Жүргізуші: Балалар қане Ақшақарды дауыстап шақырайық, адасып кетіп жүрмесін.

Балалар: Ақшақар - Ақшақар

Ақшақар көңілсіз кіреді.

-Сәлеметсіңдерме, балалар. Жаңа жылдарыңмен.

Жүргізуші: Не болды? Неге сен көңілсізсің?

Ит: Неге сен мұңайып тұрсың?

Ақшақар: Мені Мыстан кемпір алдап кетті! Сол себепті мен мерекеге кешігіп келдім