Цифрлы Қазақстан туралы шығарма 4 сыныпқа

Цифрлы Қазақстан

Мен, Тәкесбай Нұрқанат болашақ Қазақстанды жақсы жағынан елестетемін. Болашақта барлығын техника жасайды деп ойлаймын. Машиналар ұшып жүретін болады немесе көліктер үшін жүргізуші қажет болмайды, ғимараттар мен үйлерді роботтар салады. Барлығы тоқпен жұмыс жасап, желбағарлармен күннен қуат алатын құрылғылар көп болып қауіпсіз таза аймақ болады деп ойлаймын. Қазақстан жас ел болса да жер көлемі жағынан тоғызыншы орында тұрған ел. Ата-бабамыз қаншама тер төгіп , елімізді , жерімізді қорғап , бізге тәуелсіздікті алып берді. Олай болса , осындай кең байтақ жерімізді көркейтуге, дамытуға ат салысуымыз керек. Мен осы елде туылғаныма мақтанамын.

Жаңа технологияларды ойлап табу арқылы адамзат өз тіршілігін жеңілдетіп отыр. Электронды құрылғылар өте қарқынды дамып жатыр. Олар болашақта дыбыс және бет бейне арқылы жұмыс жасауы мүмкін. Қазірдің өзінде «цифрлы Қазақстан» туралы ақпарат құралдарында көп айтылып жүр. Оның жақсы жағы көп деп ойлаймын. Әсіресе , үйінен шыға алмайтын мүмкіндігі шектеулі жандар үшін, уақыты тығыз адамдар, балалы аналар үшін. Кейде шет елдің дамып кеткен құрылғыларын көріп таңқаламыз, «біз қашан осындайға жетеміз» деп айтамыз. Қазіргі заманда біреуге қарап отыра беруге болмайды. Менің ойымша , жастар үшін техниканың қыр-сырын меңгертетін оқу орындары, курстар , оқу орталықтары көптеп ашылу керек.

Қазіргі таңда мектептерде кейбір пәндерді үш тілде оқытады. Болашақта ана тілімізді ұмытпай , оған қоса бірнеше тілді меңгеретін білімді оқушылар көп болса екен. Өзім өскенде дәрігер болғым келеді, көптеген емі табылмай жатқан науқастарды емдеп жазғым келеді. Сол үшін мен қазірден бастап көп оқимын, ізденемін. Қазақстаннымыздың цифрлы мемлекет болуына өз үлесімді қосамын.

Менің елім , ол-Қазақстан. Менің елімнің болашағы жарқын болатына сенімдімін. Әлем елдерінің алдыңғы қатырында болайық, достар!