Туған өлке табиғатын сақтау сабағының жоспары, 2 сынып

Өзiн-өзi тану сабағының жоспары

Мектеп Мерзім__________№ 27

Мұғалім __________________________________

Сынып 2 Оқушылар саны __________

Тақырып: Туған өлкенің табиғатын сақтауды үйренеміз

Құндылық: қиянат жасамау

Қасиеттер: қамқорлық, парыз, жауапкершілік

Сабақтың мақсаты: туған өлке табиғатын сақтап, қамқорлық жасауға үйрете отырып, қиянат жасамау құндылығының мәнін ашу.

Сабақтың міндеттері:

Табиғатты сақтап, қамқорлық жасауға үйрету;

Қамқорлық, парыз бен жауапкершілік қасиеттерін дамыту;

Табиғатты аялауға, қамқор болуға баулу.

Ресурстар (материалдар, дереккөздер)

Оқулық, дәптер, суреттер

Сабақтың барысы

Ұйымдастыру кезеңі: 5Т ережесін сақтау

Татулық, тыныштық, тәртіп, тазалық, талап

Тыныштық сәті. Су асты патшалығына саяхат.

Ескерту

Үй тапсырмасын тексеру

«Үзілген гүл» К. Оразбекұлы

Дәйексөз

«Адам табиғаттың бір бөлшегі»

Халық даналығы

Дәйексөзді алдымен мұғалім өзі дауыстап оқиды. Сосын балаларға дауыстап оқуды ұсынады. Келесі кезекте ұл балалар қайталап оқиды. Содан соң қыздар қайталап айтады. Оқушылардан дәйексөздің мағынасын қалай түсінетіндерін сұрайды. Оқушылардың жауаптарын тыңдаған соң, мұғалім балалардың жауаптарына сүйене отырып, өзі қорытынды жасайды.

Әңгімелеу(Мұғалімнің сыйы)

Ертеде бір қарияның үш ұлы болыпты. Өздерінің әкесін қатты жақсы көретіні соншалық,қарттың ұзақта сау өмір сүруін армандап,оның жолын қайдан табамыз деп, ұзақ кеңесіпті.

Әрі ойланып,бері ойланып, ақырында ел арасынан денсаулықтың мекенін іздемекші болыпты.

Үлкен ұлы денсаулықтың мекенін табиғаттың «Саялы орманынан» ,ортаншы ұлы денсаулықтың мекенін табиғаттың «Таза көлді»елінен, ал кіші ұлы «Көрікті жер» елінен кездестіріпті.

Ұлдарына дән риза болған қария ,үш ұлыныңда еліне кезек-кезек барып тұрыпты.

Қария бақыттыда ,баянды ,ұзақ ғұмыр кешіпті.

Сұрақ: - 1.Қарияның ұлдары денсаулықтың мекенін қайдан тауыпты?

2.Ұлдар денсаулық мекенін неге іздеді?

3.Қарияның ұлдары қандай деп ойлайсыңдар?

Қорытынды: Олай болса таза ауа, таза су,саялы орман, көрікті жер адам денсаулығын сақтауға көмектеседі.Сондықтан табиғатқа әр уақытта қамқорлық жасау керек.

Шығармашылық іс-әрекет,топтық тапсырма.

«Су» тобы – табиғат тақырыбына ребус құрастыру

«Ауа» тобы – табиғатты суреттеу

«Жер» тобы – «Табиғатпен біргеміз» тақырыбында қойылым дайындап, сахналау.

Топпен ән салу

«Әдемі»

Өлеңің жазған: А. Шаяхметов

Әнін жазған: Ғ. Наурызбаев

Әннің әуені

Үй тапсырмасы

К. Адырбекұлының «Ақбөкен киелі жануар» мәтінін оқып, мазмұндау.

Қорытындылау.