Туған өлкем тақырыбында тәуелсіздікке арналған сабақ

Білім беру саласы: «Шығармашылық»

Ұйымдастырылған оқу іс-әрекеті: Музыка

Музыка жетекшісі: Сулейменов Марс Абуович

Тақырыбы: «Туған өлкем»

Мақсаты: Болашақ ұрпақты Отан сүйгіштікке баулып, туған жерін, елін сүюге, табиғат әсемдігін танып оны қорғай білуге тәрбиелеу.

Білімділік: Отан, туған өлкесі туралы түсініктерін кеңейту.

Дамытушылық: Сөз қорын, ақыл-ойын молайту.

Тәрбиелік: Адамгершілікке, отансүйгіштікке,ұлтжандылыққа тәрбиелеу.

Сабақтың көрнекілігі: мақал-мәтелдер, слайд, шарлар, жалау, әнұран музыкасы, суреттер. Музыка жетекшісі: Армысыздар, құрметті апайлар, балалар және қадірменді қонақтар! Бүгінгі Тәуелсіздік күніне арналған «Туған өлкем» атты АҰОҚ қош келдіңіздер! . Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.

Музыка жетекшісі: Бүгінгі өтетін ашық сабағымыздың тақырыбы: 16-желтоқсан Қазақстанның тәуелсіздік күніне арналған «Туған өлкем». Сондықтан тәуелсіздігімізге арналған ашық сабағымызды еліміздің мемлекеттік әнұранымен бастайық.

ҚР. Әнұраны орындалады

Музыка жетекшісі:

Балалар біздің ата-бабамыздың басынан не күндер өтпеді ,осы тәуелсіздікті аңсаған бабаларымыз өз алдына ел болу үшін күресті. ХV ғасырдың ортасында көшпелі Өзбек мемлекетінің құрамынан, яғни Әбілхайыр хандығынан бөлініп шыққан қазақ тайпалары Керей мен Жәнібек сұлтандардың басқаруымен дербес қазақ хандығын құрды

ХVI-XVIII ғасырлардағы жоңғарлардың шапқыншылығы болды. Халмақ пен жоңғарды білектің күшімен найзаның ұшымен ел қорғаған бабаларымыз бірліктің арқасында Абылайханның ақ туының астына жиылып жеңіске жетті.

Қазақ халқының басынан нелер өтпеді 1931-1932 жыл Ф.И.Галащекиннің жаппай ашаршылығынан қанша халқымыз қырғынға ұшырады. «Асыра сілтеу болмасын,аша тұяқ қалмасын» деген ұранмен қырды.

1937-1938 жыл -Сталиндік репрессия ұшырады Қазақтың небір арыстарын қуғын сүргінмен қамап талай зиялы азаматтарымызды атып тастады.

1941-1945жылы Ұлы Отан соғысында Отанымызды қорғау жолында қаншама қаракөздеріміз ата-апаларымыз құрбан болды. Бауржан Момылұлы, Мәншүк Маметова, Әлия Молдағұлов т.б. Ұлы Отан соғысы батырларын атап өтуіміз керек

1986 жылы қазақ жастарының көтерілуімен қанды қырғынмен осы тәуелсізідікке жетті.Тәуелсіздік, еркіндік – ежелден ел тілегі. Тәуелсіздік халқымыздың бостандығы мен дербес даму жолындағы сан ғасырлық күресінің тарихи нәтижесі. Қазақ халқының ең соңғы өліп, тірілуі – біздің халқымыздың қайғы-қасіретіне, сонымен бірге мақтанышына айналған 1986 жылғы Желтоқсан оқиғасы. Бүгінгі таңның шапағатын, елдің көңіліне күн орнатқан қайсар ұмытылмас аға-апаларымыз – Қайрат, Ләззат, Ербол, Сәбира емес пе? Ізгілік атаулыдан күдерін үзіп, бар сенімі күйреген, рухани күйзелген балаң жігіт Қайраттың «Ақтық сөзі» артында қалды.

Қазақ деген затым бар. Қайрат деген атым бар. Еркек тоқты құрбандық. Атам десең атыңдар деген Қайрат ағаларың ақтық сөзін айтып кеткен.

Міне балалар осындай қанды қарғынмен келген тәуелсіздігімізді әр жылы бүкіл қазақ елі болып тойлаймыз.Сендердің болашақтарыңның жарқын болуын тілейміз.

Ән тыңдау: «Желтоқсанның ызғары»

Музыка жетекшісі:

1990 жыл 24 сәуір күні Қазақстан Республикасының тұңғыш Президенті болып Нұрсұлтан Әбішұлы Назарбаев сайланды

Міне балалар тәуелсіз еліміздің рәміздері Ту Елтаңбасы Әнұраны бар

Балалар тәуелсіздік күніне тақпақтар білесіңдер ма? Онда сабағымызды сендердің тақпақтарыңмен жалғастырайық.

Тақпақтар:

Он алтыншы желтоқсан Елдің ұлы мейрамы. Жаңа шыққан көктемдей. Жаз күніндей жайдары.

Арымыздай тап-таза . Жанымыздай шуақты. Көтерілді биікке. Қазақстан байрағы.