Туған тілім тірегім 6 сыныптан тыс іс шарасы

Сыныптан тыс іс-шараның түрі: Әдеби-шығармашылық кеш

Әдеби-шығармашылық кештің тақырыбы: «Туған тілім – тірлігім!»

Қамтылған сыныптар: 5 «Б», 6 «Б», 8 «Б», 9 «Б».

Күні: 24.09.2019ж Сағат: 15:00

Әдеби-шығармашылық кештің мақсаты:

а) Оқушыларды ана тілін сүюге баулу, қадірлеп қастерлей білуге, сөз қадірін түсінуге, шешен сөйлей білуге үйрету;

ә) Адамдық ізгі қасиеттерге тәрбиелей отырып, оқушы бойына, ұлтжандылық,қайырымдылық, адамгершілік қасиеттерін дарыту;

б) Тіл мәдениетін, сөйлеу шеберлігін, ойлау қабілетін дамыту.

Әдеби-шығармашылық кештің формасы: топпен, сынып ұжымымен жұмыс.

Қолданылатын көрнекілік: интерактивті тақта, буклет, ұлағатты сөздер.

Әдеби-шығармашылық кештің барысы:

І Ұйымдастыру кезеңі

ІІ Тіл туралы өлеңдер оқу

ІІІ Ұлы адамдар ұлағаты

IV Оқушылардың өз жанына туған шығармаларын оқыту

V Мақал-мәтел сайысы

VI Ойын

VII «Ақ тілек» қорытындылау

Қазақстан Республикасының Мемлекеттік Әнұраны орындалады.

Ұйымдастырушы мұғалімнің сөзі: Халық тәуелсіздігінің ең басты белгісі – оның ана тілі. Ұлттық мәдениеті жоқ ел өз алдына мемлекет болып өмір сүре алмайды. Дүниедегі барлық халық тәуелсіздікке ұлттық қадір-қасиетін, мәдениетін сақтап қалу үшін ұмтылады. Қазақстан тәуелсіз ел болып қалсын десек, онда ең алдымен ана тілімізді дамытуға күш салғанымыз жөн. Ана тілін дамыту, қорғау дегеніміз – өз ана тілімізде таза сөйлеу және оны біліп, туған анамыздай сүю. Ана тілін жақсы білмейінше сауатты сөйлеп, сауатты жаза алмайсың, тіл байлығын мол қолданбайынша, шын мәніндегі мәдениетті адам бола алмайсың. Ана тілін жетік білу үшін біз ауыз әдебиетімізді, ондағы ертегі, ауыз әңгіме шешендік сөздер, өлең-жыр, мақал-мәтел, жұмбақ т.б. түрлерін жақсы оқып, меңгеруіміз керек.

Қазақстан Республикасының мемлекеттік тілі – қазақ тілі.

Тіл туралы заң VI тарау, 27-баптан тұрады.

1989 жылы Тіл туралы заң қабылданды.

1993 жыл Тіл комитетінің құрылуы.

1997 жылы 11 шілдеде Тіл туралы заң қабылданды.

Тілдің ертеңі үшін алаңдайтын, тілдің мәртебесін көтеретін де – біздер. Қазақстанның болашағы – жастар, осы заңды басшылыққа ала отырып, бай да, құнарлы тілімізді көркейту үшін қызмет етуі керек. Ана тілі – ата-бабамыздың бүгінгі ұрпаққа қалдырған аманаты.

ІІ Тіл туралы өлеңдер оқу