Туған жерім – алтын бесігім шарасы, 5 сынып

Кластан тыс іс-шара

Тақырыбы: «Туған жерім - алтын бесігім»

(Хромтау ауданына 85 жыл)

Іс-шараның мақсаты: Жас ұрпақты өз туған жерін сүюге, туған жерінің тарихын білуге, туған жерін қастерлей білуге тәрбиелеу; Оқушыларды өз елін ,жерін қорғап оны ойлай білетін ұлтжанды, патриот сезімі ұялаған, өз ойын көркем толық жеткізе алатын толыққанды жеке тұлға ретінде қалыптастыру; Оқушыларды туған жер тарихын ұғындыра отырып, елін, жерін, табиғат байлықтарын қорғай білуге үйрету.Сабақ көрнекіліктері: плакаттар,слайд.

Қатысушылар : 2,5,5,9,11 –сынып оқушылары Сабақтан тыс іс-шараның барысы: («Атамекен» әнімен шараға қатысушы оқушылар сахна төріне шығады) қолдарында шарлар

1.слайд Хромтау ауданына 85 жыл

Хромтау

5-сынып оқушылары

Хромтауым –құтты аймақ мекенім,

Жырымды арнап елге мақтан етемін.

Қойнауыңда тұнған байлық, қазына,

Мен қалайша жыр жолдамай кетемін?

Хромтау заманауи жаңа қала

Қалалар ішіндегі дара қала

Елбасы ерекшеліп көңіл бөлген

Еліме маңызы зор моно қала

Хромтау алдағы аудан елімдегі

Халқымның ертеңге зор сенімдері

Жылу мен жарық және су тартылып

Берілді мыңға жуық жер телімдері

Тіршілік ауданымда қайнап жатыр

Растайтын сөздерімді айғақ жатыр

Қаланың қай жеріне барам десең

Айнадай жолдарымыз сайрап жатыр

Атқарылған орасан істер неткен

Толағай табыстарға қолы жеткен

Ауылдарда газ, су мен жарық та бар

Қамтамасыз етілген интернетпен

Біздің аудан әлемге аты мәлім

Хром толған айтсаңшы атырабын

Келем деген қонаққа есік ашық

Шахтерлер шахарына шақырамыз

1-ші жүргізуші: Ұрпақпен өмір жолы жалғанады, Көңілді күндер тусын алдан әлі.

Ән – шашу, әсем – әуен, түрлі өнер Осы кеште Туған жерім тек саған арналады.

2-ші жүргізуші: Туған жеріміздің 85 жылдық мерейтойы құтты болсын! (БІРГЕ)

« Хромтау вальсі» - би

Сөзін жазған: Ақжар ауылының айтыскер ақыны Жұлдыз Қожабекова

Әні: Хромтау ауданы мәдениет бөлімінің басқарушысы Айтжанов Сисен

Мұғалім:

Армысыздар, қадірменді ұстаздар, оқушылар! Армысыздар жақсы ниетпен келген ұлағатты қонақтар.

Отан , туған жер, атамекен, елім, ауылым деген – жүрек тебірентіп, шаттық сезімді оятып қасиетті сөздер мен туған жердің тарихын, шежіресін білу — әрбір ұрпақтың азаматтық борышы. Биыл, іс -шарамыздың басталуынан көріп отырғаныңыздай , туған жеріміз Хромтау ауданына 85 жыл .

Осы мерекеге қатысты«Туған жерім - алтын бесігім" атты сабақтан тыс іс –шарамызға хош келдіңіздер .

1-ші жүргізуші: Туған жер – алтын бесігім,

Тербеттің мені төсіңде.

Киелі сенің есімің

Жүреді мәңгі есімде.

Көрініс: «Атасы мен немере» 4б класс - Ислам (музыка Енсепов)

(Аяғын ақырын басып Ата шығады. Орындыққа келіп, демалып отырады. Осы кезде жүгіріп немересі шығады).Немересі: Ата, не ойлап отырсыз?Атасы: Ә, балам, атаң не ойламайды дейсін! Сенің болашағынды ойлаймын. Еліміздің болашағы жайлы, өткен өмір жайлы ойлаймын, қуанамын!Немересі: Ата, «өткен өмір» деген не?Атасы: Ә, балам, «өткен өмір» деген сонау ежелгі бабаларымыздан бергі өткен өмір жолы, тарихы емес пе?Немересі: Ол қандай болған?Атасы:Ендеше тыңда, балам, атаң бір сөйлесін:Болмаса да оқыған тарихшы атаң,Жинадым ескілерден тарих хатын.Мақсатым – кейінгі ұрпақ ұмытпасын деп,Айтылған «Туған жер» туралы аталардың аманатын.Немересі : Туған жер деген не? Атасы: « Туған жердей жер болмас, туған елдей ел болмас » деген. Туған жер деген кіндік қаның тамған, туып-өскен жерің. Оған көрікті, қанша әдемі болса да, басқа жер жетпейді. Туған жер – бақыт ордасы , сол себепті туған жерін сүймейтін адам жоқ Оның суы да, ауасы да бөлек. Туған жердің күні де, түні де ыстық. Сен туған жеріңді аялап,қадірлеп, көз қарашығындай сақтауың керек Немересі: Ата, мен түсіндім, мен туған жерімді жақсы көремін, Туған жерімді ешкімге бермеймін, оны қорғайтын азамат болып ер жетем.

Атасы: Жарайсың, балам, 100 жаса

2-ші жүргізуші : Туған өлкеге арнау - өлең жолдарын оқитын 2 а сынып оқушылары

1оқушы: Көгінде күн нұрын төккен,

Жерінде гүл жұпар сепкен.

Неткен сұлу, неткен көркем,

Осы менің туған өлкем.

2оқушы: Алтын дәнді даласы бар,

Ақ күмістей қаласы бар.

Неткен сұлу, неткен көркем,

Осы менің туған өлкем.

3оқушы: Ер еңбегі шалқып, тасқан,

Ел еркіндей бақыт тапқан.

Неткен сұлу, неткен көркем,

Осы менің туған өлкем.

1-ші жүргізуші : Қойнауы ырыс, жайлауы тыныс болған, облысымыздың ғана емес, республикамыздың ірі өндірісті және ауыл шаруашылықты өңірі Хромтау 1935 жылы қаңтарда Ақтөбе ауданынан енші алып шығып, өз алдына дербес шаңырақ көтеріп , Новоресей ауданы деп аталды. 2-жүргізуші : Ауданның бұл атауы 1992 жылы ғана Хромтау ауданы болып өзгертілді. Бұрынғы аудан орталығы Новоресей (қазіргі атауы Ақжар) селосы…