Түлкі мен тырна балабақшаға арналған сабақ жоспары

«Балбөбек» шағын орталығының «Құлыншақ» тобына ұйымдастырылған оқу қызметінің технологиялық картасы

Күні:14.11.2018

Тәрбиеші: Кенжетаева Сымбат

Білім беру саласы: Коммуникация

Бөлімі : Драма

Тақырыбы: «Түлкі мен тырна»ертегісі

Мақсаты: Ертегіні саусақ театры арқылы әңгімелеу, ертегі мазмұнымен таныстыру. Балалардың диалогты сөйлей білу қабілеттерін арттыру.

Әдіс-тәсілдер: Әңгімелеу, сұрақ-жауап, саусақ театры.

Қажетті көрнекіліктер: Ертегі кейіпкерлерінің саусақ театрына арналған бейнелері.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық қозғаушы

Тәрбиеші:-Балалар, бүгін біз тағы да қызықты ертегімен танысамыз.

Өткенде ертегіші әжейдің айтқан ертегісі ұнады ма? Олай болса, әжейді тағы да қонаққа шақырайықшы.

Ертегіші әжей топқа келеді.

-Сәлеметсіз бе, ертегіші әжей, қош келдіңіз. Қане, балалар, әжеймен амандасайықшы.

Ертегіші әжей:

-Амансыңдар ма, балалар. Мен ертегілер елінен келдім, сендер ертегіні ұнатасыңдар ма? Қандай ертегі білесіңдер?

-Жарайсындар, сендер көптеген ертегілер біледі екенсіндер. Мен сендерге құр қол келгенім жоқ, сиқырлы қорап әкелдім. Бірақ сыйлығымды бермес бұрын мен сендерге жұмбақ жасырамын. Шешімін тапсаңдар, сыйлығымды беремін.

- Өзі нағыз қу,

Жүрген жері айқай-шу.

Ол не?

-Сендер дұрыс таптыңдар, бұл сиқырлы қорапты тәрбиеші апайларыңа берейін.

Тәрбиеші: -Ой, балалар, мына ғажайып қорапта не бар екен. Ой, қандай керемет! Ертегіші әжей бізге жаңадан ертегі әкеліпті. Бұл ертегі «Түлкі мен Тырна» деп аталады екен. Балалар олай болса, осы ертегіші әжей әкелген ертегі мазмұнымен саусақ театры арқылы танысайық. Әжей, сізге көп рахмет! Сіз де бізбен бірге ертегіні тамашалаңыз.

-Сәлеметсіз бе, ертегіші әжей, қош келдіңіз!

- «Дос іздеген бота»

- «Үш аю» ертегісі

- «Үйшік», «Түлкі мен ешкі» ертегілері

-Ол – түлкі.

Іздену ұйымдастырушы

Ертегі ұнады ма, балалар?

-Ертегі не туралы?

-Дұрыс айтасыңдар.

-Балалар, тырна тамақты немен ішеді?

- Неге?

-Түлкі неге тарелкамен ішеді?

- Түлкі кімді қонаққа шақырды?

-Тырна тамақты іше алмады?

-Неге іше алмады?

-Тырна қонаққа кімді шақырды?

-Түлкі тамақты іше алмады, неге?

-Түлкі мен Тырна бір-біріне неге ренжіді, неге дос болмай қалды?

-Дұрыс айтасыңдар.

-Ертегі ұнады

-Тырна мен түлкі туралы

-Тырна тамақты құмырамен ішеді

-Тырнаның тұмсығы ұзын