Тұңғыш ашылған тіл орталығы туралы мақала

Тұңғыш ашылған тіл орталығы

Шымкент қалалық Тілдерді оқыту-әдістемелік орталығы – 1997 жылы республика көлемінде ашылған тұңғыш орталық. Аталған жылдан бері тіл саясатын белсенді түрде жүргізіп келе жатқан киелі мекен. Қаланың ересек тұрғындарына үш тілді – қазақ, орыс және ағылшын тілдерін оқыту арқылы орталық жаңа мүмкіндіктерді қарастырады. Орталықтың басты мақсаты – мемлекеттік тілдің мәртебесін көтеру, тілдерді оқып үйретуде әлемдік озық тәжірибені қолдана отырып нәтижеге қол жеткізу. “ҚАЗТЕСТ” мемлекеттік тілді оқыту бағдарламасын басты бағытта ұстап, бес деңгейде курс ұйымдастырылады. Тыңдауға, сөйлеуге, оқуға және жазуға бағытталған оқу әдістеріміз тіл үйренушілерге сенімділік пен шабыт береді. Орталықта тәжірибелі оқытушылар қызмет атқарады. Олар әрбір тыңдаушыға жеке көңіл бөліп, тіл үйрену жолында қолдау көрсетеді. Болашақта орталық заманауи технологияларды кеңінен енгізіп, тіл мәдениетін насихаттау бағытындағы жұмыстарды одан әрі кеңейтуді жоспарлап отыр.

Орталық бекіткен жоспарға сәйкес мемлекеттік тілдің қолданылу аясын кеңейту, оның маңызы мен мәртебесін көтеру, көркем әдебиетті насихаттау, тіл мәдениетін көтеру, жастарды ынталандыру, тіл үйретудің озық тәжірибелерін жетілдіру мақсатында түрлі семинар, конференция, байқаулар орталық жұмысының нәтижесін жақсарта түсетіні анық.

Орталықта курстан өткен азаматтар республикалық және қалалық байқауларда үздік шығып, жүлделі орындарға ие болуда. Бұл – біздің ең үлкен мақтанышымыз әрі еңбегіміздің нақты дәлелі.

Шымкент қалалық Тілдерді оқыту-әдістемелік орталығы – тіл үйренем деген әрбір азаматқа деңгейін анықтай отырып, тіл үйренудің жеңіл де оңай жолдарын меңгертеді.

Біздің мақсат – тілдерді оқыту.

Шымкент қаласы тілдерді

оқыту-әдістемелік орталығының

оқытушысы Г.А Есепбаева