Тұңғыш президент күніне арналған тәрбие сценарийі

Тұңғыш Президент күніне арналған сценарий

Салтанатты әдеби - сазды жиынның мақсаты:

Елімізге еңсе тіктетіп, мемлекетімізді мығымдап берген, халқымызды әлемге танытып, алаш баласының абыройын ақсақтатқан Елбасының кісілік келбетін, құдіретті тұлға екенін таныту.

Көрнекілігі: Видеоролик, cахна безендірілген Н.Ә.Назарбаевтың кітаптарынан көрме ұйымдастырылған.

Әли:

Арма ағайын!

Анель:

Қош келдіңіздер, қадірменді қонақтар, аяулы ұстаздар мен оқушылар!

Әли:

«Егемен елдің тұтқасы – Елбасы!» атты 1-желтоқсан Тұңғыш Президент күніне арналған салтанатты әдеби- сазды жиынымызды тамашалауға шақырамыз!

Анель:

Мемлекетіміздегі жоғарғы лауазым президенттік қызмет елдің, халықтың үміті мен сенімін, бабалар аманатын арқалаған ең жауапты, ең қиын міндет.

Әли:

Бұл қызметті Отаны мен халқын шын сүйетін, ұлттық тілі, тарихы мен мәдениетін құрметтейтін, елі үшін отқа түсетін нағыз азамат, патриот қана атқара алады. Бұл - Елбасымыз Нұрсұлтан Әбішұлы Назарбаев!

Анель:

Отан дейміз от жаққан жерімізді,Отан дейміз өсірген еліміздіОтан дейміз туған жер, атамекенБиік тау, орман, тоғай көлімізді

Әли:

Беу, Туған жер! Сен ыстықсың біздерге.

Мыңдаған дастан жатыр Халқым басқан іздерде.

Тұнып жатқан тарихыңнан көз алмай

Даналықтың жырын жастар іздер ме?

Әли:

Cалтанатты жиынымызға Қазақстан Республикасының Мемлекеттік Туы салтанатты түрде жиынымызға енгізілсін! (Ту кіргізіледі)

Қазақстан Республикасының Мемлекеттік Әнұраны шырқалсын!!!

Анель:

Әрбір Тәуелсіз ел үшін Мемлекеттік рәміздері болары анық. Мемлекетті бүкіл әлемге танытатын символы. Біз бүгін ұлтымыздың абыройына айналған Президентіміз үшін мақтана аламыз. Қазақтың құлан жортса тұяғы тозатын Қыран ұшса қанаты талатын ұлан байтақ жері бар, сол жері мен елін егемен ел етіп, әлемге танытқан. Яғни, бірінші мемлекеттің басшысы тағайындалғаннан кейін, Мемлекеттік Рәміздер жарияланады. Мемлекеттік Рәміздер туралы өлең жолдарына кезек берсек. (Құрбангүл, Никита , Әли).

Әли:

Еліміздің тұңғыш президенті Нұрсұлтан Әбішұлы Назарбаев — мемлекеттігімізді орнатып, оны қалыптастырып, экономикасын реформалау арқылы өзін де, елін де әлемге мойындатқан заманның аса дарынды тұлғасы. Аумалы-төкпелі заманда мың өліп, мың тірілген қазақ үш ғасыр бойы іздеген мұратына да, арманына да Нұрсұлтан Әбішұлы Назарбаевтың тұсында жетті.

Анель:

Қазақстан дейтін менің бар елім .Жатыр алып жарты дүние әлемін!Бұл даланы анам жаспен суарған, Бұл далада атам қолға ту алған, Бұл далада жылап келіп, уланғанБұл даланы көріп алғаш қуанғанБұл далада өскен жанда жоқ арман!-дей келе сахнада «Балалық шағымның аспаны» кино филімінен үзінді көрініс. Тамашалаңыздар!

Анель:

Еліміздің Көшбасшысының балалық шағы Алатаудың баурайындағы Үшқоңыр жайлауында аунап қунап өткен. Ендігі тамашалайтындарыңыз, сыныбымыздың «Жігіттер» триосының орындауында «Үшқоңыр» әні. Сөзі: Н. Назарбаев, Әні: А.Қоразбаев ағымыздікі. Бірге тамашалайық!

Жансая:

Бұрынғыдан сірә сөз артылмаған

Сақта қазақ қайткенде салтыңды аман

Елбасы бірақ келген жер бетіне

Қазақ үшін найзағай жарқылдаған. Елбасы — халықаралық қауымдастыққа кеңінен танылған, өркениетті елдердің басшылармен терезесі тең, сөйлескенде сөз алатын, елдескенде мейірімін шашатын саясаткер. Көшбасшымыздың өмір сабақтарына үңілсек! (Қасымханқызы Әсел, Қожан Әсел, Муслим Ақерке, Құрманхан Бауыржан)

Әли:Нұрсұлтан Әбішұлы Назарбаев – Ата-анасын қатты құрмет тұтқан,ұлттық дәстүрде тәрбиеленген, халқының бар қадір-қасиетін бойына жинаған, тілін, тарихы мен мәдениетін, әдет-ғұрпы мен салт-дәстүрін, жетік білетін, ұлтын жан тәнімен сүйетін, оның мәртебесін өсіріп, халқының үміті мен сенімін, ақтап келе жатқан қалың елінің жанашыры, мұңдасы, тағдырласы бола білген ұлтжанды азамат. Нұрсұлтан қазіргі таңда әлемді аузына қаратқан Қазақ елінің маңдайына біткен дара тұлға. Қазақстан Республикасының президенті ұлт көшбасшысы. Елін сүйген- елі сүйген елбасы.

Біздің сыныптың ару қыздарының орындауында әсем биін тамашалаңыздар!

Әли:

«Мен өз халқымның жолында басымды бәйгеге тіккен адаммын. Маған ары, үшін жанын садаға ететін осындай текті халыққа, мені ұлым деп, перзентім деп төбесіне көтерген халыққа, арғы- бергідегі қазақ баласының бірде-бірінің пешенесіне бұйырмаған бақыты толық қанды, тәуелсіз мемлекет құрудың қасында болу бақытын бұйыртқан халыққа қызмет етуден артық ештеңенің…