Тұңғыш президент тақырыбындағы тәрбие сағаты, 6-сынып

1-жүргізуші: Құрметті ұстаздар мен оқушылар!

Барша Қазақстан халқы 1- желтоқсан Тұңғыш Президент күні мерекесін тойлауға дайындалып жатыр. Осыған орай, бүгінгі тәрбие сағатымызды саясаттың суырылған сара саңлағы, бүкіл әлем мойындаған дара тұлға, алғыр басшы, Қазақстан Республикасының тұңғыш Президенті Нұрсұлтан Әбішұлы Назарбаевқа арнаймыз.

2- жүргізуші: Тәрбие сағатымызды елбасының сөзіне жазылған әнұранмен бастасақ.

Хор. "Менің Қазақстаным"

1-жүргізуші: Ақиқат- тіліп түсер алмасымыз,

Тәуелсіздік жалғасқан жалғасымыз.

Халқымыз бірауыздан қолдайтұғын

Нұрсұлтан Назарбаев - Елбасымыз!

1- желтоқсан Қ. Р-ның Тұңғыш Президенті күні құтты болсын!

2-жүргізуші: Тәуелсіздігіміздің арқасында көгімізде

туымыз,төрімізде елтаңбамыз, аспанымызда әнұранымыз мәңгі қалықтасын.

Балалар, Елбасы туралы білгенімізді ортаға салайық.

1-жүргізуші: Неліктен Тұңғыш Президент күні мерекесі 1-желтоқсанда аталып отыр?

- 1991 ж 1-желтоқсанда республика жұртшылығы тұңғыш рет

Н. Ә. Назарбаевты Қ.Р. Президенті етіп сайлады.

2-жүргізуші: Ал, олай болса Елбасы туралы не білеміз?

Экранға назар аударайық.

(Интерактивті тақтадан Елбасының түрлі суреттері көрсетіледі.)

Бір оқушы өмірдерегін айтып шығады.

Н.Ә. Назарбаев 1940 жылы 6-шілдеде Алматы облысы Қаскелең ауданыны Шамалған ауылында дүниеге келген. Балалық шағы таршылық жағдайда өткен.Үлкендердің мал бағуына, бау-бақша өсіруіне көмек көрсеткен. Мектепті жақсы оқып, жақсы білім алды.Ата-анасын қатты құрмет тұтты.

Ол ерте есейді. Еңбек жолын 1960 жылы Теміртау қаласындағы Қарағанды металлургия комбинатында қатардағы жұмысшы болып бастап, домна пешінің аға газдаушылығына дейінгі жолдан өтті.

1991 жылы 1-желтоқсанда тұңғыш рет Қазақстан Республикасы Президент үшін жалпы халықтық сайлау өтті. Сайлау нәтижесінде Нұрсылтан Әбішұлы Назарбаев басым дауыспен жеңіске жетті.

Ол Қазақстан Үкіметін басқарғанда 44 жаста болды. Осылайша оның саяси өмірі басталды.

1-жүргізуші: Ал, олай болса "Жылдар сөйлейді" айдарына кезек берейік. (Слайдтан көрсетіледі).

-1991жылы 1-желтоқсанда Республика жұртшылығы тұңғыш рет Н.Ә.Назарбаевты ҚР. Президенті етіп сайлады.

-1991 жылдың 16-желтоқсанында ҚР. жоғары сесиясы елді "Тәуелсіз демократиялық және құқықтық мемлекет" деп жариялады.

-1992жылы 4-маусымда жаңа мемлекеттік рәміздер Елтаңба, Ту, Әнұран бекітілді.

-1993жылы 15-қарашада ҚР Ұлттық ақшасы теңге айналымға енді.

-1995жылыдың 28-қаңтарында Тәуелсіз Қазақстанның, тұңғыш "Ата заңы" қабылданды.

-1998жылы 10-маусымда жаңа астанасының ресми тұсаукесері болды.

-2006жылы 7-қаңтарда Әнұран қабылданды.Егемен ел Әнұраны жаңарды.

"Менің Қазақстаным" жер жүзіне таралды.

Сөзін жазған: Жұмекен Нәжімеденов(1956)

Нұрсұлтан Назарбаев(2005)

Әні: Шәмші Қалдаяқов(1956) 1-жүргізуші: Ал, олай болса ендігі кезекті оқушыларға берейік.

1-оқушы: Халқымда күш-қуат бар озар лайық,

Сондықтан алға қалай қозғалмайық?!

Тәуелсіз елдің туын желбіретіп,

Көтерген көкке биік Назарбаев!

2-оқушы: Ауыр күнді артымызға тастады,

Қиын сәтте қиындықтан қашпады.

Тілім , дінім, ұлтым қайта көгерген,

Елбасымыз Нұрағаның бастауы.

Туды ұстап тура жолға түсіріп,

Жас Отанның өірін де түсініп,

"Елім, Жерім" деп ұрандап тайсалмай,

Бір керемет жасады-ау деп бұл кісі.

3-оқушы: Қадамы мықты елміз алға басқан,

Сондықтан кем болмаймыз бақ-ырыстан.

Ап шықты Елбасымыз жолын тауып

Кешегі төніп келген дағдарыст

4-оқушы: Шалқытып ақын жүрек толғасын да,

Көшбасшы адастырмас бар қасыңда.

Жол тартты Жаңа әлемге Қазақстан

Көреген Елбасының арқасында.

5-оқушы: Жақсының айтады ел жақсы атын,

Тұнық боп тұмасынан босталатын.

Елінің ертеңіне көз жіберген,

Талмасын, Қыран Бүркіт, қос қанатың.

Кенеліп мол табысқа ұлан-асыр,

Жасап ап кереметтер келер асыл,

Жүрейік биік ұстап еңсемізді,

Таң қалып жатсын бізге мына Ғасыр!

6-оқушы: Қол бастайтын ерім бар,

Атадан қалған сара жолым бар.

Қазақ елі желбіресін көк байрағың,

Гүлге оранды ауылың мен аймағың.

Нұрсұлтан аға биіктерге бастады,

Ол көрсеткен нұрлы жолдан таймаған.

2-жүргізуші: Ән: "Жаса,жаса қазақ тілім"

Орындайтын: Төрехан Нұрдаулет

1-жүргізуші: Біздің сыныбымызда шығармашылықпен айналысатын оқушыларымыз бар. Солардың "Менің Президентім" атты күнделігіне кезек берсек.