Тур де Франс біздің ауылда дене шынықтыру жарысы

Мақсаты: а) оқушылар арасында велосипед жарысын өткізу;

ә) оқушылардың төзімділік, күштілік қабілеттерін дамыту;

б) Кеңістікті бағдарлай білуге, тепе-теңдікті сақтауға жаттықтыру, салауатты өмір салтына көзқарасын қалыптастыру

Керекті құрал-жабдықтар: велосипед, ысқырық, жалауша

Барысы:

Құрметті ұстаздар, оқушылар, ата-аналар!

Күштілік пен төзімділікті талап ететін спорттың бірі – ол велосипед жарысы.

Бүгінгі оқушылар арасында өтетін спорттық жарысқа қош келдіңіздер. Қазіргі кезде велосипед тебуді адамдар балабақшадағы сәби кезінде-ақ үйреніп, үлкейе келе оны тұрмыстағы қажеттеріне көлік ретінде пайдаланады.

Велосипед кеңістікті бағдарлай білуге, тепе-теңдікті сақтауға көмектеседі. Бүгінгі жарысқа 5-9 сынып оқушылары қатыспақ.

Жарыстың ережесімен таныстырып өтейін.

Велосипедті арнайы белгіленген жерде ғана тебуге болады.

Жолдың тек оң жақ шетімен жүру керек.

Велосипед жүрмей қалса, шетке шығып кету керек.

Жолда абайлап жүру керек.

Велосипедшілер бірін бірі итермеу керек.

Ескерту:

Әр жерде бір –бір мұғалімнен тұрады.

Егерде жарақат алған жағдайда медбикеге келіңізер.

Бүгінгі жарыстың қауіпсіздігіне жауап беретін дене шынықтыру пәнінің мұғалімі Д.М.Ақатова, мектеп медбикесі Н.С.Келдибаева, сонымен қатар ойынның ережелеріне нұсқау, бағыт-бағдар беретін мектепішілік спорт секторы Е.Н.Әбілхайыров

Жарыстың төрешілерімен таныс болыңыздар:

Технология пәнінің мұғалімі – Булатов С.Е.

Мектеп психологі – Жарылғасова М.Қ.

Велосипедшілер жарысқа дайынсыңдар ма?

Велосипедтерін жарыс соңына дейін жарай ма?

Ендеше велосипедшілерге сәттілік тілей отырып, бүгінгі жарысымызды бастаймыз.

Оқушылар белгіленген жерлерді екі рет айналып өтеді.

Қорытындылау

Жарыста бірінші, екінші, үшінші келген оқушыларды анықтап, арнайы дипломдармен марапаттау.

Краснояр негізгі жалпы білім беретін мектебі

Велосипед жарысы

Өткізген: Д.М.Акатова