Тұран университеті білім мен мүмкіндік ордасы мақаласы

Махтабай Ұлдана Бейсенбекқызы

Тұран университеті, Журналистика факультетінің 3-курс студенті

Тұран университеті – білім мен мүмкіндіктер ордасы

Арман қуып, болашағыңызды сенімді түрде қалағыңыз келе ме? Заманауи білім алып, өз салаңыздың кәсіби маманы атанғыңыз келе ме? Олай болса, Тұран университеті – дәл сен іздеген оқу орны!

Мен – Тұран университетінің 3-курс студентімін. Осы оқу орнына түскен сәттен бастап студенттік өмірдің нағыз қызығы мен мүмкіндіктерге толы жолға аяқ бастым. Тұран менің өмірімді түбегейлі өзгертті, маған жаңа көкжиектер ашты. Бұл университет – тек білім ордасы ғана емес, жеке тұлға болып қалыптасуға, өзіңді дамытуға, үлкен жетістіктерге жетуге мүмкіндік беретін алаң!

Неге Тұран?

Тұран университеті – Қазақстандағы алғашқы жеке меншік жоғары оқу орындарының бірі. 30 жылдан астам тарихы бар бұл білім ордасы мыңдаған түлектердің арманын жүзеге асырып, өмірін жаңа деңгейге көтерген. Тұран тек білім беру мекемесі ғана емес, заманауи инновациялық орталық. Мұнда әрбір студенттің қабілетін ашып, өз орнын табуға жағдай жасалған.

2020 жылы Тұран университеті “Алтын Сапа” сыйлығының иегері атанып, Қазақстандағы ең үздік қызмет көрсететін кәсіпорын ретінде танылды. Бұл – университет ұжымының тынымсыз еңбегі мен сапаға деген ерекше көзқарасының дәлелі.

Білім беру бағдарламалары

Тұран университетінде білім алудың негізгі бағыттары:

•Гуманитарлық-юридикалық факультет

•Экономика факультеті

•Цифрлық технологиялар және өнер факультеті

•Ағылшын тіліндегі STEM бағдарламалары

•Foundation дайындық факультеті

Университетте 361 оқытушы қызмет етеді, олардың ішінде 55 ғылым докторы, профессорлар, 215 ғылым кандидаты мен доценттер, 1 PhD докторы бар. Сонымен бірге, 49-дан астам тәжірибелі зерттеушілер оқу процесін қамтамасыз етеді. Әр факультет заманауи білім беру бағдарламаларын ұсынады. Университет бакалавриат, магистратура және докторантура бағдарламалары бойынша білім береді. Әсіресе, журналистика, PR, логистика, IT, графикалық дизайн, киберқауіпсіздік, кино және телевидение, халықаралық қатынастар, құқықтану және экономика мамандықтары бүгінгі еңбек нарығында жоғары сұранысқа ие.

Халықаралық мүмкіндіктер

Тұран – әлемдік білім беру кеңістігіне жол ашатын университет! Тұран университеті – шетелдік білім беру бағдарламаларына қатысатын Қазақстандағы белді оқу орындарының бірі. Университеттің 60-тан астам шетелдік серіктес оқу орны бар.…