Түркілер және олардың өмір салты сабақ жоспары 3 сынып

Мектеп: Мұғалімнің аты-жөні:

Сынып:

Пән: Дүниетану №20 сабақ Ортақ тақырып: Өнер

Бөлімше: Қазақстанның тарихи түп-тамыры

Күні:

Қатысқандар саны:

Қатыспағандар саны:

Тақырып:

Түркілер және олардың өмір салты

Оқыту мақсаты

3.3.2.1 түрлі материалдарды зерделеу арқылы түркілердің өмір сүру салтын анықтау.

Сабақтың мақсаттары (Күтілетін нәтижелер)

Барлық оқушылар:

қазақ халқының арғы бабалары сақтар, ғұндар, түркілер жайында айтады;

түркі тектес халықтарды атайды;

картадан Түрік қағанатының аумағын көрсетеді;

түркілердің айналысқан шаруашылықтарын атайды;

түркілердің жеткен жетістіктері туралы айтады.

Көптеген оқушылар:

оқулықтағы иллюстрациялардың негізінде түркілердің жеңу себептеріне өзінің болжамдарын келтіреді; – түркілердің, ғұндардың, сақтардың шаруашылықтарын салыстырады;

түркілер, ғұндар, сақтар бірдей шаруашылықпен айналысқан деген қорытынды шығарады.

Кейбір оқушылар:

қандай дереккөздерден түркілердің өмірі жайлы ақпарат алатынымызды айтып береді;

оқулықтағы иллюстрациялардың негізінде түркі әлемінің жетістіктерін көрсетеді, бұл жетістіктердің адам өмірін қалай жеңілдеткенін түсіндіреді.

Тілдік мақсат

Оқушылар:

Оқулықтағы мәтінмен және иллюстрациялармен жұмыс істеу арқылы түркілердің өмір салтын суреттейді.

Пәнге қатысты лексика мен терминология:

Түркілер, малшаруашылығы, егіншаруашылығы, қолөнер.

Диалогке/жазылған қажетті тіркестер

Түркілер – ғұндардың ұрпағы.

Түркілер – қазақтардың арғы бабасы

Түркілер көшпелі малшаруашылығымен айналысқан.

Түркілердің бір бөлігі егіншаруашылығымен айналысқан.

Түркілерде темір ұсталық, зергерлік, құмыра жасау қолөнері жақсы дамыған.

Талқыланатын мәселелер:

YI ғасырда түркілердің аумағы қандай болды?

Түркілердің жасаған жорықтары жеңіспен аяқталып отырды. Оның себебі не?

Түркілердің шаруашылықтарын атап шығыңдар.

Түркі әлемі қандай жетістіктерге жетті?

Бұл жетістіктер адам өмірін қалай жеңілдетті?

Жазылым:

Дәптерде салыстырма кестені толтыру және қорытындыларды жазу.

Алдыңғы білімдер

Сақтар қалай өмір сүрді? Сақ ханшайымы – Тұмар. Ғұндар

Сабақ жоспары

Сабақ кезеңдері

Жоспарланған іс-әрекет

Ресурстар

Ой қозғау

Мұғалім: «Бүгінгі қазақ халқы – сонау есте жоқ ескі замандарда-ақ тұлпарлардың тұяғымен дүниені дүр сілкіндірген көне сақтардың, ежелгі ғұндардың, байырғы түркілердің ұрпағы, үлкен үйдің қара шаңырағын атажұртта сақтап қалған халық», – бұл біздің Елбасымыз Н.Ә.Назарбаевтың қазақтар жайында, олардың тарихтағы орны жайында айтқан сөзі.

Балалар! Осы сөйлемнің ішінен басты сөздерді бөліп көрсетіңдерші.

Оқушылар:

Қазақтар – көне сақтардың, ежелгі ғұндардың, байырғы түркілердің ұрпағы.

Түркілер есте жоқ ескі замандарда-ақ тұлпарларының тұяғымен дүниені дүр сілкіндірген.

Қазақтар үлкен үйдің қара шаңырағын атажұртта сақтап қалған.

Балалар! Бүгінгі сабағымызда қарастыратын негізгі сұрақтарды сендер анықтадыңдар. Біз бүгін зерттеуші боламыз. Әртүрлі дереккөздермен – оқулықтағы картамен, тарихи құжаттармен, иллюстрациялармен жұмыс істеу арқылы ежелгі түркілердің қалай өмір сүргенін және немен айналысқанын білетін боламыз.

(Ұ, Ж) Сабақтың соңында қандай мақсаттарға қол жеткізуіміз керек, қалай ойлайсыңдар? Оқушылар:

–түркілердің өмір сүру салты жайында білетін боламыз.

Мұғалім (толықтырады): сонымен қатар, сендер түркі әлемінің жеткен жетістіктері жайында да білетін боласыңдар.

Тақта

(Н.Ә. Назарбаев сөзі)

Оқулық.

Карта, түрлі

қосымша суреттер

Жаңа сабақ

Оқулықпен жұмыс жасаймыз. Алдарыңдағы – қазақ халқының шығу тегін баяндайтын ағаш. Бұл ағаштың тамыры – қазақтың арғы бабалары сақтар, ғұндар, түркілер. Сақтар мен ғұндар жайлы не білесіңдер? Олар қайда өмір сүрді, немен айналысты? Естеріңе түсіріңдер.

Оқушылар картамен жұмыс істей отырып, оқулықтағы мәтінді оқиды. «Ауыр қаруланған түркі әскері» иллюстрациясын қарап, түркілердің жеңіске жету себептеріне қатысты қорытындылар шығарады.

Мұғалімге арналған ақпарат

Түркілер мықты атты әскер құрды. Атты әскер ауыр қаруланған және жеңіл қаруланған болып бөлінді.