Түрлі түсті әлем тақырыбындағы ашық сабақ, балабақша

Түрлі-түсті әлем

Мақсаты: Балаларды гипспен таныстыру және өзіндік жұмыс жасауға үйрету. Жұмыс барысында техникалық қауіпсіздік ережелерін ескерте отырып, түрлі-түсті бояумен жұмыс жасауды үйрету. Саусақ маторикаларын дамыту.

Ә/п

Тәрбиешінің әрекеті

Балалардың әрекеті

Мотивациялық кезең

Шаттық шеңбер:

Ән: «Әрқашан күн сөнбесін»

Күн әдемі, көк әлемі,

Бұл суретті жас баланың.

Ақ қағазға салған өзі,

Жазылған бар сөзі.

Әрқашан күн сөнбесін,

Аспаннан бұлт төнбесін,

Қасымда болсын мамам,

Болайық менде аман.

Барлық балалар орындарынан тұрып орындайды.

Ұйымдастырушылық кезең

– Балалар бүгін бізде ерекше күн. Еске түсірейікші 1-маусым қандай мереке?

- Ия, дұрыс айтасыңдар. Бүгін біз сендермен 1-маусым балаларды қорғау күніне орай «Түрлі-түсті әлем» тақырыбында, гипспен жұмыс жасаймыз.

Балалар гипс бұл құрылыста қолданатын зат. Оның түсі ашық сұр.

Онымен жұмыс жасағанда абай болу керек. Гипсті көзімізге жақындатпаймыз, аузымызға салмаймыз. Балалар алдарыңда әр түрлі жануарлардың, балықтың формалары бар. Қазіргі біз осы формаларды гипспен толтырамыз. Ол үшін мен сендерге гипсті суға араластырып беремін. Сендер дайын гипсті қасықпен алып формаға салып толтырасыңдар деп толтырып көрсету. Гипс кем дегенде 25-30 минут тұрып қатуы керек. Сосын оны формадан түсіріп бояумен бояймыз.

1. Мейіржан қоянның формасын толтырып, оны қызыл түске бояды. Қоян туралы тақпақ айтып береді.

Ұзын құлақ сұр қоян

Естіп алып сыбдырды.

Ойлы қырлы жерлермен

Ытқып-ытқып секірді.

2. Әсел аюдың формасын толтырып, қоңыр түске бояды. Аю туралы тақпақ айтады.

Ормандағы аюдың,

Құлпынай көп екен,

Теріп-теріп алайық,

Қалтамызға саламыз.

1 – маусым балаларды қорғау күні. Балалар мерекесі.

Қимыл іс-әрекетін айтады.

Рефлексивті кезең

Әр бала өзінің жұмысын аяқтап, тақпақ айтып береді.

Балалар бүгін біз немен жұмыс жасадық?

Гипс қандай зат екен?

Мейіржан сен гипстен не жасадың?

Әсел сен ше?

Балаларды мақтап-мадақтап сұрақтар қойып қорытындылау.

- Гипспен.

- Химиялық зат.

- Қоян.

- Аю.

Сұрақтарға жауап береді.

Күтілетін нәтиже:

Біледі: Гипсті.

Орындайды: Гипстен әр түрлі жануарларды жасауды.