Тұтығу кезінде байланыстырып сөйлеуді дамыту сабағы

Тақырыбы: Тұтығу диагнозы бойынша

байланыстырып сөйлеу тілін дамыту.

Өткізген: дефектолог-логопед Мирамбекова Зейнеп Мирамбекқызы

Сабақтың тақырыбы : Тұтығу диагнозы бойынша байланыстырып сөйлеу тілін дамыту.

Сабақтың мақсаты :

Тыныс алу жаттығуларын дұрыс жасалуларын қадағалау.

Өзін-өзі қадағалауға,өздігінен жұмыс істеуге үйрету

Мәнерлеп оқу,сөйлеу қабілетін дамыту.

Байланыстырып сөйлеу тілін дамыту арқылы сөздік қорын байыту

Көрнекілік: Тыныс алу жаттығулары көрсетілген суретер, сөйлеу ережелері.тапсырмалар.

Сабақ тың барысы :

1.Аутогенді жаттығу. «Мен бақытты баламын».

Баяу сазды әуен үнімен үшке дейін санап,

гүл бағына саяхатқа барайық.

«Қарашы, гүл бағында гүлдер қандай көп!

Әсем,әдемі гүлдер жайқалып тұр!

Гүлдерге қарап күн күлімдейді.

Тыңдашы,бақтағы сайраған құстың даусын,

Сылдырап аққан судың даусы естіледі.

Бетіңе жел лебі еседі.

Аңқыған гүлдердің хош иісі келіп тұр.

-Елестете отырып «Біз өмірдің гүліміз».өлеңін айтайық.

Зеңгір көктем,

Нұрын төккен,

Ортақ біздің күніміз,

Жайнап өскен,

Жайдарлы өскен,

Біз өмірдің гүліміз.

Бал достыққа,

Жолдастыққа

Шақырады әніміз.

Тыныштықта,

Жолдастықта

Бақыттымыз бәріміз.

2.Тыныс алу жаттығулары.

а) «Сағат» денені жан-жаққа ию.

Иілген кезде «ту-у-у-у-ух»дыбыстап терең тыныс шығару

б ) «Доптар ұшады» кеудесінен алдына қарай лақтыру

Дем шығарған кезде ұзақ «ух-х-х-х» деп, айту.

б) «Поезд» бір демде айту «Ту-ту-ту-ту»

в) Дем алып С-с-с Ш-ш-ш Ф-ф-ф

г) Машинаның дөңгелегі жарылды ш-ш-ш

д) «Ұлпа қарды үрлеу»

Мақтаны үрлеу арқылы дем шығару.

3.Сөйлеу ережелері:

-Сөйлегенде асығыстық жасама

-Әрдайым деміңді шығарып сөйле.

-Әр сөйлем соңынан үзіліс жаса.

4.Өлең оқу арқылы сабақтың тақырыбын хабарлау.

Күміс қар.

Қырларды жапты күміс қар,

Далада жаңа тыныс бар.

Бұталар жалт-жұлт етеді.

Кәдімгі бейне хрусталь.

-Бұл өлеңде жылдың қай мезгілі бейнеленген?.

-Қыста балалар қандай ойындар ойнайды ?

-Қыста балалар қалай киінеді?

-Қыста қарды ауызға салуға болама?

-Балалар ,бізге ақшақар тапсырма әкеліпті.

Соны дұрыс орындайық

І. Тапсырма

Қай сөйлем дұрыс жазылған?

а)қар аппақ жауды.

б)Аппақ қар жауды.

в)Жауды аппақ қар.

ІІ тапсырм

«Аппақ»сөзінде неше дыбыс неше әріп бар?

ІІІ тапсырма.

Жапалақ қар жауып өтті .

Сөйлемде неше сөз бар?

ҮІ тапсырма.