Уақыт порталы Қазақстан тарихынан сыныптан тыс жұмыс

Уақыт порталы

Жакиева Б.А., Айткулова А.Б.,Турланкызы А.

Ақтөбе қаласындағы Назарбаев Зияткерлік мектебі мұғалімдері

Еліміздің өткені мен бүгінгісін оқушылардың құрметтеуін, Тәуелсіздікке дейінгі еліміз жүріп өткен тарихын, ондағы тұлғаларды шежірелеу арқылы оқушыларды еркіндік, азаттық құнын білуге, бағалауға тәрбиелеу , еліміздің азаттығын аялап, алақанда ұстау, ұлан байтақ жерге, ұлан - ғайыр байлыққа ие болу – тамырын тереңнен алатын тарихты ардақтаудан басталатынын түсіндіруді « Уақыт порталы» мақсат етеді.

Қайырлы күн , қымбатты әріптестер және оқушылар , ата-аналар ! Еліміздің қадамы нық, қарқыны берік, ертеңі айқын.Оған Қазақстан Республикасының 28 жылдағы жеңісі мен жетістігі дәлел.Мемлекетіміздің іргетасы қаланғаннан бастап,уығын қадап, шаңырағын көтергенге дейін қыруар істер атқарылғанын, мемлекетіміз озық елдер қатарына қарай қалай теңелгенін, алдағы болашағымыз да келісті болатынын , 28 жылда ғасырға бара-бар жетістіктерге жеткенімізді бүкіл әлем мойындағаны шындық.Олай болса, барымызды барлап, нәтижемізді 8 ұрпақ өкілдерімен талдап көрелік ...

« Уақыт порталына » ұрпақтар түрлері шақырылады :

Ұрпақтардың түрлері қандай? Икстер, Игректер және Зеттер деген кімдер ?

X ұрпағы (1961-1981) – жиһанкездер. Басқа атаулары: Иксерлер, 13-ұрпақ, Белгісіз ұрпақ. Бұл интернетке дейінгі дәуірдің тірі куәгерлері: Олардың балалық шағы Кеңес одағы тұсында өтті, ал қырғи-қабақ соғыс кезеңі, Ауғанстандағы соғыс бұл адамдарды индивидуалистерге және реакционерлерге айналдырды.

Негізгі ерекшелік белгісі – дербестік. Оларды «мойнына кілт таққан балалар» деп атаған: өздері үйге келіп, өздері тамақ әзірлеген, өздері серуенге шыққан. Бұл балаларға ата-ана көңілі мен қамқорлығы аз бұйырды, есесіне көптеген сыйлықтар алды. Сондықтан, өсе келе, олар ерте есейіп, бұқаралық тұтынушыларға айналды.

Оларға тән сипаттамалар: сауаттылық, жаһандық хабардарлық, жоғары IQ, тек өзіне үміт арту, прагматизм, сындарды жағдайларда өмір сүру қабілеті, құлшыныс, қажырлы еңбек сүйгіштік және сарқылмас төзім қоры.

Y ұрпағы (1982-2004) – батырлар. Басқа атаулары: Миллениалдар, «некст» ұрпағы, «желілік» ұрпақ, жаңғырық-бумерлер. Оларды балалық шағында кездестірдік, Чернобыль апатын, КСРО-ның ыдырауын, лаңкестік әрекеттер мен қарулы қақтығыстарды, дефолтты көрді – бұл, бір қызығы, оларды оптимист, көпшіл, жауапты және сенімді етуге ықпал етті.

Миллениалдарға ақпараттық технологияларды дамуы және жаппай ақпаратқа қолжетімділік, оның ішінде музыка, фильмдер мен кітаптар, сондай-ақ дүниенің кез келген бұрышынан келген адамдармен қарым-қатынас жасау мүмкіндігі ерекше әсер етті. Олардың ерекше белгісі – өзін-өзі жетілдіруге ұмтылу. Жұмыста және оқуда Y ұрпағының өкілдеріне икемді жұмыс кестесі мен креативтілік маңызды болады.

Z ұрпағы (2005 - …) – суреткерлер. Басқа атаулары: ЯЯЯ буыны, Net Generation, i-Ұрпақ, Generation M («көп міндеттілік» сөзінен шыққан), Үйден шықпайтындар, Жаңа тұйық ұрпақ, Инноваторлар ұрпағы. Бұл буынға ықпал еткен оқиғалар: әлемдік қаржы-экономикалық дағдарыс, Веб 2.0 және мобильді технологиялардың дамуы.

Z ұрпағының принципті қасиеті – оның қанында бар технологиялар. Бұл тарихтың негізгі термині – Digital Natives. Сандық әлемде олардың «өздері жергілікті». Z ұрпағы чаттарда, форумдарда, комьюнитиде дамиды. Олар бір қарағанда бірге сияқты, бірақ әрқайсысы өзінің гаджетінен, үйінен шықпайды. Олар үшін отбасы — жер бетіндегі ең қауіпсіз орын.