Үй құстары тақырыбындағы ашық сабақ мектепке дейінгі балаларға

Тақырыбы: Үй құстары.

Мақсаты: Үй құстары туралы білімдерін тиянақтау. Тілдерін дамыту,ой өрістерін кеңейту,есте сақтау қабілеттерін дамыту.Үй құстарына деген қамқорлыққа тәрбиелеу.

Әдіс-тәсілі: жылулық шеңбері, қайталау,ойындар , өздік жұмыс,сергіту сәті

Көрнекіліктер: үй құстары туралы слайдтар,таратпа қағаздар.

Барысы:

Ұйымдастыру

Тәрбиеші:-Балалар бүгінгі көңіл күйлерің қалай?

Балалар:Тамаша.

Тәрбиеші:Өте жақсы.

Қане,қане тұрайық,

Үлкен шеңбер құрайық.

Жылулық шеңбері.

Күлімдеп күн бүгін,

Қарады маған да,

Күлімдеп күн бүгін,

Қарады саған да,

Шуағын төгіп тұр,

Мейірімді күн ана!

Тәрбиеші: Жарайсыңдар,орынымызға отырайық.

Тосын сәт.Тауықтың дауысы естіледі.(Балалар таңдана қарайды.)

Тәрбиеші: Балалар бұл ненің дауысы болды екен?

Балалар: Тауықтың

Тәрбиеші: -Балалар бізге қонаққа тауық пен балапан келді.Бізге тапсырмалар ала келіпті .Тапсырмаларды орындайсыңдар ма?

Балалар:иә.

1 тапсырмасы. «Біз не білеміз?» ойыны.

Тәрбиеші:Балалар мына суреттерден нелерді көріп отырсыңдар?

Балалар: Құстарды.

Тәрбиеші:Қандай құстарды?

Балалар:Үй құстарын

Тәрбиеші:Қане,атап жіберейікші.

Балалар: Тауық,әтеш,үйрек,қаз,күркетауық.(балалардан жеке-жеке сұрау)

Тәрбиеші:Үй құстарының қандай пайдасы бар?

Балалар:Үй құстары бізге жұмыртқа,ет береді.Жүнінен жастық,көрпе жасауға болады.

Тәрбиеші: Үй құстарына қандай қамқорлық жасаймыз.

Балалар: Жем,шөп, су береміз.

2 тапсырма. «Адасқан балапандар» ойыны

Балалар мына суретте балапандар енелерінен адасып қалыпты,балапандарға енелеріне табуға көмектесеміз бе?

Балалар: иә

Таратпа қағаздармен жұмыс.(Өздік жұмыс)

3 тапсырма

Қимылды ойын: «Тауық пен балапандар»Шарты: Әуен ойналады.Тәрбиеші тауық болады, ал балалар балапан болады.Музыка әуенімен балапандар жайылып жүреді де,әуен тоқтағанда балапандар тауықтың қанатының астына келіп тығылады.

4 тапсырма. Үй құстар туралы қандай тақпақтар білесіңдер?

Ақ тауық-ау,ақ тауық,

Ақ тауық неден қақсауыт.

Ертемен қыт-қыттайды.

Ауламыздан шықпайды.

Әжемнің екі қазы бар,

Мойындары иілген.

Қағып,қағып,қанатын,

Жем көрсе мойны жазылар.

Баласын ертіп соңынан,

Сүңгіп жүзіп үйретті.

Су жұқпайтын тонына,

Кім білмейді үйректі.

Оятпа әтеш,сен бізді,

Өзім де сездім таң атты.

Сенсіз –ақ білем мезгілді,

Танимын енді сағатты.

Сергіту сәті.(қимылмен көрсетеді)

Тауық тары жинапты,(тары теру қимылын көрсетеді)

Оны ешкімге қимапты,(қолдарын айқастырады)

Бөтегесін толтырып, (бүйірін ұстайды)

Қамбасына құймапты. (бас шайқайды)

5 тапсырма. «Не жоқ?» ойыны

Мақсаты: Жасырынған ұй құстарын табу.

Қорытынды.

Шаттық шеңбері

Тәрбиеші:Балалар бүгін бізге нелер қонаққа келді?

Балалар: Тауық пен балапандар