Үй жануарлары тақырыбында балабақшаға арналған ашық оқу қызметі

Оқу қызметінің жоспары

«Таным» білім беру саласы

Жаратылыстану

уақыты 930-945

Тақырыбы

«Үй жануарлары»

Мақсаты

Балаларға үй жануарларының неліктен үй жануарлары деп аталуына түсінік беру. Олардың аттарын дұрыс атап, төлдерінің дыбыстарын ажырата білуге үйрету. Дыбыстық жаттығу арқылы есте сақтау қабілеттерін дамыту. Үй жануарларына қамқорлық жасай білуге тәрбиелеу.

Көрнекі-құралдар

Суреттер, үлестірмелі материал, «Төрт түлік мал» слайд.

Сөздік жұмыс

Төрт түлік.

Билингвальды компонент

Үй жануарлары - домашние животные.

Пайдаланылған технология

АКТ

Кіріспе бөлім

Шаттық шеңбері:

Біз ерекше баламыз,

Айтқан тілді аламыз,

Достарымды көргенде,

Қуана қарсы аламыз.

Өтпелі тақырып «Менің Қазақстаным» жайлы әңгімелесеміз.

Негізгі бөлім

-Балалар, біз бүгін үй жануарларымен танысамыз. Ол үшін, Жайна әжеміздің қыстағына қонаққа барамыз.

Релаксация: Көзімізді жұмайық. Әсем әуенге бөленіп, кішкентай қар ұшқындары боп қыстаққа ұшып барамыз. Көзімізді ашайық. Балалар көздерін ашқанда алдыларында Жайна әже тұрады.

- Сәлеметсіз бе, Жайна әже, біз сізге қонаққа келдік. Мен балаларға үй жануарлары жайлы әңгімелеп бергім келеді. Сіздің үй жануарларыңызды көрсек деп едік.

Жайна әже: - Қош келдіңіздер. Жүріңдер, үй жануарларымды көрсетейін.

-Балалар, қараңдаршы, бұл үй жануарлары, олар адамның қамқорлығын қажет етеді. Адамдар оларды күтіп, бағады, сондықтан, оларды үй жануарлары деп атайды. Үй жануарлары: сиыр, жылқы, қой, ешкі, түйе. Аталарымыз оларды төрт түлік деп атаған. Үй жануарларының пайдасы мол, олар бізге балалардың ағзасына пайдалы сүт береді. Сиырдың төлін- бұзау, жылқының төлін- құлын, қойдікі- қозы, ешкінікі -лақ, түйенікін -ботақан деп атайды.

Дидактикалық ойын: «Төлін тап».

Шарты: үй жануарларының суреттерімен төлдерінің суреттерін сәйкестендіру керек. Дыбыстық жаттығу:

Қой «мә-ә-ә» деп маңырайды.

Сиыр «мө-ө-ө» деп мөңірейді.

Ботақан «бө-ө-ө» деп боздайды.

Ат «и-һо-һо» деп кісінейді.

Балаларға дыбыстауын қайталатамын.

Сергіту сәті: Оңға, солға, түзу тұр. Солға, оңға, түзу тұр.

Бір отырып, бір тұрып,

Біз тынығып аламыз.

-Балалар үй жануарлары немен қоректенеді?

-Олар, шөп, жем жейді, су ішеді.

Ойыншық жануарларының алдына шөп, жем салып, су құйып беріп, қарапайым күтім көрсетуді үйретемін. -Балалар, үй жануарларын даусынан тани аласыңдар ма? Дыбыстық ойын: «Даусынан…