Үй жануарлары тақырыбындағы сабақ жоспары балаларға

Үй жануарлары

К.Нуркина, МҚКК «Ақбота» бөбектер бақшасының тәрбиешісі

Павлодар облысы, Ақтоғай ауданы, Ақтоғай ауылы

Білім беру саласы: Қатынас. Әлеуметтік орта

Білім беру саласы: Көркем әдебиетТақырыбы: Үй жануарларыМақсаты: Үй жануарлары және олардың төлдерімен таныстыру, үй жануарларын ажырата білуді үйрету, пайдасы жайлы алған білімдерін бекіту. Дамытушылық: Әңгімелету арқылы есте сақтау, ойлау қабілеттерін арттыру, өз ойларын еркін, әрі нақты жеткізе білуге дағдыландыру, ойын арқылы сөздік қорларын молайту.Тәрбиелік: Жануарларға қамқорлық жасауға, оларға сүйіспеншілікпен қарай білуге тәрбиелеу.Әдіс - тәсілі: Жұмбақ шешу, түсіндіру, әңгімелеу, сұрақ - жауап, ойын, суреттер.Көрнекіліктер: Үй жануарларының суреттері.

Сабақ түрі: Саяхат сабақ.

Сабақтың барысы: Тәрбиешінің іс-әрекеті:

Балалар, «Амандасу — адамгершіліктің, әдептіліктің баспалдағы»сондықтан да, алдымен қонақтармен амандасып алайық.

Шаттық шеңбері:

Көкке қолды созайық,

Күннен шуақ алайық

Гүлге қолды созайық

Алақанға салайық

Жүректен жылу алайық

Оны да соған қосайық

Жиналған жылы шуақты бір – бірімізге шашайық.— Балалар, қазір жылдың қай мезгілі?— Көктем мезгілінде неше ай бар?— Көктем мезгілінде қандай өзгерістер болады?— Сендер көктем мезгілінде қандай ойындар ойнайсыңдар?— Өте жақсы. Жарайсыңдар!— Балалар, тыңдаңдаршы, нелердің дауысы?— Дұрыс айтасыңдар, балалар, осы сиыр, қойды үй жануарлары деп атайды. Үй жануарларына сонымен бірге жылқы, түйе, ешкі және ит пен мысық жатады. Мысық — ол үйде тұрады. Ал, ит үйдің сыртында, үйшікте тұрады. Ол үйді күзетеді. Ит — жеті қазынаның бірі.

— Балалар, сендерді ата — әжелерің қандай сөздермен еркелетеді?— Балалар: Ботақаным, қозым, құлыным, еркем, кішкентай лағым, қошақаным.Сендерді ата — әжелерің жақсы көріп, сүйкімді жануарлардың аттарымен еркелетеді екен, қандай тамаша!Тәрбиеші: Балалар, осы сүйкімді жануарлар төрт түлікке жатады. Олар: түйе, жылқы, сиыр, қой, ешкі. Түйенің төлі — бота, сиырдың төлі — бұзау, қойдың төлі — қозы, ешкінің төлі — лақ, жылқының төлі — құлыншақ. Халқымыздың байлығы да, берекесі де осы малдар. . Адамдар да оларға қамқорлық көрсетеді. Бағады, шөп, жем, су береді, сауады, көптеген күтім жасайды. Ата-бабамыздан келе жатқан қасиетті жануарларды өте жақсы көрген.

1. Жайлауға саяхатқа бару.