Үй жануарлары және төрт түлік, 4 сынып сабағы

Сабақтың тақырыбы: Қазақ халқының ауыз әдебиеті.

Сабақтың мақсаты:

1. Оқушылардың білімі мен біліктіліктері арқылы ой-өрістерін дамыту; қазақ әдебиетіне деген қызығушылығын арттыру, ұшқырлық, ой қабілеттерін шыңдау;

2. Шапшаңдық пен нақтылыққа бейімдеу, сөздік қорын молайту;

3. Тапқырлыққа, ізденушілікке баулу, ұйымшылдыққа, достық сезімдеріне тәрбиелеу.

Іс-шараның әдісі: сайыс сабақ.

Көрнекілігі: интерактивті тақта, слайд, қима қағаздар, шарлар, мақал-мәтелдер жазылған плакат, жаңылтпаштар, өтірік өлеңдер, смайликтер, сандықша, шашу кәмпиттері, сыйлықтар.

Сабақтың барысы:

І. Ұйымдастыру кезеңі. Сабақ «Жүзден жүйрік» музыкасымен басталады.

1-слайд. «Халық ауыз әдебиетінің түрлері»

Сыныптан тыс сағатымыздың тақырыбы: Халық ауыз әдебиеті.

-Халық ауыз әдебиетінен білімдерін сынауға 5 - сынып оқушылары келіп отыр.

2) Сайысымызды бастамас бұрын, сендерді бүгін бағалайтын қазылар алқасымен таныстырып өтейін : (музыка).

Қазақ тілі пәні мұғалімі Біләлова Өрік Әшірбекқызы

Психолог Құдабаева Ботагөз Қажығалиқызы

3) Сайысқа қатысушы топтарды ортаға шақырамыз. ( аттарымен, ұранымен таныстыру).

1-ші топтың аты – «Бірлік», ұраны

«Бірлігі жоқ ел тозады,

Бірлігі күшті ел озады (музыка).

Біз дайынбыз бұл сайысқа достарым,

Көрсетеміз бізде қандай күш барын.

Алға қойған мақсатымыз бір екен,

Сәтті болсын сапарымыз әрдайым.

2-ші топтың аты – «Достық», ұраны

«Досы көпті жау алмайды,

Ақылы көпті дау алмайды» (музыка).

Армандарға қол созумен келеміз,

Өмір теңіз жүзіп келеді кемеміз.

Білімменен қаруланған тобымыз,

Қарсыласты шаң қаптыру межеміз.

Сайысқа қатысушы топтармен таныстық, ендеше балалар,

Қарап тұрмай бәйгеге сіз еніңіз,

Сұрақтарға нақ жауап беріңіз.

Жүзден жүйрік, мыңнан тұлпар шығарар,

Бәйге, бәйге, бәйгелерді көріңіз, - дей келе біз алғашқы сайысымызды бастайық!

Бұл сайыста сендерге тек жеңіс тілеймін. Өз білімдеріңді жан-жақты көрсете біледі деген сенімдемін.Кәнекей, экранға назар аударайық !

(2-слайд). Сайысымыздың І айналымы – Сұрақ-жауап деп аталады.

Кім бірінші қол көтерсе, сол оқушы жауабын айтады.

Ұпайларын қазылар алқасы есептеп отырады.

Сұрақтар:

Мақал-мәтелдер дегеніміз не?

Мақал- мәтелдердің басқа әдеби шығармалардан айырмашылығы қандай?

Ауыз әдебиеті ғылымда қалай аталады?

Халық ауыз әдебиетінің қай түрінде сөздер ұйқасып, әр сөзі тез айту үшін құрылады?

Ертегілердің қандай түрлерге бөлінеді?

Тұрмыс-салт жырларына қандай өлең-жырлар жатады?

Музыка.

ІІ айналым.

Мақалдың басы жазылған слайд көрсетіледі

, оқушылар ары қарай жалғасын айтуы тиіс.

1-топқа берілген мақал-мәтелдер.

1. Отан - оттан да ыстық. а) Еңбегіне қарай өнбегі

2. Еңбегі аздың өнбегі аз. ә) Ер дәулеті – еңбек

3. Еліңді сүйсең, ерлік істейсің. б) Туған жерге туың тік.

4. Еңбек қылсаң ерінбей, в) Туған жердің күні де ыстық,

Тояды қарның тіленбей. Түні де ыстық.

5. Білекті бірді жығар, г) Кім еңбек етсе, сол тоқ.

Білімді мыңды жығар.

6. Ердің атын еңбек шығарар д) Күш – білімде.

2-топқа берілген мақал-мәтелдер.

Туған жердей жер болмас, а) Сөз асылы –мақал.

Туған елдей ел болмас.

Батыр қол бастайды, ә) Дос жылатып айтар,

Шешен сөз бастайды. Дұшпан күлдіртіп айтар.

Сөз мәйегі – мақал . б) Ел-елдің бәрі жақсы,

Көп сөз – көмір, Өз елің бәрінен жақсы.

Аз сөз – алтын. в) Шешен сөз бастар,

Бал тамған тілден у тамар. Батыр қол бастар.

Дос сыртыңнан мақтар, г) Көп біл, аз сөйле.

Дұшпан көзіңе мақтар. д) Басқа пәле тілден.

2-айналымның қорытындысы. (Музыка орындалады).

Келді кезек жұмбақтарды шешуге,

Жауаптарын беру керек үш тілде.

Қазақ, орыс, ағылшынды білсеңіз,

Жақсы баға(жауап), шәкірт саған несібе.

ІІІ айналым. « Жанды сұрақтар».