Үйірмелер жәрмеңкесі туралы мақала

Үйірме жәрмеңкесі

Оқушыларды заманына қарай икемдеп, өз заманының озық өнегесін оқушы санасына сіңіре білу, оларды шығармашылық бағытта жан-жақты дамыту - бүгінгі күннің басты талабы. Үйірме – оқушылардың білімін жетілдіреді. Өз қызығушылықтарына қарай әр оқушы әр түрлі үйірмеге қатысады.

Оқушыны шығармашылық жұмысқа тарту арқылы танымдық қабілеттерін, қызығушылығын арттыру, жетістіктерін бағалап көрсету, белсенділігін қалыптастыру, өздігінен еңбек етуге дайындау, іскерлігін дамыту мақсатында гимназиямызда көптеген үйірме түрлері бар. Гимназиямызда спорттық, пәндік, шығармашылық волейбол, футбол, пионербол, каратэ, гимнастика, шахмат, тоғызқұмалақ, журналистика, радио, қолөнер, вокал, фортепиано, бейнелеу өнері, политолог, домбыра, би, театр сияқты әр түрлі үйірмелер жұмыс жасайды. Гимназиямызда шығармашылық үйірмелерге 184 оқушы, спорттық үйірмелерге 178 оқушы, пәндік үйірмелерге 80 оқушы қатысуда. Бұл гимназиямыздың 28,5 % құрайды. 486 оқушы мектептен тыс үйірмелерге қатысады. Гимназия оқушыларының 59,6 % түрлі үйірмелерге қатысады. Сабақтан тыс уақытта болатын үйірмелерге оқушылар ерекше қызығушылықпен қатысып, білімдерін шыңдауда. Үйірмелерге қатысатын оқушылар түрлі байқауларға қатысып, жүлдегер атанып, гимназия мақтанышына айналып жүр. Сондықтан үйірмелерге көптеп қатыса білейік!