Үйшік ертегісі бойынша әлеуметтік бағыттағы ашық сабақ

Білім беру саласы:Әлеуметтік

Ұйымдастырылған оқу іс-әрекет түрі:Көркем әдебиет

Тақырыбы: «Үйшік»

Мақсаты:1.Балаларға жаңа ертегінің мазмұнын түсіндіру

2. Балалардың ой-өрісін,тілін дамыту.

3.Әңгімелеу барысында сөздік қорларын,сөйлеу мәдениетін,ойлау

Көрнекі-құралдар:интерактивті тақта,проектор.түрлі-түсті қағаз,желім.

Сабақтың барысы:1.Ұйымдастыру кезеңі.

Тәрбиеші балаларды сабаққа ұйымдастырады.Жаңа сабақты тәрбиеші орман көгалында өтеді.

Тәрбиеші:-Балалар қараңдаршы,бүгін бізге көптеген қонақтар келіпті.Балалар,қараңдаршы айналамыз қандай тамаша! Сендердің көңілдеріңізде сондай тамаша деп ойлаймын.Олай болса балалар,келген қонақтармен және бір-бірімізбен амандасайықшы.

Балалар шаттық шеңберін құру арқылы бір-біріне жылулық лебізін білдіріп амандасады.

Балалар:Бақшамызға барғанда,

Жолыққан бар жандарға

Ертемен ақ пейілімен:

«Қайырлы таң!»-дейміз біз.

Күндіз де елді елейміз:

«Қайырлы күн !»-тілейміз.

Үйге кешке келеміз,

Не дерімізді білеміз:

«Кеш жарық!»-деп кіреміз.

Тәрбиеші:-Керемет!Ал сендер үйде,балабақшада осындай ізгі сөзді қолданасыңдар ма?Ертеңгісін адамдармен қалай амандасамыз?

Балалар:-Қайырлы таң!Сәлеметсіз бе!

Тәрбиеші:-Балалар өткен сабақта біз қандай сөздерді үйрендік?

Балалар:-Тыйым сөздер.

Тәрбиеші:-Дұрыс.Олай болса тыйым сөздерді айтайық.

Бала:Ұнасын,ұнамасын,

Шаршасаң сәл-пәл аялда,

Бірақта жерді таянба.

Ұлттық салттан бұлжыма,

Жұма күні кір жума.

Құр беталды ермекке,

Бесікті босқа тербетпе.

Негізгі бөлім:Жаңа сабақ.

Тәрбиеші:-Өте жақсы, балалар!Балалар,бүгін мен сендерге «Үйшік» ертегісін айтып беремін.Бұл ертегіні ағайынды Гриммдер жазған. (Интерактивті тақтаны қолдана отырып тәрбиеші ертегінің мазмұнын айтып береді)

-Алаңда бір үйшік тұр еді.Жертесер тышқан оны көріп қалды. -Неткен үйшік!Кімдікі бұл үйшік! Ешкім жауап қатпады. Тышқан үйшікке кіріп , сонда тұра бастады.

Секіріп бақылдауық бақа келді:

-Неткен үйшік! Үйшікте кім тұрады?

-Мен жертесер тышқанмын. Ал сен кімсің?

-Мен-бақылдауық бақамын.

-Кел,бірге тұрайық.

Екеуі бірге тұра бастайды.

Секектеп секек қоян келді:

-Неткен үйшік! Үйшікте кім тұрады?

-Біз жертесер тышқан, бақылдауық бақа, ал сен кімсің?

-Мен секек қоянмын.

-Кел бірге тұрайық.

Олар үшеу болады.

Жүгіріп жылмаң түлкі келді:

-Неткен үйшік! Үйшікте кім тұрады?

-Біз жертесер тышқан, бақылдауық, секек қоянмын,ал сен кімсің?

-Мен- жылмаң түлкімін.

-Кел бірге тұрайық.

Олар төртеу болды.

Үйшікке аю келіп, есік қақты:

-Неткен үйшік! Үйшікте кім тұрады?

-Біз-жертесер тышқан, бақылдауық бақа, секек қоян, жылмаң түлкі, ал сен кімсің?

-Ал мен-жантайғыш аюмын.Үйшігіңе жантая кетсем-бәрің жаншылып қаласыңдар!

Қорқып кеткен аңдар үйшіктен қашып шықты!

Ал жантайғыш аю үйшіктің үстіне жантая кетіп еді, үйшік қирап қалады.