Үйшік ертегісі кейіпкерлері қонақта ашық сабақ

САДЫКОВА ГУЛЬНАЗИ АЛИМХАНОВНА

ӨСКЕМЕН ҚАЛАСЫ ӘКІМДІГІНІҢ «№100 БАЛАБАҚША- БӨБЕКЖАЙЫ»

2019 ЖЫЛ

«Үйшік» ертегісі кейіпкерлері қонақта.

Білім беру саласы: Таным.

Ұйымдастырылған оқу қызметінің түрі: Қарапайым математикалық ұғымдарды қалыптастыру.

Тақырыбы: «Үйшік» ертегісі кейіпкерлері қонақта.

Білімділік міндеті: Жиынтық сапасы бойынша әртүрлі заттардан тұратыны туралы түсініктерін жетілдіру.

5-ке дейін тура және кері санауды, заттар санын цифрлармен сәйкестендіре, реттік санауды жетілдіру.

Заттарды шамаларыбойынша салыстыру дағдыларын жетілдіру.

Геометриялық пішіндерді; үшбұрыш, шаршы, шеңбер тану, атау, пішіндердің пішінін сипап- сезу және көру тәсілдерімен дәлелдеп көрсете білу. Пішіні ұқсас заттарды айта білу.

Заттардың кеңістікте және өзіне қатысты орналасуын бағдарлай білу.

Тәулік бөліктерін; таңертең, күндіз, кеш, түн, күндер кеше, бүгін, ертең ұғымдарын анықтай білу

Дамытушылық міндеті: Ойлау, есте сақтау қабілеттерін, сөйлеу тілдерін, әртүрлі сезім мүшелері ( есту, көру сипау) көмегімен санау, заттарды салыстыру дағдыларын дамыту.

Тәрбиелік міндеті: Бірін- бірі тыңдап, бастаған істерін аяғына дейін жеткізуге , ұйымшылдыққа тәрбиелеу.

Алдын- ала жұмыс: «Үйшік» ертегісінің мазмұнын еске түсіру, көктем гүлдерін ажыратып , аттарын үйрету, орман тұрғындары; аңдар мен құстар, өсімдіктері; ағаштар мен гүлдер туралы білімдерін еске түсіріп, қайталату.

Көрнекі құралдар: Ұйымдастырылған іс- әрекет тақырыбына сай әзірленген сюжет, кеспе сандар, топтамалар, пішіндер, гүлдер.

Тілдің үштұғырлығы: Бір- один- one, екі- два- two, үш- три- three, төрт- четыре- four, бес- пять- five.

Ұйымдастырылған оқу қызметінің барысы:

Мотивациялық- қозғаушылық

Шаттық шеңбері: Біз еркеше баламыз,

Айтқан тілді аламыз.

Достарымды көргенде,

Қуана қарсы аламын

Сәлем, сәлем, сәлем!

Сұрақ- жауап:

-Балалар- далада ауа- райы қандай?

Табиғатта қандай өзгерістер болып жатыр?

-Неге мұндай өзгеріс болып жатыр?

-Көктемде тағы қандай өзгерістер болады?

-Көктемге дейін қай мезгіл болып еді?

-Көктемнен кейін қай мезгіл келеді?

-Ал балалар, бүгін мен сендерді ертегілер әлеміндегі бір үйге назар аударуға шақырамын. Бұл қай ертегі? («Үйшік» ертегісі )

-Оны қайдан білдіңдер? ( Үйде «Үйшік» ертегісінің кейіпкерлері орналасқан )

-Иә, балалар, «Үйшік» ертегісінің кейіпкерлері тапсырмалар алып келіпті. Олардың тапсырмаларын орындағыларың келе ме? (Иә )

Ұйымдастырушылық-ізденістік

-Бұл ормандағы үйшікке орман тұрғындары қандай ретпен келіп өмір сүре бастап еді?

(1- тықырлауық тышқан, 2-ші бақылдауық бақа, 3-ші қорқақ қоян, 4-ші қу түлкі, 5-ші сұр қасқыр, ең соңында қорбаңдаған аю келіп өмір сүрген.)

-Ендеше үйшік тұрғындарының тапсырмасын орындайық.

-Сонымен енді ненің тапсырмасын орындаймыз ? (әр тапсырманы орындаған соң осы сұрақты қоя отырып келесі тапсырмаға көшіп отыру)

Тышқанның тапсырмасы:

Д\О «Тәулік туралы не білеміз?»

Мақсаты: Тәулік бөліктерін; таңертең, күндіз, кеш, түн ұғымдарын анықтай білу.

Барысы: суреттерден таңертең, күндіз, кеш, түнді анықтап, оларға адамдардың іс- әрекеті бейнеленген суреттерді сәйкестендіру.

Бақаның тапсырмасын орындау: Кеңістікті бағдарлауға тапсырма орындату; Үйшіктің айналасындағы заттардыңқандай және үйшікке қатысты қалай орналасқанын айтқызу.

Бақаның тапсырмасы: Кеңістікті бағдарлау. Үйшіктің айналасындағы заттардың үйшікке қатысты қалай орналасқанын айтқызу.

Сергіту сәті: Иіл оңға, түзу тұр,

Иіл солға, түзу тұр.

Артқа қарай бір адым,

Алға қарай бір адым.

Жоғары, төмен қарайық,

Орнымызға отырайық.

Қоянның тапсырмасы:

Д/О «Пішіндерді таны»

Мақсаты: Геометриялық пішіндерді; үшбұрыш, шаршы, шеңбер тану, атау, пішіндердің пішінін сипап- сезу және көру тәсілдерімен дәлелдеп көрсете білу. Үйшіктің бөліктерінің қай пішінге ұқсастығын айта білу.

Барысы: Қоян пішіндерден моншақ жасап әкеліпті. Балалар оның пішіндерден жасалғанын, оларды атап. үшбұрыш, шаршы, шеңберге түсініктеме беріп, өздері үлгі бойынша пішіндерден тоншақ тізеді.

Түлкінің тапсырмасы:

Д/О «Сапасы бойынша ажырат»