Ұл мен қыз ұлт намысы тақырыбындағы тәрбие сағаты

Тренинг тақырыбы: Ұл мен қыз ұлт намысы

Мақсаты:қазіргі таңдағы ұл мен қыз тәрбиесіндегі кемшіліктерді жою, алдын алу, ата-ана мен мектептің ынтымақтастығын арттыру, ұлттық құндылықтарды сақтай отырып, ұл мен қыз, яғни еліміздің келешек кемеңгерін тәрбиелеудің жолдарын қарастыру.

Тренинг барысы

Сәлемдесу. «Мен кіммін, менің құнды қасиетім» жаттығуы

Топқа бөлу. Бас киім суреті арқылы

Кіріспе. «Қазақ қызы» бейнебаяны

«Алаң» жаттығуы

«Бүгінгі үйдің еркесі-ертеңгі елдің тірегі» жаттығуы( ата-аналар суретте көрсетілген тапсырманы орындап шығады)

«Бақытқа бастар сара жол» жаттығуы

Кіріспе

Қазақ ұлын ұядан, балапан кезінен қырандай қияға қанат қақса екен, отбасы, ошақ қасында қалмаса екен деп тілеген. Қарғадайынан ашамай ерттеген тай-құнанға мінгізіп, ұранымды айтар ұланым деп, қолдан келгеннің бәрін аямаған. Талабын ұштаған. Қазақтың бетіндегі ұяты, көңіліндегі мияты бол деген тілегін құлағына құйған. Қазақ қызын ұлдан жоғары қойған, босағаға отырғызбаған, жаны нәзік деп көңіліне қараған, қонақ деп құрметтеген. Тіпті кей тұста ұлға балап өсірген. Ұлттың алтын қазығы, ұлттың ғұмыры, ұлылық қыздың ибасында, ананың ақ жаулығында деп, осыны мойнындағы тұмар секілді ой-санасына дарытқан. Ел шеті бүлінсе, ерлердің қатарына қосып, кейде қару да ұстатқан. Бұған көзі ашық, арғы-бергі тарихты ой сарабынан өткізген жан жақсы біледі.

Біз бүгінде жоғарыда ұшқындатып айтқан ұлт үлгісінен алыстап бара жатқандаймыз. Әлемдік сапырылыс үдеп тұрғанда оған қанша жерден алдына тосқауыл болам десең де, бола алмайсың дейтіндер табылар. Бірақ, солай екен деп ұлттық дәстүрден қол үзіп, жұтылып кету керек пе деген ой жұдырықтай жүректі тайдай тулатып тұр. Мұндай тұста ұран ұстар ұл ынжықтық танытса, ибалы қыз қырын кетсе, жұртымыздың төрт құбыласын түгендеу қиын болары хақ. «Мен қауіп еткеннен айтамын: Ақ борықтай иілген, Кейінгі туған баланың, Ұстай ма деп білегін, Шая ма деп жүрегін, Шашын, мұртын қойдырып, Ащы суға тойдырып, Бұза ма деп реңін, Адыра қалғыр заманның, Мен жаратпаймын сүреңін», – деп Мұрат ақын айтқандай, біз де ішкі қаупімізді сыртқа шығарып отырмыз. Шынында, сұрқыңды алар сұйық іс бізде де жоқ деп айта алмасақ керек. Нарық заманы ел адамдарын өзгертті, өз күніңді өзің көруге тиіссің деген ұғымға ден қойған ұлт ұлдары әр алуан тірлікте жүр. Бірі базар жағалайды, енді бір соқталдай жігіттер көшедегі тұраққа келіп тоқтаған машина иелерінен алақан жайып ақша жинайды. Бірақ, солардың айлығы шайлықтан артылмайтын көрінеді. Ұлдарымыз, қыздарымыз көше жағалап жүрсе, жаның қалай ауырмасын. Бар байлықты шеттен келге

Сәлемдесу. «Мен кіммін, менің құнды қасиетім» жаттығуы

«Бір күнгі танысыңа қырық күн сәлем» дегендей құрметті тренингке қатысушы әріптестер қазір біз сәлемдесіп, танысып және жанымызда тұрған адамның қандай екенінде білетін боламыз. Олай болса шеңбер бойымен «Мен кіммін, менің құнды қасиетім» деп жалғастырып айтып шығамыз. Мысалы: Мен Гүлшатпын, құндылығым-шыншылдығым. Т.с .с

Топқа бөлу. Бас киім суреті арқылы

Ал енді бүгінгі тренингте топ болып жұмыс жасау үшін алдарыңызда тұрған суреттен алыңыздар және суреттеріңізге қарай топтарыңызға барып жайғасыңыздар.

«Қазақ қызы» бейнебаяны

«Алаң» жаттығуы

Ұл мен қыз тәрбиесі тек бізді емес бүкіл әлемді өзіне қаратып ұрған үлкен мәселе болып тұрғаны анық. Құқықбұзушылықтың алдын алу, оқушылардың өмірге құштарлығын арттыру, жасөспірімдер арасындағы жат қылықтарға тосқауыл қою жолдарын қарастыру мақсатында өздеріңізбен бірге жол табуға бел байладық. Қазір біз «Алаң» жаттығуын орындаймыз. Топтарға арнайы тапсырмалар берілген , сол тапсырмаларды топ болып орындап шығуларыңыз керек.

Жантанушы тобына:Қыз бала тәрбиелеуде қандай қағиданы ұстану керек деп ойлайсыз?

Сенімді дос тобына: Ұл бала тәрбиесіндегі қажетті басымдықтар деп нені айтар едіңіздер?

Саналы тәрбие тобына: Қазіргі отбасылардың бала тәрбиелеуіне көңіліңіз тола ма?

Сарқылмас сезім тобына: Еліміздің болашақ иелерін тәрбиелеуде қандай жұмыстар атқарып жүрсіздер?

«Бүгінгі үйдің еркесі - ертеңгі елдің тірегі» жаттығуы( қатысушылар суретте көрсетілген тапсырманы орындап шығады)

Өздеріңіз көріп отырғандай алдарыңызда ұл мен қыздың бейнесі тұр. Өкінішке орай сол бейнелерді бүркемелеп тұрған суреттер бар. Сол суреттерді алып, топ болып берілге тапсырманы орындай алсақ біз ұл мен қыздың болашағына шуақ шашып, қазақ қызы мен ұлының жарқын бейнесін көрген болар едік.