Ұлт бірлігі – ұлы байлық мерекелік сценарийі

1-мамыр Достық мерекесіне арналған «Ұлт бірлігі - ұлы байлық» атты мектепішілік мерекелік ертеңгілік

Мақсаты: көпұлтты Қазақстан Республикасының халықтар достығы - еліміздің кепілдігі екендігін таныту. Әр халықтың өнері, оның рухани байлығының негізіг баланың жүрегіне өз ұлтының тілін, дінін біле отырып, өзге ұлттың рухани байлығын сыйлауға, құрметтеуге тәрбиелеу.

Көрнекілігі: Плакаттар, қабырға газеттері, буклеттер.1-жүргізуші:Ауылым туған, гүл тергем сенен алғашқы,Көгілдір аспан, көк жиек, орман-шарбақты.Көзіме алғаш кезіккен қайда бозторғай,Көкегім қайда жамылған жолақ шарқатты,Сыңғырлы көлім, сыбдырлы тоғай, гүлді қыр,Өздерің болып санама бала тұнды жыр.Көгімнен құлап, көңілімді жатты жылытып,Көзімнен ойнап, күміске бояп күлкі нұр.

2-жүргізуші:

Құрметті ұстаздар! Жүздерімізге шуақ, бойымызға қуат әкелген 1-мамыр Қазақстан Халықтарының ынтымағы мен бірлігі күні құтты болсын! Бүгінгі мерекемен құттықтау үшін сөз мектеп директорының тәрбие ісінің орынбасары Мусина Шырынгуль Данабекқызына беріледі.

2-жүргізуші:Бірінші мамыр!Достықтың ұлы мейрамыТоғысар сенде жандардың ізгі ойларыТатулық пенен бірлікке ынтымақ, адамзат,Өзіңді сәнмен қошемет етіп тойлайды!1-жүргізуші: Қазақстан бүгінде ұлттар мен ұлыстар мекендеген достық пен туысқандықтың, ынтымақ пен ырыстың ордасына айналды. Елбасы Н.Ә.Назарбаев халықтар достығы бірлік пен татулық орныққан елдің жаңа әлемдегі жаңа Қазақстан болуы керектігін ұлы міндет етіп қойды. Қазақстан халықтары осынау ұлы көштің басында қол ұстасып бірге жүрмек.2-жүргізуші: Назданып бүгін өмір нұрлы күні,Қыр беттің қызғалдаққа тұнды гүлі.Мамыр боп, айбары асып асқақтайды,Еңбек, Бақыт, Береке, Бірлік күні1-жүргізуші: Қаһарман, қас батырға дабылы сай,Арманға жетелейтін ағыны бай.Мен сені қуанышпен қарсы аламын,Ажарың ақ-шуақты мамырым-ай.2-жүргізуші: Ынтымақ, бірлік, достық, татулықБабалардан қалған дәстүр айтулыТүгелденіп төртеуіміз төрде тұрТәуелсіздік туы мәңгі тұғырлыБи: 3- сынып оқушылары.

1-жүргізуші:Күте тұғын асыға әр күнін біз,Арналатын ең тәтті ән жырымызМерекелі мерейлі айдың басыҚұтты болсын Бірінші Мамырымыз!2-жүргізуші:Қазақстан Республикасының Президентінің жолдауы еліміз үшін де, әрбір тұрғын үшін де асыға күтер оқиғаға айналды. Жолдаудың әр жолында көңіліңді көтеретін жылы шуақ, елдің ертеңгі көрінісін көз алдыңа келтіретін нұрлы қуат бар. Жаңа Қазақстанның көркейіп нұрлануына бірлесе үлес қосайық, ағайын.

Би: 4-сынып оқушылары.

1-жүргізуші: Қазақстан Республикасын мекен еткен 130 дан астам ұлт өкілі күні бүгінге дейін ынтымақтастыққа, бір үйдің баласындай тату-тәтті жарасымды тіршілік кешіп келеді. Жүзі басқа болғаны мен жүрегі бір, тілі басқа болғанымен тілегі бір, мақсат-мүддесі ортақ, бірлігі мықты, достығы берік ұлттар қазақ елінің салт-дәстүріне, ұлттық құндылықтарына құрметпен қарайды, сондай-ақ қазақ халқының қарапайымдылығы, қонақжайлылығы, бауырмалдылығы…