Ұлт көшбасшысы – Елбасым 1 сынып тәрбие сағаты

Тақырыбы: Ұлт көшбасшысы- Елбасым

Мақсаты:

Болашақ ұрпаққа Елбасымыз Н.Ә.Назарбаев туралы мағлұмат беру.

Елбасының өмірін, еңбек жолын үлгі-өнеге ете отырып,патриоттық сезімдерін арттыру.

Ел Президентін құрметтеуге, егемен елімізге қамқор бол білуге

тәрбиелеу.

Көрнекіліктер: суреттер, слайд, шарлар, Н.Ә.Назарбаевтың қанатты сөздері.

Әдіс-тәсілі: түсіндіру, әңгімелеу, сұрақ-жауап

Жүру барысы:

І. Ұйымдастыру кезеңі

Мұғалім:

- Қазақстан Республикасының тұңғыш президенті Нұрсұлтан Назарбаев Әбішұлы сияқты талантты тұлғаның, халқын сүйетін ұлтжанды азаматты білмейтін адам баласы жоқ. Алты жастағы баладан алпыс жастағы қартта амандығын тілеп, тілеулес болып отырады. Президент Нұрсұлтан Назарбаев 1 желтоқсанды «Қазақстанның Тұңғыш Президентінің Күні»ретінде атап өтетін заңға қол қойды. Оған сай 1 желтоқсан енді мемлекеттік ресми мерекелер қатарына енеді. Бұл біздің үлкен қуанышымыз, үлкен жетістіктеріміздің бірі.Алаулаған алабынан нұр тамып,

Қазақ елін бүкіл дүние жүр танып.

Көк байрағың желбірейді төріңде,

Әнұраның тұр көгіңде шырқалып.

(Қазақстан Республикасының Мемлекеттік Әнұраны орындалады)

ІІ. Негізгі бөлім

1- жүргізуші. Гүлхан

Қайырлы күн құрметті ұстаздар, ата-аналар және оқушылар! Бүгін біз 1 желтоқсан Қ.Р- ның Тұңғыш Президенті күніне арналған «Ұлт көшбасшысы- Елбасым»

атты әдеби сазды қойылымды тамашалауға шақырамыз.

(Сахнада «Балалық шағымның аспаны» кино филімінен үзінді көрініс. Әсем безендірілген киіз үй, Үшқоңыр әні баяу ойнап тұрады ,Киіз үйдің төрінде бала Нұрсұлтан, Әлжан әже, Әбіш ата отырады.)

(Сахна сыртынан дауыс )

Анасы түсінде буырқанып дөңбекшіп жатқан теңізді көреді. Теңізге түссе түбінен қару тауып алады. Иығына мылтықты асып алып, еш тұншықпастан, қиналмастан жағаға шығады. Анасы ағайындарына түсін жорытқанда: Алла жар болсын, түсің жақсы екен, дүниеге шекесі торсықтай үл келеді деген екен. Міне, бұл 1940 жылдың 6 шілдесінде шыр етіп дүние есігін ашқан Нұрсұлтан Әбішұлы Назарбаев еді.

Әже: бізді жаратқан бабамыз адам жаратушы жұмақ бағынан, қуып жібергенде тыңдады балам.

Нұрсұлтан: Әже, содан кейін не болды?

Әже: содан кейін балам, жаратушы ием адам баласын жер бетіне жаратты.

Нұрсұлтан: Әже біз қалай пайда болдық?

Әже: Барлық адамдар адамнан пайда болды. Бірақ олар әр түрлі жерде тұрады. (Нұрсұлтан дермен тартады)

Әже: О о о менің балам жігіт болып қалыпты – ғой, қазақтың әр бір баласы өзінің жеті атасын білуі керек. Әбіш сен өзің Сұлтанға түсіндірсеңші.

Әбіш: Сұлтан зер салып тыңда балам, сенің жетінші атаңды Айдар деп атаған.

Нұрсұлтан: Айдар (Саусағын бүгіп)

Әбіш: Айдардан кейін Мырзатай

Нұрсұлтан: Мырзатай

Әбіш: Одан кейінгі атаң, Кең баба

Нұрсұлтан: Кең баба

Әбіш : Кең бабадан соң, Еділ

Нұрсұлтан: Еділ

Әбіш: Еділден кейін Сапақбай

Нұрсұлтан: Сапақбай

Әбіш: Сапақбайдан кейін Назарбай

Нұрсұлтан : Назарбай

Әбіш: Назарбайдан......

Нұрсұлтан: Назарбайдан Әбіш

Әбіш: дұрыс айтасың балам.

Әже: Ия, Әбіштен тәңірім маған сені сыйлады. (Кенеттен самалет гүрілі естіледі) Нұрсұлтан аспанға қарап, орнынан тұрады.

Әже: Сұлтан қайда барасың? (Әжесі қоса тұрып), астапыралла, астапыралла бұл не шу, бұл не дыбыс?!

Нұрсұлтан: Әләқай,Әләқай Самалет. Нұрсұлтан жүгіре жөнеледі. Әбіш пен Әлжан соңынан жүріп сағынадан шығып кетеді.

2 -жүргізуші: Хамза -Ия, сол бала Нұрсұлтан қазіргі таңда әлемді аузына қаратқан Қазақ елінің маңдайын біткен дара тұлға. Қазақстан Республикасының президенті -ұлт көшбасшысы. Елін сүйген- елі сүйген елбасы.

1- жүргізуші: Гүлхан

Біз бүгін ұлтымыздың абыройына айналған Президентіміз үшін мақтана аламыз. Қазақтың құлан жортса тұяғы тозатын, қыран ұшса қанаты талатын ұлан байтақ жері бар, сол жері мен елін егемен ел етіп, әлемге танытқан -Елбасы.

2-Жүргізуші (Хамза):

Бағдарлап елдің ертеңін,

Тыныштық тауып жатпаған.

Болашақ үшін тер төгіп,

Үмітін елдің ақтаған.

1-Жүргізуші (Гүлхан):

Қиялы ұшқыр ойлы адам,

Әлемге болған аты аңыз.

Ұрпақтың қамын ойлаған,

Аман-сау жүрші, Атамыз.

Қазақ биі

Нұрсая : Осы тәуелсіз еркіндікте өмір сүруге біз қалай жеттік, кімдер арқылы жеттік, иә тарих бетіне үңілсек, ол өте ұзақ жылдар бойы ата-бабамыздың қасық қаны қалғанша аянбай күресіп, елім, жерім, ұрпағым деп балаларым тыныш өмір сүрсін деп бізге тәуелсіз мемлекетті сыйлады. Осындай көп ұлтты мемлекетті басқару оңай емес. Осы тәуелсіз мемлекетімізді басқару 1991 жылы 1 желтоқсанда біздің Елбасымыз Н.Ә.Назарбаевқа бұйырған екен.

Хамза: -Н.Ә.Назарбаев кім?

Гүлхан: Ол-еліміздің басшысы, халқымыздың жанашыры, өте білімді, терең ойлы тұлға.