Ұлт тағылымы өлеңдер жинағы балабақшаға

Жангелдин ауданы әкімдігі білім бөлімінің

«Балдырған» бөбекжай- балабақшасы МКҚК

Өлеңдер жинағы

Құрастырған:

Стамкулова А. Ж.

Торғай селосы

Өлең жинаққа балалардың тілін, сөздік

қорын байытуға, есте сақтау қабілетін

дамытуға септігін тигізетін «Төрт түлік мал»,

«Ұлттық аспаптар», «Ұлттық киімдер»

тақырыбындағы өлеңдер енгізілді. Өлең

жолдары балаларға түсінікті, жеңіл. Ұсынылып

отырған өлеңдермен таныса отырып, бала

малдың адам өмірінде алатын маңызы,

тигізетін пайдасы туралы біледі, төлдерімен

танысып, дыбыстауларын есте сақтайды,

музыкалық аспаптарды, ұлттық киім түрлерін

біліп, таниды.

Бүгінгі күні қазақ баласы домбырадан басқа

музыкалық аспапты біле бермейді деп ойлаймын.

Сол себепті, осы жинақта балаға түсінікті

болатындай, жеңіл тілде қоңырау, аса таяқ,

жетіген, желбуаз, сақпан, қобыз, шаңқобыз,

дауылпаз туралы айтылып және олардың сыртқы

пішіндерімен, ойналу түрімен таныстыруға

болады деп ойлаймын.

Құлыншағым, тентегім, Қандай өзің еркесің. Тыным таппай ойнаудан Жалықпайды екенсің.

* * * Құлыншағым, құлыным, Шымыр болсын буының. Асау тұлпар, құнан бол Арғымағым, жүйрігім.

* * * Ерттеп сені, шабамын, Туған жердің алабын Тентек болсаң, құлыншақ Қамшымды осып аламын * * * «Құрау, құрау» десем мен, Құлағың елең етеді. Баптап күткен құлыным Арғымақ аттай өседі.

* * * Аламан бәйге иесі, Қасиетті киесі. Құлыншақтың енесін Білесің бе биені?

Қамбар баба қолдаған, Жылқыдан жүйрік болмаған. Мінсе көлік, жесе ас Құр қалдырмас олжадан.

* * * Сүтінен қымыз сапырған, Құраулатып шақырған. Арғымағым, серігім Айналдым, жылқы атыңнан. Астыма мінген арғымақ, Асау тайдай зулайды. Қамшымды алсам қолыма Ышқына жүйткіп тулайды.

Қошақаным кішкентай,

Сүп-сүйкімді балаша. Бұйраланған өзінің Шапаны сондай тамаша! * * * Тамаша екен көздері, Жәутеңдеген мөлдіреп. Маңырайды қошақан «Қайда екен енем?» деп

* * * Қой баласы – қошақан Қошақаным момақан. Бұлтисын қозы бүйірі Жем бер, су бер, балақан. * * *

Төлдесін қойың егізден,

Қозың өрсін сегізден. Сұқ көзден алла жақсатын Тарылтпай ыстық лебізден.

Өрісте қойың төлдесе, Бұл да бір өткен мырзалық Қозың шулап, көбейсе Қойшыға қонар ырыс-құт.

* * * Қой соңынан қозы ерсе, Малдың саны мол болар. Семіз ет пен сүт берсе Жұтаң көңіл тоқ болар. Маңырап қойың, Көбейіп төлің, Басыңнан бағың таймасын. Енесін емген, Өрісте өрген, Қозы – лағың ойнасын.

Секеңдеген лағым, Сүтті жақсы көреді. Шелек алып мен шықсам, Соңымнан қалмай ереді. Өйткені мен ылғи да Сүт беремін лағыма.

* * * Шұнақ құлақ лағымды, Өте жақсы көремін. Барған сайын ауылға Қант пен кәмпит беремін.

* * * Тастан-тасқа секірген, Лағым менің адал дос. Маңыраған дауысын Естісем болды, көңіл қош. Ешкі төлін «лақ» дей ме? Жайлауда ғана «бақ» дей ме? Ұзап кетсе бөрте лақ «Шөре,шөре, қайт» дей ме?