Ұлттық киімдер туралы материал мектепке дейінгі балаларға

Ортаңғы «Тамшы» топтың ұйымдастырылған оқу қызметінің конспектісі

Күні: 22.01.2020

Тәрбиеші: Жомартова А.Е.

Білім беру саласы: «Әлеумет»,«Қатынас», «Шығармашылық»

Пән: Қоршаған ортамен танысу,Сөйлеуді дамыту, Жапсыру

Тақырыбы: «Ұлттық киімдер».

Мақсаты:

1.Тәрбиелік. Балаларды қазақ ұлттық киімдермен таныстыру.

Өз еліне, туған жеріне сүйіспеншіліктерін арттырып, мақтан етуге тәрбиелеу.

2.Дамытушылық. Балалардың тілін дамыту,сөздік қорларын байыту.Ұлттық мақтанышын,сезімін ояту,эстетикалық талғамын дамыту. Қазақ халқының ұлттық киімдерге қызығушылықтарын арттыру.

3.Оқыту.Балаларды қазақтың ұлттық киімдері жайында білімдерін кеңейту,қазақ халқының оюларын аттарын дұрыс атай білуді, түстерді ажырата білуге баулу,қойылған сұрақтарға дұрыс, толық жауап беруді үйрету.

Педагогикалық технологиялар: Денсаулық сақтау техн.,ойын техн.,дамыта оқыту техн. сұрақ-жауап, әңгімелесу, көрсету.

Ресурстармен қамтамасыз ету: «Қорап», қазақтың ұлттық киімдері,4 бөліктен тұратын қима қағаздар, әр балаға игровизор, камзолдың қиылған үлгісі,қошқар мүйіз оюлары, желім, тақтайша,сүлгі.

Билингвалдық компоненті: ұлттық киім-национальная одежда,ою-орнамент

Жаңа сөздер: ұлттық киім,қос етекті көйлек, камзол,сәукеле, мәсі, шапан, тақия.

1.Ұйымдастырушылық кезеңі.

Балалар келген қонақтармен амандасады.

– Сәлеметсіздер ме! -Здраствуйте! - Good moning!

Тосын сый:

Тәрбиеші: -Балалар ,қараңдаршы, мына жерде бір қорапша тұр екен, сендер білмейсіндер ме қайдан келгенін.Өзі үлкен екен, ашып көрейік пе? Ашады ішінен тағы да қорапша шығады.

Ой, балалар, мынаның ішінде тағыда қорапша бар екен. Оны да ашып,көрейік.

(Тәрбиеші балалардың қызығушылықтарын оятып, назарын қорапшаға аударады.)

2.Негізгі бөлім .

-Балалар, қорапшаның ішінде киімдер екен, қандай әдемі. Бұл жәй киім емес.Бұны балалар ұлттық киімдер деп атаймыз. Кәнеки, балалар, ұлттық киімдерді еске түсіріп кетейікші. --Балалар, біз әр киімді жеке қарап, атап шығайық.

.Мынау, қос етек көйлек – себебі онын қосымша желбіршектері бар. Мынау қамзол. Қамзолды көйлектің үстінен киеді. Мынау сәукеле. Сәукеле –бұл бас киім. Мынау-мәсі. Мәсі-өкшесі жоқ аяқ киім. Мынау - шапан деп аталады. Мынау –шалбар. Мынау – тақия, бас киім.

Тәрбиеші: -Балалар, қорапшаның ішінде, тағы бірдене бар сияқты. Қызыл, сары, жасыл түсті конверттер бар екен, бұл жәй конверттер емес, олардың ішінде сендерге арналған тапсырмалар бар екен. Орындаймыз ба? Кәне, Амирхан, қызыл түсті конвертті алып берші.

Қызыл түсті конверттегі тапсырма.