Ұлттық тәрбие бойынша 6-сынып тәрбие сағаты

Тәрбие сағатының тақырыбы: Ұрпақ тәрбиесі – ұлт болашағы

Мақсаты:

Ата-бабамыздың, ұлтымыздың әдет-ғұрпын, салт-дәстүрін, қасиетін бойына сіңірген, ұлттық намысы, ар-ожданы бар жастар тәрбиелеу.

Оқушыларды кішіпейілдікке, үлкендерді сыйлауға, адам бойындағы ұнамды қасиеттерді сіңіріп, ұнамсыз қылықтардан жирену сезімін тудыру арқылы әдеп әліппесін бойларына дарыту.

Көрнекілігі:Мультимедиялық тақта, слаид, салт-дәстүрлер туралы нақыл сөз

Эфиграп: «АДАМҒА ЕҢ ӘУЕЛІ БІЛІМ ЕМЕС, ТӘРБИЕ БЕРІЛУІ КЕРЕК. ОНСЫЗ БЕРІЛГЕН БІЛІМ-АДАМЗАТТЫҢ ҚАС ЖАУЫ»

Тәрбие сағаттың барысы:

І. Сан сұраққа саяхат

ІІ. Сыңарын тап

IІІ. Тыйым сөздерді оқушыларға беру.

«Ұрпақ үшін тыйым сөздердің пайдасы бар ма?»

ІV.ҚОРЫТЫНДЫ

Мұғалім сөзі:

- Расында да қазақта мынадай жақсы сөз бар. «Әке - асқар тау, ана - бауырындағы бұлақ, бала - жағасындағы құрақ» деген. Сәби үшін ең жылы ұя ата-ананың аялы алақаны, мейірімі, қайырымдылығы.

Адам баласының ажары да, бақыты да отбасынан басталады. Ал отбасы бақыты деген не?

Ол адам бойына сырттан келіп сіңетін немесе аспаннан құйылып денеңе жұғатын нәрсе емес қой. Оның да көктеп шығатын тұрағы бар. Адам баласының бақыты оның үзіліссіз тәлімі мен тәрбиесінен қалыптасатын жарқын да адал мінездеріне байланысты. Шындап келгенде, отбасы бақыты ата-аналардың өз қолында деуімізге болады.

Бала тәрбиесіне арналған асыл сөздерге тоқталу.

Иә, «Сөз асылы – мақал» деп атам қазақ текке айтпаған ғой. Өйткені, бақыт та, нұр да, жыр да, тыныста - бала. Осы бала бағбаны кімдер?

Әрине, ата- ана. Жас жеткіншек қашан да ата – ананың ақылы, үлгі-өнегесі арқылы өсіп қалыптасады.

І. «Сан сұраққа саяхат»

Оқушыларға:

1. Жеті ата деген не? Өз жеті атаңды білесің бе?

2. Төрт түліктің пірлерін ата?

3. Сүтті төрт түлік малдың аттарына байланысты ата (қой, ешкі, сиыр- сүт, бие сүті- қымыз, түйе сүті-шұбат)

4. Жылқы туралы мақал- мәтел айта аласыз ба?

(Жылқының сүті шекер, еті бал. Адам жылқы мінезді. Жылқы-малдың патшасы.)

ІІ. Сыңарын тап

1. Әдепті бала ата-анасын мақтатар………. (әдепсіз бала ата-анасын қақсатар)

2. Ана сүтін ақтамағанды………… (ешкім жақтамайды.)