Ұлттық валюта мен жалғаулар туралы ашық сабақ

Сабақтың тақырыбы: Ұлттық валюта - теңге. Жалғаулар

Сабақтың мақсаты:Білімділік: Тәуелсіз еліміздің ең бірінші айрықша белгісі – теңгемен тереңірек таныстыру

Дамытушылық: Оқушылардың ой - өрісін, жазу сауаттылығын, есте сақтау, мазмұндау дағдыларын дамытуға баулу.Тәрбиелік: Туған жеріне, Отанына сүйіспеншілігін ояту.

Сабақтың түрі: жаңа оқу материалдарын оқып-үйрену сабағы

Сабақтың әдіс – тәсілдері: сұрақ – жауап, іздендіру, ой қозғау, мазмұндау.

Сабақтың барысы:

І. Ұйымдастыру кезеңі

1. Оқушылармен амандасу, сабаққа қатысын тексеру

2. Сабаққа психологиялық дайындық жасау.

3. Сабақтың тақырыбымен, мақсатымен таныстыру.

ІІ. Ү/Т сұрау:

1.Көктемде қандай мерекелер болады?

2.Таяуда қандай мереке болады?

3.Мерекеде кімдерді құттықтайсың?

ІІІ. Жаңа сабақ:

– Отан деген не?

– Сенің Отаның қай жер?

– Қазақстан қандай мемлекет?

– Тәелсіздіктің белгілеріне не жатады?

2. «Ұлттық валюта – теңге» тақырыбына презентация әзірлеп әкелгендер болса, соны көру.

3. Сөздікпен жұмыс.

Айрықша белгісі – отличительный знак

Төлем – плата

Құрал – средство

Қазына – богатство

Арнаулы – специальный

Жарлығымен – по указу

Құпия қорғанысы – секретная защита

Дербес ел – суверенное государство

Билік – власть

Даму көзі – источник развития

Деңгей – уровень

Қамтамасыз ететін – обеспечивающий

Үнемді – экономно

Тәуелді болу – быть зависимым

Құнды қағаздар – ценные бумаги

Несие беру – давать кредит

Қаржы мекемесі – финансовое учреждение

Ақшаны жинау – копить деньги

4. «Ұлттық валюта – теңге» тақырыбына мәтінмен жұмыс.

Ұлттық валюта – теңге

Қазақстан Республикасы – егеменді, тәуелсіз демократиялық мемлекет. Оның өз Ата Заңы, мемлекеттік рәміздері, ұлттық валютасы бар.

Тәуелсіздік алған елдің ең бірінші айрықша белгісі – ұлттық валюта. Ол – Қазақстан Республикасы көлемінде пайдаланылатын заңды төлем құралы. Ақша – асыл қазына, халық байлығы.

Халқымыз теңгені бұрын да пайдаланған. Ерте замандарда теңгелерді Түркістан, Тараз қалаларындағы арнаулы шеберханаларда жасаған.

Ұлттық валютамыз Қазақстан Республикасы Президентінің 1993 жылғы 12 қарашадағы жарлығымен 1993 жылы 15 қараша күні таңертеңгі сағат 8:00-ден бастап енгізілді. Қазақ теңгесі Англияда басылды.