Ұлы Абайдың даналығы бойынша 2 сыныпқа сабақ жоспары

Мектеп:Шырын орта мектебі

Мерзiмі: 14.09.2019ж

Тақырып: Ұлы Абайдың даналығы

Құндылық: Сүйіспеншілік құндылығы

Қасиеттер: Адалдық, құрметтеу, жауапкершілік

Мұғалiм:Молотова Р.О

Cыныбы: 2а

Сабақ мақсаты:

Абай даналығы туралы түсінік бере отырып, оның дүниетанымының сүйіспеншілік құндылығына негізделгенін ұғындыру.

Міндеттері:

Білімділік; Абай даналығын сүйіспеншілік құндылығымен байланыстыра отырып үйрету;

Дамытушылық; адалдық, жауапкершілік қасиеттерін дамыту;

Тәрбиелік; айнала қоршаған ортаны құрметтей отырып, адал, жауапкершілікті болуға тәрбиелеу.

Ресурстар: (құралдар, мәліметтер)

Кітап, дәптер, үнтаспа, ақ қағаздар, нақыл сөздер,

Сабақ барысы:

Ұйымдастыру кезеңi.

Сәлемдесу, оқушылардың көңіл - күйін сұрау, сабаққа қатысуды тексеру. 5 «Т» тәртіп,талап,тыныштық,тазалық,татулық ережесімен таңыстыру.

2. Жағымды күйге келу.

Ескертулер:

3.Үй тапсырмасын тексеру.

Өткен тақырыптарды қайталау.

4. Дәйексөз.

«....Адамның жақсысы - адамға сүйіспеншілікпен қарағандар»

Сүйіспеншілік дегеніміз - адамның барлық тіршілік иесіне, табиғатқа, өзінің таза іс-әрекетіне, еңбегіне деген ықыласы.

5. Әңгiмелеу (сұхбат).

Мұғалімнің сыйы «Аңыз айту»

Жанқұтты шешеннің батасы. (Үзінді) Ел аузынан.

.....Бірде Жанқұтты шешен Құнанбайдың үйінде отырғанда Абай келіп сәлем береді. Ол кез - Абайдың жас шағы екен. Оның тапқырлығын, өлең шығаратынын естіп жүрген шешен баланы қасына отырғызады. Біраздан кейін Абай:

- Ата, сізден бір сұрақ сұрауға бола ма?,- дейді.

- Е, шырағым, сұрай ғой ,- депті Жанқұтты шешен.

- Ата, арзан не, қымбат не, дауасыз не? Соны білейін деп едім, - депті Абай.

- Шырағым Абайжан! Арзан - өтірік, қымбат - шындық, ал дауасыз деген ол кәрілік емес пе? Жанарыңның оты бар екен - ақындығың шығар, маңдайың жазық екен - ойлылығың шығар, халқыңның қалаулы азаматы бол, - деп Жанқұтты батасын беріпті.

Оқушылар өз ойымен бөліседі.

- Жанқұтты шешен Абайды не себепті жанына отырғызды деп ойлайсыңдар?

- Абайдың ақылдылығын қай жерден аңғаруға болады.

6. Шығармашылық іс-әрекет, топтық тапсырма.

1- тапсырма: Ә. Қастеевтің "Жас Абай" туындысы берілген. Оқушылар өнер туындысына қарап, оның бет-бейнесінен, көз қарасынан нені аңғарғанын әңгімелеп береді.

2- тапсырма: Оқулықта берілген Абайдың нақыл сөздерін оқып, күнделікті өмірде осы өсиеттерді қалай қолданатыны туралы әңгімелейді.

Дәптермен жұмыс

Дәптердегі тапсырмаларды орындау.