Ұлы жеңіс сарбаздары, бастауыш сынып материалы

Тақырыбы: Ұлы жеңіс сарбаздары.

Сабақтың мақсаты: Ұлы Отан соғысы жайлы оқушыларға мағлұмат беру. Тарихи танымдарын қалыптас тыру. Патриоттык сезімдерін ояту. Отанын, жерін, халқын сүюге тәрбиелеу.

Сабақтың көрнекілігі: Кеңес Одағы батырлары жайлы түрлі деректер, суреттер. Жерлес ардагер атайдың соғыс туралы естелік, әңгімесі жазылған бейнетаспа. Ак кептерге тізілген түрлі-түсті шарлар.

1-жүргізуші:

Соқ, жас ұлан, соқ қуатпен,

Соқ, солқылдат барабанды.

Жылда есіңе ал шабытпен,

Жеңіс үшін аққан қанды.

2- жүргізуші:

Ұмытпа сен,елімізге,

Бақыт тегін келмеген.

Ұмытпа сен елімізге,

Бакыт тегін келмеген.

1- жүргізуші:

Дәл осынау жадыраңқы жай күні,

Болса дағы қай ғасырдың қай күні.

Ұлы Отаным басымды иіп бір минут,

Есіне алмақ сол бір апат қайғыны. ( 1-минут үнсіздік)

2-жүргізуші:

1941 жылы 22маусым күні таң шапағы жаңа ғана арайланып келе жаткан кезде, елімізге қауіп төнді. Халкымыз адам айткысыз қиын кезеңге душар болды. Фашистик Германия елімізге опасыздықпен басып кірді.

1- оқушы: Бұлт түнеріп аспаннан,

Талай көзден жас тамған.

Тұткиылдан жау тиіп,

Қырғын соғыс басталды.

2- оқушы: Отаным, еркелеймін енді кімге,

Өзіңмен нені болса,көрем бірге.

Қалайша қабырғама батпас менің,

Басыңа қатер күні төнген күнде.

3- оқушы: Мәншүк атыс толасында,

Жүр орманның арасында.

«Мені ал, мені ал» деп алуан гүл,

Қ олына оның таласуда.

4- оқушы: Тығылып гүл омырауға.

Сұрағандай жанға дауа,

Ант еткендей тұрды Мәншүк,

Гүлді жауға таптатпауға.

Жеңгеніміз қас жауды распа еді,

Елжіреп тұр, көктемнің жуас көгі.

9- мамыр күні еліміздің,

Үйлеріне келмеді көп әскері.

Мұғалім:

Тарихи деректерге қарағанда 1942-1945ж 1млн.196мың.164 қазақ- стандық майданға аттанып тең жартысы оралмаған. Көптеген жауынгерлеріміз ерлік көрсетті. 518 қазақстандық Кеңес Одағының батыры атағын алды

Ұлы Отан соғысының батырларын білесіңдер ме? дегенде кімдерді айтар едіңдер.

Дұрыс айтасыңдар.

Қазірде әр халық өз батырларын дәріптеп, қастерлеуде, аттарын асқақтатуда. Олардың атымен қала, көше аттары аталады. Әр батырларга арнайы ескерткіштер қойылған. Олардың ерлігін баяндайтын көптеген әңгімелер мен өлеңдер жазылған.

Көп кой батыр ағалар,

Халық сүйіп бағалар.

Көп қой батыр апалар,

Жаттап алғын балалар.

5- оқушы:

Бақытқа байтақ елді бөлегендер,

Бауыржан,Әлия, Мәншүк,Төлегендер.

Солардың қасиетті ерлігімен,

Құлпырып шешек атып, көгерген жер.

6-оқушы:

Батыр ұл есімдері сақталады,

Жыр болып жүректерде жатталады.

Ғасырдан ғасырларға аңыз етіп,

Ұрпағы мәңгі-бақи мақтанады.

7- оқушы:

Бауыржан Момышұлы - кара басы,

Халықтың болған адам садағасы.

Бауыржан Момышұлы - қазақ деген,

Ғаламат,ұлы елдің баламасы.

8- оқушы:

Әлиядай апамыз, Бауыржандай атамыз,

Фашистерден Отанды, қорғап батыр атанды.

Біз еліктеп өсетін батырларың кім? десе,

Әлия, Мәншүк апамыз, Бауыржандай атамыз.

Мұғалім: (слайд бойынша)

Балалар биыл біз Ұлы жеңістің неше жылдығын тойлайын деп отырмыз?

Окушылар: 70жыл.

Дұрыс айтасыңдар балалар. Ендеше осы мерекеге қарсы, біздің жерлес батырымыз М.Ғабдуллин жайлы есімізге түсірейікші. Мәлік Ғабдуллинді біз кім ретінде танимыз?

Окушылар: батыр, жазушы.

М.Ғабдуллин 1915жылы қарашаның 15-де Көкшетау облысы, Зеренді ауданындағы, Қойсалған ауылында дүниеге келген. Жеті жылдық мектепті үздік бітіріп, Алматы қаласындағы Абай атындағы Қазақ Педагогикалық институтына окуға түсіп, оны да үздік аяқтайды.

1936-1939ж аралығында Отан алдындағы борышын өтеп,елге оралғаннан кейін, өзінің оқыған институтында ғылыми қызметкер болып жұмыс атқарады. Ел басына күн туып, Ұлы Отан соғысы

басталғанда М.Ғабдулиннің алдында екі таңдау болады. Соғысқа бармай, елде қалып, ғылыммен айналысу немесе соғыска аттану еді. Бірақ ол өз еркімен майданға аттанды. Майданда Панфилов атындағы аткыштар полкына қабылданды. Мына суретте Панфиловшылар 15 автоматпен жаудың 5 танкісімен 150 әскерінінң көзін жойып, Мәскеу қаласын жаудан қорғап қалады.

1943 жылы майданда көрсеткен ерлігі үшін М.Ғабдуллинге Кеңес Одағының батыры атағы беріледі. Мына суретте командирдің М. Ғабдуллинді құттыктап жаткан кезі. Осы ерлігі үшін М.Ғабдуллин бір айға Қазақстанға демалыска жіберілді. Демалысқа келгеннен кейін М.Ғабдуллин көптеген ақын жазушылармен кездеседі. Ж.Жабаев және С.Муқановпен кездесу кезінде түскен суреті. Ж.Жабаев осы кездесуде М.Ғабдуллинге мына өлең жолдарын арнаған екен.

9- оқушы: Ел күйзелген кезінде,

Ерлік еткен бауырым.

Жау жағадан алғанда,

Батырлық еткен, бауырым,

Ел намысын құрметтеп,

Ер намысын ардақтап,

Құтты болсын айтамын.

Шын жүректен, Мәлігім!..

Мұғалім:

Қазірде егеменді ел болып, әр халық өз батырларын қастерлеп, дәріптеуде. Осы күні Ұлы Отан соғысына қатысқан ардагер аталарымыз қазірде қартайып тәуелсіз еліміздің лайыкты құрметіне бөленіп ортамызда жүр. Ұлы жеңістің 70 жылдық мерекесіне куә болып отырған , жерлес ардагер атамыздың әңгімесін бейнетаспадан көрейік.

Интерактивті тақтадан бейнетаспа көреді.

10- оқушы: Сүйінші елім, сүйінші

Арылтып жаудан жерімді.

Табанға жаншып өлімді,

Жеңіспен желпіп өмірді.

Оралды ерлер көңілді,

Десеңдер бұл қай күні?

9 мамыр күні.

Хор: « Әрқашан күн сөнбесін»

Начало формы

технология

Конец формы

Пользовательский поиск

Упорядочить:

Relevance

Date

Интернет

Все новинки здесь