Ұлықбек Есдәулетов шығармалары бойынша балабақша конспектісі

Екінші кіші тобындағы ұйымдастырылған оқу қызметінің конспектісі

Өткізу күні: 1.02.19

Тәрбиеші: А.А.Сулейменова

«Коммуникация», «Шығармашылық» білім беру саласының ұйымдастырылған оқу қызметі: «Көркем әдебиет», «Аппликация»

Өтпелі тақырып: «Көлік»

Тақырыбы: Ұлықбек Есдәулетов «Пойыз», «Бағдаршам»

Мақсаттары:

Тәрбиелік: Балаларды өз ойыншықтарына ұқыпты, таза қарауға тәрбиелеу,

Ересектердің қызметін құрметтеп, оның нәтижелеріне ұқыптылықпен қарауға тәрбиелеу.

Дамытушылық: Есте сақтау қабілеттерін,тіл байлығын дамыту.

Шығарманы мұқият тыңдай отырып, өлеңнен үзінді оқуға үйрету.

Оқыту: Көліктер туралы білімдерін кеңейту. Дөңгелек қағазды пайдаланып, дайын пішіндерден бағдаршам жапсыруға үйрету, түстер туралы білімдерін бекіту.

Педагогикалық технологиялар: АКТ.

Ресурстармен қамтамасыз ету: альбомдар, суреттер, видеолар.

Билингвалдық компонент: көлік-транспорт, пойыз-поезд, жол-дорога, бағдаршам-светофор

Ұйымдастырылған оқу қызметінің барысы

1.Ұйымдастырушылық кезеңі:

Балалар, біз балабақшаға таңертең немен келеміз? Сендер көліктің түрлерін білесіңдер ме? Қане, атап беріңдерші. Көліктің түрлерімен таныстыру: автобус, көлік, пойыз, ұшақ, кеме. Автобус пен көліктер тас жолда жүреді. Ал, пойыз теміржолда (рельс) жүреді. Кеме теңізде жүзеді, ұшақ әуеде (аспанда) ұшады. Бұл көліктердің барлығы адамдарды, жүктерді тасиды. Пойыздың басы паровоз деп, ал қалғандары вагон деп аталады.

Балалар мен сендерге жұмбақ жасырайын. Ойланып, жауабын айтыңдаршы.

Қызыл көзі «тұр» дейді.

Сары көзі «дайын бол» дейді.

Жасыл көзі «жүр» дейді,

Ол не?

(бағдаршам)

2.Негізгі бөлім: Балалар пойыз туралы өлең жаттайық. Бәріміз бірге қайталап айтамыз.

Пойыз, пойызСудай жаңа,Жылтырайды шынымен.Не бар екен пойызда?Аю менен маймылдар,Мысықтармен қояндар,Міне, осындай пойыздыБалаларға сыйлаймыз.

Сергіту жаттығуы: Балалар қызыл түсті дөңгелекті көрсеткенде тыныштық сақтайды, ал сары түсті дөңгелекті көрсеткенде алақандарын соғады, ал жасыл түсті дөңгелекті көрсеткенде жүреді, аяқтарын тарсылдатады.

Д/о: «Жолын тап». Мақсаты: Балаларға көліктердің орналасу ретін меңгерту.

Балалар, сендер бағдаршам туралы білесіңдер ме? Ол қандай түстерден тұрады? Осы үш түсті біріктіргенде не пайда болады? Бағдаршам бізге жол қиылыстарынан өтуге көмектеседі. Жаяу жүрушілерді жол апатынан сақтайды. Жолдан өтерде өте мұқият болу керек. Жолдан жүгіріп өтуге болмайды. Бағдаршамның үш көзі - үш түрлі. Бағдаршам бар қиылыста адамдар өтетін ақ жолақтар болады. Бағдаршамның қызыл көзі жанғанда көліктер тоқтайды, ал адамдар жаяу жүрушілер ақ жолақтармен…