Ұнау да ұнату да заңдылық психология сабағы

Есбол орта мектебі

Тақырыбы:"Ұнауда ұнатуда заңдылық...."

(8 – 11 cынып қыздарымен)

ПІКІРТАЛАС

2018 оқу жылы

Тақырыбы: «Ұнауда ұнату да заңдылық...»

Мақсаты: Өзін тәрбиелеуге жету мүмкіндіктерін арттыру. Өмірлік әрекетіне, өз мінез - құлқына сараптама жасап, өзіндік бағдарын анықтай алу, мүмкіндігін дамыту. Ар тазалығына жету үшін өз әркетін талдап кемшілігін танып, жан сұлулығы арқылы адамдық биігіне өздігінен көтерілуге баулу.

Құндылық: ар, ұждан, намыс, ұят, аброй, өзін-өзі тәбиелеу, жан сұлулығы Ресурстар: Слайд, ар-намыс туралы ғалымдардың ойлары және даналық ойлар тізбесі

Түрі: Пікірталас

Кіріспе Сұлтанмахмұт Торайғыров "Жақсылық көрсем - өзімнен, жамандық көрсем - өзімнен, "тағдыр қылды" деулерді - шығарамын сөзімнен" , - деп тебіренді емес пе?

Балаң жаста алғашқы махаббат оянады. Бұл рухани талаптан, асыл арман мен мұраттан туған асқақ сезім. Әдетте бойжеткен мен бозбаланың бір-біріне деген ыстық ықыласы бірігіп, сабаққа дайындалудан, киноға, сауық кешке, сырғанаққа бірге барудан, оңаша жерде бір-бірімен сырласудан, оқыған кітаптары, адамдардың жақсы, жаман қасиеттері жайлы пікір алысу арқылы өрбиді. Махаббатпен әрленген рухани қарым-қатынас балаң жастың жанын бақыт-нұрға толтырып, шат-шадыман күйге бөлеп, биік мақсат-мұратқа жетелейді. "Махаббаттың мың түрлі құпиясы бар, жүрек оны жан шыққанша жасырар" дегендей, жас адамның осындай нәзік жай-күйін түсіне білген үлкендер (әке - шеше, аға - жеңге т.б.) олардың арына тиіп, өздерінен алыстатып алмай, қайта ақылын айтып, тура жолға бағыттап отыруы - үлкен адамгершіліктің белгісі болмақ. Қыз абыройы болашақ отбасының, босағаның беріктігіне қатысты мәселе.

Қазақ халқы "Қыздың жолы жіңішке" деп, қыздың жаза баспауын қатаң қадағалап отырған. Әрине бойжеткен абыройы оның ақыл -парасатына, инабаттылығына, іске бейімділігіне, өнерпаздығына, білімдарлығына, сезім дүниесі жайлы ой - өресінің тереңдігіне байланысты екені хақ. Сондықтан да әрбір ата - ана өз қыздарының абыройлы болуына ерекше мән беріп, қадағалайды. Әсіресе қыз анасына көп нәрсе байланысты. Ал, анасын ардақтай білмеген қыз, өз абыройын да сақтай білмейді. Өз намысын қорғаған қыз озар, есер жігітке кіріптар болмайды, қайта есті жігітке ес қосады.

Қыз абыройлы болу үшін оның мінез-құлқы ибалы, инабатты болуы керек. "Қыз қылығымен жағады" деген мақал содан қалған. Халық талшыбықтай бұралып, өсіп келе жатқан балаң қыздың алдына келешекте кездесетін өмірлік міндеттер қойып, оларды орындап отыруды да қыз абыройы деп есептеген. Сөйтіп, қазақ ұғымында жоғарыда айтып кеткеніміздей, бойжеткен парызы - ізеттілік пен биязылық, жарасты киіну, атасы мен әжесін, шешесі мен әкесін барынша қадір тұтып, сый-құрмет көрсету, қабақ шытпай жүріп-тұру, үлкеннің алдынан кесіп өтпеу, өсек-аянға жоламау, орынсыз дөрекі сөйлеп, шайпау болмау, ұрпақ тәрбиесінен хабардар болу, ұлттық салт-дәстүрді құрмет тұту, ана тілін ардақтау, жеңгесімен жанындай дос болу, үй шаруасына араласу, яғни үй шаруасына қажетті дағды икемділіктерді жетік меңгерген бесаспап жан болып қалыптасу. Сондықтан да әрбір ата-ана үйде…