Ұрпақ ұмытпайтын ұлы жеңіске арналған тәрбие сағаты

Күні: 04.05.2020ж

Сынып: 8

Сабақтың тақырыбы:

«Ұрпақтар ұмытпайтын Ұлы Жеңіске -75 жыл!»

Мақсаты: Оқушыларға Ұлы Отан соғысына қатысқан жерлес жауынгерлеріміз бен батырларымыз туралы мағлұмат беру. Жеңіске қосқан ауылдастарымыздың үлесі туралы айту. Отанын, елін сүюге тәрбиелеу, ұлтжандылық сезімін ояту. Мәскеуде, Ленинградта және басқа майдандарда қазақстандықтардың жасаған жаппай ерліктерін көрсету.

Көрнекілігі: Фото шежіре, қанатты сөздер, Кеңес Одағының батырларының суреттері, слайдтар.

Барысы:

І. Ұйымдастыру кезеңі

ІІ. Соғыс туралы не білесіз?

Жоспары:

Мәскеу шайқасы

Ленинград үшін шайқаста

Қазақстан – Сталинград майданының ең жақын жылы

Тәрбиеші: Отан соғысының алғашқы күндерінен бастап қатарында мыңдаған қазақстандықтар шайқасқан Кеңес жауынгерлері барлық майдандарда фашистік басқыншыларға қарсы кескілескен ұрыс жүргізді. Мәскеу түбінде генерал – майор И.В. Панфилов қолбасшылық еткен даңқты 316 - атқыштар дивизиясы ерлікпен шайқасты.

Мәскеу үшін болған шайқастарды еске ала келіп, Ұлы Отан соғысының аты аңызға айналған қаһарманы Б.Момышұлы былай деп жазды: «Біздің жүрегіміз темір емес, бірақ біздің кек отымыз қандай темірді болса да ерітіп, күйдіріп жібере алады... Біздің үрейді жеңетін қаруымыз бар, ол – Отанға деген сүйіспеншілік.»

Ленинград үшін шайқастың ауыр күндерінде қазақтың халық ақыны Жамбыл ленинградтықтарға «Ленинградтық өренім» деген жырын арнады.

1 – оқушы:

Ленинградтық өренім,

Мақтанышым сен едің!

Нева өзенін сүйкімді

Бұлағымдай көремін.

Көпіріне қарасам

Көмкерген су көлемін.

Өркеш- өркеш жарасқан

Шоқылардай дер едім.

Сапырылған көк теңіз

Шомылдырып кемерін!

Шамы күндей жайнаған

Аспанға үйлер бойлаған...

Арқа тұтып алыста,

Айбыным деп ойлағам!

2 – оқушы:

Жасағам жоқ өмірді

Жау сойқанын көргелі

Төккенім жоқ терімді

Шер қылғалы кеудені.

Жасалған жоқ салтанат-

Жаудың болуға ермегі.

Жауда қалып Ленинград,

Жаралған жоқ көнгелі!

Жасағамын өмірді-

Жау біткенді жеңгелі.

3 – оқушы:

Саудыратып сүйегін,

Топыраққа көмгелі

Қазақстан жерінен,

Тұтағандай ел кегі.

Сендерге дем бергелі!

Жолды кернеп қол кетті,

Нева алабын қорыңдар,

Ленинградтың ерлері

Ұрпаққа үлгі болыңдар,

Заманымның өрнегі!

4 – оқушы:

Елестейді көзіме,

Атылған оқтың жалыны.

Отанның байтақ жерінен

Майданның жеңіс дабылы

Соғыстың осы күнінде

Жеңімпаз ердің үнінде,

Дұшпанның жақын көрінді,

Таянғаны өлуге!

Жау бейнесін тірідей

Қара жерге көмуге,

Қимылда, дос, жараным!

5 – оқушы:

Жас ерімнің өскенін

Майданға қызыл әскерін

Жөнелтті – Қазақстаным,

Тұрғызып сап – сап қатарға,

Қазақстан елінен