Ұсақ моншақтардан гүл құрастыру ашық сабағы 4 сынып

Сабақтың тақырыбы: «Ұсақ моншақтардан гүл құрастыру»

Сабақтың мақсаты:

1. Табиғат әлемін өнер туындыларында бейнелеу туралы әңгімелесу. Бұйым жасауға арналған жаңа материалмен – шыны моншақпен таныстыру.

2. Моншақты сымға тізбектеу тәжірибесін игеру. Ортасында аталықтары бар гүлдің құрылымын талқылау.

3. Еңбек қауіпсіздік ережесін сақтау, алтын ережеге бағыну, ұқыптылыққа тәрбиелеу.

Оқу еңбегінің түрі: моншақпен жұмыс.

Құрал – жабдықтар:

М ұ ғ а л і м ү ш і н : дайын бұйым, әр түрлі материалдардан жасалған және әр алуан гүлдердің суреттері немесе фотосуреттері.

О қ у ш ы л а р ү ш і н : түрлі түсті моншақ, сым (ұзыңдығы 15 см 5 – 6 кесінді), жіптер, қайшы, дайын бұйымға арналған дорба.

Тақтаны безендіру: сабақтың тақырыбы жазылған: «Ұсақ моншақтардан гүл құрастыру»; тірі гүлдердің және әр түрлі материалдардан жасалған гүлдердің пішіндері әр алуан екенін көрсететін фотосуреттер мен суреттер ілінген; моншақты сымға тізбектеудің схемасы бейнеленген.

Оқушылар үшін жоспар – конспект: «Ұсақ моншақтан гүл құрастыру».

1. Моншақтан күлтелер жасау.

2. Аталықтарын жасау.

3. Гүлді құрастыру.

Жұмыстың нақыл сөзі: «Құсты қалай ұшқанынан, адамды істеген ісінен таны».

Сабақтың барысы: l. Ұйымдастыру кезеңі.

1.Еңбек қауіпсіздік ережесін сақтау.

2.Алтын ережені еске түсіру. а) тыныш отыру

ә) ұқыпты болу

б) дұрыс отыру

в) бір-біріне кедергі жасамау

г) бәр-біріне көмектесу

ғ) көп сөйлемеу

д) әдепті болу

ll. Үй тапсырмасы: 1. Ұсақ моншақтан жасаған бұйымдарын көрсету.

2. Ұсақ моншақ бастыру тарихын әңгімеле.

3. Моншақ туралы мәлімет жинау.

Сыныпты топқа бөлу: 1-топ «Қызғалдақ»

2-топ «Раушангүл»

3-топ «Түймедақ»

Топ басшыларын сайлау.

Топ басшыларына бағалау парақшаларын беру.

lll. Жаңа сабақ: «Ұсақ моншақтан гүл құрастыру»

Жұмыс әдістемесі

Кіріспе әңгіме

Өздерің де жақсы білесіңдер, табиғатта гүлдердің түрі өте көп, мына тақтада олардың бірнеше түрі бейнеленген фотосуреттер тұр. Адамдар гүлдерді жақсы көретіні сонша оларды кез келген жерге бейнелеуге ұмтылады, гүлдердің суреттерімен ерте заманнан бері үйлердің бұрыштарын әшекейлеген, гүлдерді ашық хаттар мен картиналарда, теледидар беташарларында, киімде, т.с.с. бейнелейді.

- Сендердің еңбек сабақтарында орындаған гүлдерің неден жасалып еді? (Қағаздан, жібектен.)

Бүгін сендер жаңа материалмен танысасыңдар, одан да гүл жасап көресіңдер.

lV. Оқулықпен жұмыс (І)

Оқушыларға оқулықтағы мәтінді оқу ұсынылады. Сонымен қатар «идеялар қорын» қарайды.

Жаңа жұмыс материалымен танысу

Сендер бүгін моншақтан гүл дайындайсыңдар. Мына материалға қараңдар, қолдарыңа ұстап көріңдер, қалай сөзілетінін тексеріңдер.

-Моншақ дегеніміз не нәрсе?

-Бұл шыныдан жасалған кішкентай шарлар. Әрине, күнделікті өмірде шыны деген материалды жиі кездестіресіңдер.

- Адамдар шыныны қайда пайдаланады? (Терезеге, ыдыс жасаған кезде, автокөліктер мен пойыздарды, жарық беретін электр шамдарын жасағанда. Жеке жеке шыны кесектерінен қабырғаларға мозаика жасайды, сондай – ақ әр түрлі зерлік әшекейлерді – мойынға тағатын моншақтарды, сырғаларды, моншақтарды жасайды.)