Үш аю қорап театры мектепке дейінгі балаларға

№10 екінші кіші тобының ұйымдастырылған оқу қызметінің технологиялық картасы

Тәрбиеші: Кайыркубенова Ж.А

Білім беру саласы: «Коммуникация»

Бөлімі: Драма

Тақырыбы: «Үш аю» қорап театры

Мақсаты:«Үш аю» ертегісін көңіл қоя тыңдауға, ертегіні рольге кіріп

ойнауға үйрету.

Міндеттері:

1.Кейіпкерлердің мінез-құлықтарын және дауысын дұрыс сала білуге үйрету.

2.Балалардың сөйлеу тілін жетілдіру, сөздік қорын байыту, әртістік қабілеттерін дамыту.

3. Ертегіге деген қызығушылықтарын арттыру.

Сөздік жұмыс: ботқа, тостаған.

Қостілділік компонент: қонжық – медвежонок, аю – медведь, орман – лес.

Әдіс - тәсілдер: тосын сый,тапсырмалар, ойын, сұрақ-жауап, сергіту сәті, мадақтау, қорытындылау.

Керекті құрал-жабдықтар: мультимедиялық проектор, «Үш аю» ертегісінің кесілген суреттері , атрибуттар, боямақ.

Қызмет

кезеңдері

Тәрбиешінің қызметі

Балалардың қызметі

Мотивациялық-

қозғаушылық

Балалар бізге көптеген қонақтар келіп қалыпты. Амандасып алайық.

Балаларды екі тілде амандастырады.

Осы кезде сырт жақтан есік қағылып, хат келеді. Хат ертекші әжеден келген екен.

Сәлем хат!!!

Құрметті №4 «Балдәурен» ясли бақшасының №10 топ балалары . Мен сендерге ертегі елінен хат жолдап тұрмын. Менің сендерге деген бірнеше тапсырмаларым бар. Мына жәшіктің ішінде заманауи пульт бар соны бассаңыздар мен сіздердің экрандарыңыздан көрінемін. Біз сол арқылы сөйлесе аламыз.

Қонақтармен екі тілде амандасады.

Сәлеметсіздер ме! Здравстуйте!

Тапсырмаларды орындауға келіседі.

Ұйымдастырушылық -

іздеушілік

-Балалар Ертекші әже сендерге жұмбақ жасырады.

1тапсырма: Жұмбақ жасыру.

Қыс бойы жатады

Тәтті ұйқыға батады.

(Аю)

2 тапсырма: «Ертегіні құрастыр»

Шарты: Үстел үстіндегі«Үш аю» ертегісінің кесілген бөліктерінен ертегіні құрастыру.

Мақсаты: Ертегіні құрастыру арқылы балаларды жылдамдыққа және ұйымшылдыққа шақыру.

Сөздік жұмыс: Тостаған-ағаштан жасалған ыдыс, ботқа- жейтін тағам.

Қостілділік компонент:

қонжық – медвежонок, аю – медведь, орман – лес.

Сергіту сәтін ұйымдастырады

Қоңыр қонжық көңілді,

Міне, бізге келеді.

Шапалақтап қуанып,

Иіліп сәлем береді.

Қоңыр қонжық көңілді,

Міне, бізге келеді.

Топылдатып айналып,

Көңілді билеп береді.

3 тапсырма:

Әжей: Мен сендерге сиқырлы таяқша беріп жібердім. Соны тәрбиеші апайларын алып сендерді сиқырлап ертегі кейіпкерлеріне айналдырады. Сендер сол жерде «Үш аю» ертегісіне қойылым жасайсындар.